محاورة ليلة الثلاثاء 10 ربيع

[الطائر المهاجر]

سعود الحافي=
الليل طال وطال هرج الشواعير =ما عاد ندري وش نقول ونخلي
ياليت من يفزع لنا بالتفاسير =عن ما حدث باللي حجاجه يهلي
القصد واضح مايبي له تفاكير = مير إن بعض الناس دايم يجلي
المهاجر=
هذا زمان اللي ربح به مغاتير = فلا يشغلك ياسعود خله يولي
صنداح=
ياسعود خل الناس تصبح على خير = السالفه ماهيب ضحك وتسلي
علي الغامدي=
صنداح وشبك خلّها ملحمه غير=من غير ذبح وصلخ يابعد كلّي
سعود=
يا بن مساعد لك دروب ومشاوير = لها مع الخلان ضرب وتعلي
المطلق=
كن الجماعه ناشهم سهم تخدير=ماهم مع القيفان خلن لخلي
سعود=
يا طير لا تقطع على التاير السير = خله بدربه ماشي مايملي
علي=
الطير ما هوذاك وان حل ّ ياخير=يحفظ محلّه لا يقرّب محلي
سعود=
انا نظمت القاف من غير تعبير = لجل الفطاحل قلت قافي وفلي
المطلق=
راح الكلام وراح زين التصاوير=وش صابكم يالربع ليه التغلي
صنداح=
ياالطيرلوتشرب حليب المعاشير= احسن من النيدو ومعه با مجلي
سعود=
وش رايكم باللي يحسب المخاسير = هذاك راع المال حاله يــولي
صنداح=
وين المهاجر شاعرٍ يلعب الزير=ولعبه الى طب الملاعب يحلي
سعود=
النفس حارمها من آية تطوير = عايش حياته مثل عيشة تــرلي
فهد المطيري=
يا محسن النظره تبي تحسن السير= السير ماشي والنشاما تهلي
علي=
وشبك على الطاير وحنا طوابير=ماكن قاف الربع يعني مسلّي
سعود=
الطير يا صنداح ناشب مع الغير = ياكثر ما يتعب وحاله حصلي
علي=
ماهي صلاه نفتتحها بتكبير=ما دام ماودّه فخلّه يولي
صنداح=
ماعاد هو وياالبنات الغنادير= يخلف عليه الله زمانه مولي
علي=
مثل المعلم لازم الا بتحضير=والا علومه كلّها تضمحلّي
صنداح=
ماعاد يبقى الا ابدي والمواسير= لاوالله اللي شله الوقت شلي
المطلق=
النت راح وجيتكم بعد تطوير=وهبطت انا بالشات كني مظلي
سعود=
ولا عاد ينفع له زواج المسايير = ما غير بأكل رز دايم يفلي
المطلق=
وش صار عقبي من علوم ومداوير=والا كما كنا اياعين هلي
علي=
صنداح وشلك والدروب المحاذير=خلّك مع اللي لا لفيته يهلّي
سعود=
يا فهد لا تسأل وحنا مساهير = العين سهرانه ودمعي يهلي
فهد المطيري=
يا معتلي تله تبي تطرح الطير= ابك البقا طيرك سماه متعلي
سعود=
العود وين العود يا هل المباخير = هو غايب ولآ يصيبه تغلي
علي=
أقول كن الربع طفو المواطير=ولا من اوّل قافهم واقف(ن) لي
المطلق=
القاف باقي للعقول المداوير=مثل السحاب اليا بدى واستهلي

الله يعافيك يالمهاجر

وصح لسان من شارك

تحياتي

[سناعيس]

الله الله
ماقصرتو
الله يعطيكم العافيه جميعا

[النهج المختلف]

يا سلام فعلا إبداع تحياتي لشعار

محاورة جماعية رائعة وراقية

ماقصرتو

[الطامي]

لاهنت لاهنتو
ابداع في ابداع
شكرا للجميع وصح السنتكم
شكرا الطائر على النقل الجميل

[داعي الشوق]

مشكور يا لطائر المهاجر

على النقل والتنسيق والاخراج الرائع

والشكر موصول للجميـــــــــــع وصح لسان الشعار ،،،

تحياتي ،،،

[اللهيب]

شكرا لك
وبارك الله فيك
تحياتي

[المؤذن]

بارك الله فيك
على ما تقوم به
احترامي

[البتار]

شكرا لك
على الجهد الطيب
تحياتي

[الحويطي]

خالص الشكر والتقدير
على كل جهودك الرائعه
تقبل اطيب التحيه