الكيل فاض وجاء يلوّح نذيره

[الطائر المهاجر]

الحر نادر والحصاني كثيره = استأسدت حتى غدت كالذيابه
تعرف بخطوتها ولو هي قصيره= ومن يامن الحصني فلا به نجابه
لا من درت بك كاشفٍ للجريره= قامت تجمّع في الردى والخيابه
وقامت تشب النار بين العشيره= وتذيّر اللي وامنٍ مع صحابه
تظهر رجوله للعقول الغريره= بمكر اللسان وبالنصح والحبابه
وانااعْرف النيه وسوء السريره= وكنت احسب ان الصبر احسن طبابه
وكنت احسب اني لا رفيت العثيره= القى جزاها الشكر من عقل يابه
لكن اشوف اللي تزايد هديره= حقده كشف ماكان يخفي ضبابه
ومادام هذا ما حصل من بريره = فمن لاحمى بيته ولا صك بابه
يجيه من بيّت لنيه شريره = ويعثى بحلاله بين حرق ونهابه
دستورنا واضح وفيه البصيره= ومن يحترمنا ما تجاهل كتابه
فالكيل فاض وجاء يلوّح نذيره= ومن فيه بعض العقل يعرف جوابه

[منيع]

الله يستر من كل شر واهل الشر
الكتاب واضح من عنوانه
شكرا يادكتور
تحياتي لكم

[ياسر عبدالرحمن الخالدي]

الله يابو عبدالله

رغم طول غيابي الا انك كما انت محافظ على القمّة

صح لسانك مدد

[حوريه]

دستورنا واضـح وفيـه البصيـره
ومن يحترمنا مـا تجاهـل كتابـه



صـدقـت طاااائرنا

قصيده وافيه ورائعه ومعبره

صح قلبك واحساسك

ودمت بكل خير

,,,,,,,,,,,,

[عبدالعزيز البليهد]

مادون الحلق إلا اليدين حيلك بهم

صح لسانك واعتلا شانك ولاهنت

[بنت العز]

اي والله
انا اشهدصح لسانك ملايين
سلمت ولاهنت ياعود
يعطيك العافيه

[عبدالعزيز ابراهيم المنصور]

كلمات ترمي شرر لافض فوك يالطائر دمت بخير

[الطامي]

الطائر
صح السانك ملايين
جزلة وهادفه
لاهنت اخي

[عمر ال شيبي]

المشاركة الأصلية كتبت بواسطة الطائر المهاجر

الحر ّنادر والحصاني كثيره = استأسدت حتى غدت كالذيابه
تعرف بخطوتها ولو هي قصيره= ومن يامن الحصني فلا به نجابه
لا من درت بك كاشفٍ للجريره= قامت تجمّع في الردى والخيابه
وقامت تشب النار بين العشيره= وتذيّر اللي وامنٍ مع صحابه
تظهر رجوله للعقول الغريره= بمكر اللسان وبالنصح والحبابه
وانااعْرف النيه وسوء السريره= وكنت احسب ان الصبر احسن طبابه
وكنت احسب اني لا رفيت العثيره= القى جزاها الشكر من عقل يابه
لكن اشوف اللي تزايد هديره= حقده كشف ماكان يخفي ضبابه
ومادام هذا ما حصل من بريره = فمن لاحمى بيته ولا صك بابه
يجيه من بيّت لنيه شريره = ويعثى بحلاله بين حرق ونهابه
دستورنا واضح وفيه البصيره= ومن يحترمنا ما تجاهل كتابه
فالكيل فاض وجاء يلوّح نذيره= ومن فيه بعض العقل يعرف جوابه

عليك الله
الين انك تقول شي كبير كبير


وجهت رساله خاصه للحصاني

صح لسانك جزل جزل
حكيم الشعر بلا منافس

[عدنان كريزم]

صح لسانك ولا هنت