مـيّــاس قـــدّه

[كظيم]

ياطير صاوب نجد واسرع وجدّه=خذها رساله ودها لاعز الاحباب
وصّف له الحاله وقل صون ودّه=ترى رفيقك عقب غيبتك ماطاب
وقل له ترى حاله نحيل ٌ وهدّه=فرقاك يابو رمش ناعس وجذاب
يزورني طيفه على كل مدّه=لاجل ان بيته بين نوني والاهداب
تروى عيوني كلّما هي تلدّه=والقلب ضامي ما ارتوى من سنة غاب
والبارحه طوّقت ميّاس قدّه=ومجدلــّه من فوق الاكتاف ينساب
كن النفل ينبت على ريف يدّه=والجيد موطن للخزامى ومحراب
وهاك اللما ورد الشفايف تحدّه =والصدر واقف وقفة ابراج مرقاب
وهاك الخصر والموت ندٌ وندّه=من دون خصره بين غالب وغلاب
قطفت راوي الورد من حوض خدّه=نثرت لؤلؤ فوق ينعات الاعشاب
لا واحسافة حلمي ابطيت اعدّه=وياشيب عيني شبت وانا بعد شاب
ياطير عجّل بالرحيل وتودّه=يدلّك المكتوب واوقف على الباب
واعطه كتابي واستمع منه ردّه=وهات الجواب ولا تعطلك الاسباب
وياطير لا تبدي بسدّي وسدّه= عندك سدودي دون عن كل الاصحاب

[منيع]

اكثر من رائعة
ياخطير
تسلم ياعبدالله
تحياتي

[صنداح الزلامى]

الشاعر الكبير : عبدالله الوقيدي (كظيم)
صح الله لسااانك قصيدة من العيار الثقيل
من شاعر كبيريستحق الاشادة به في كل
مكان وزمان وعنصر اساسي للادب تحية طيبة
لشخصك الطيب وتقبل اعجابي

[الطائر المهاجر]

اثاريك رايح وطي
ماتنلام يامجنون ليلى
صح لسانك وقلبك
ولاهان راسك
ولكن الطير رجع لك بهالبيت من عنده
فترة لعبنا وانتهى اللعب حده=واليوم مالي فيك لو تكثر عتاب
البحر له جزره وله حين مده = ومن لا عرف للجزر عايش كالاغراب
أطيب تحياتي

[محمد بن عمار]

ماشاء الله تبارك الله
الغالي / عبد الله الوقيدي
شاعر يخترق حاجز الصوت
للمدى البعيد بخطى ثابتة
ماشاء الله تبارك الله
صح كلك وجميع ماحوي
فكرك وإحساسك يابعدي
مودتي فديتك
اخوك / محمد بن عمار

[فارس القوافي]

صح لسانك ياخوي الذيب خخخخخخخخ اثاريك رايحن وطي

دمت بخير

[داعي الشوق]

صح لسانك مليون يا عبدالله

ابدعت يالشاعر

معاني اكثر من رائعة

الله يعين قلبك يالهواوي

وصح لسانك

ولاهنت

[الطامي]

الوقيدي
صح السانكوملاايين
ماتنلام قليبك مولع الله يعينك عليه
ههههههههههه
رائعة لافض فوك اخي
شكرا لك

[الـزلـزال]

كظيم

بوح في قمة الجمال والعذوبه والروعه والتميز
من شاعر عودنا على ترقيص حروف شعرة
أبدعت وأمتعت شاعرنا حماك الله
دمت بخير وحب ودام لنا حرفك الفتان
صح لسانك ملايين ملايين
ولك فائق تحياتي وتقديري

[عبدالعزيز العمار]

رائع ماخطه فكرك الرائع

صح لسانك ولاهنت

تحياتي لك