( بسقيك , اقهويك , بالكيف , غنّي ) .. مُصَافحَه أولىْ ..

بسم الله الرحمن الرحيم



السلام عليكم ورحمة الله وبركاته


صَباحكُم / مَساؤكُم عِطـر

أسْعدني إنضمَامِي لـ كَوكبة الفطاحِله ,, وكل الشكر لـ ( محمّد الأسلمي ) الدّاعي لهذا الصّرْح

أتركُ هَذه المتواضِعه بين أياديكم الكريمَه وأتمَنى قبولِها مِنكم كـ مُصَافحَه أولَى



.
.
.

ماني متحسّف لا .. / .. ولاني بـراجيك=حبّه قواني / غصـب عنّـك .. وعنّـي
ياقلب لاتجفل علـى انسـان .. شاريـك=شوقـه لوانـي .. والأحاسيـس جنّـي
يابنـت ياللّـي .. ذوّبتـنـي مـواريـك=ياللّي هويتينـي ../ انـا لـك .. تهنّـي
كنت احسب انّي يامنـى العيـن صاليـك=واثـري طيوفـك ../ بالليالـي صلنّـي
كل الكـلام يثيرنـي .. سـاع طاريـك=حتى القصايد .. فـي قدومـك رجنّـي
خوذي كلامي .. وافهمي قـول غاليـك=بـبدع لك الابيات ../ من عـرض فنّـي
بـسقيك من عـذب القوافـي واقهويـك=وارويك بيدي وانتي بالكيـف ../ غنّـي
غنّي وغنّـي يـا هـوى البـال أغليـك=لنّي هويتـك ../ أعشقـك مـوت لنّـي
محلى حروفـي دامهـا لـي .. تغنّيـك=يومـك غديتـي لحنـهـا .. أطربـنّـي
عالم (دلـع كامـل) تـرى ساكـنٍ فيـك=واحلى تواصيـفٍ ../ بـعالـم سكنّـي
سهـمٍ تـوازى مـع خويّـه يحامـيـك=وسلّة حسـامٍ طـاول الوقـت .. سنّـي
وجمـرٍ تلهلـب دون نافـخ يخـاويـك=كنّز على لولو ../ بلا شـك .. وظنّـي
والليل بـمتونك حضى .. ناعـم يديـك=ينهـج بـملمسهـا يمـيـن .. وفتـنّـي
غابـت نجومـه ماعمـى الله شقاويـك=خرمس اشوفه .. طـوّق البـدر عنّـي
قـدّك تمايـل بالدّلـع .. حيـل حاليـك=حلحـل خفوقـي .. والعظايـم خفنّـي
ماني متحسّـف لا .. ولانـي براجيـك=حبّه قوانـي .. (واصبـح اليـوم فنّـي)

.
.
.



دُمْتـُم بـ خيرْ ,,,

[الطائر المهاجر]

هلا ومرحبا بك أخي هيثم
مصافحة جميلة في كلمات عذبة وشجية
صح لسانك وفكرك
ولاهان راسك
مع أطيب تحياتي
الترحيب بك في قصر الفطاحلة

[مبروك بن ماضي]

اخوي المبدع :
الشاعر / هيثم التميمي
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[الخنساء]

ماني متحسّف لا .. / .. ولاني براجيك
حبّه قواني / غصب عنّـك .. وعنّـي
ياقلب لاتجفل على انسـان .. شاريـك
شوقه لوانـي .. والأحاسيـس جنّـي
يابنـت ياللّـي .. ذوّبتنـي مواريـك
ياللّي هويتيني ../ انـا لـك .. تهنّـي
صح لسانك اخي الشاعر/ هيثم التميمي
قصيدة رااائعة ومشاعر صادقة
لاهان راسك وهلابك بيننا
سلمت وسلم شعرك
دمت بخير

[منيع]

الاخ الكريم/ هيثم
ياهلا
حياك الله سعدنا اولا بنضمامك معنا
وابياتك راقيه واول الغيث قطره
تحياتي وتقديري

مصافحه جميله

صح لسااانك مليووون

،

وهنا


يامرحبا بالداعي والمدعي معاااا

التميمي

حياك الله في محلك

صح لسانك

ولاهنت

لك التحيه

اخوك

[نجم الإبداع]

هيثم التميمي

ارحب حياك الله

وصح لسانك على المصافحه الجميله

والشكر موصول للاخ محمد الاسلمي على الدعوه الراقيه



تقبل مروري
وودي

المشاركة الأصلية كتبت بواسطة هيثم التميمي

بسم الله الرحمن الرحيم



السلام عليكم ورحمة الله وبركاته


صَباحكُم / مَساؤكُم عِطـر

أسْعدني إنضمَامِي لـ كَوكبة الفطاحِله ,, وكل الشكر لـ ( محمّد الأسلمي ) الدّاعي لهذا الصّرْح

أتركُ هَذه المتواضِعه بين أياديكم الكريمَه وأتمَنى قبولِها مِنكم كـ مُصَافحَه أولَى



.
.
.

ماني متحسّف لا .. / .. ولاني بـراجيك=حبّه قواني / غصـب عنّـك .. وعنّـي
ياقلب لاتجفل علـى انسـان .. شاريـك=شوقـه لوانـي .. والأحاسيـس جنّـي
يابنـت ياللّـي .. ذوّبتـنـي مـواريـك=ياللّي هويتينـي ../ انـا لـك .. تهنّـي
كنت احسب انّي يامنـى العيـن صاليـك=واثـري طيوفـك ../ بالليالـي صلنّـي
كل الكـلام يثيرنـي .. سـاع طاريـك=حتى القصايد .. فـي قدومـك رجنّـي
خوذي كلامي .. وافهمي قـول غاليـك=بـبدع لك الابيات ../ من عـرض فنّـي
بـسقيك من عـذب القوافـي واقهويـك=وارويك بيدي وانتي بالكيـف ../ غنّـي
غنّي وغنّـي يـا هـوى البـال أغليـك=لنّي هويتـك ../ أعشقـك مـوت لنّـي
محلى حروفـي دامهـا لـي .. تغنّيـك=يومـك غديتـي لحنـهـا .. أطربـنّـي
عالم (دلـع كامـل) تـرى ساكـنٍ فيـك=واحلى تواصيـفٍ ../ بـعالـم سكنّـي
سهـمٍ تـوازى مـع خويّـه يحامـيـك=وسلّة حسـامٍ طـاول الوقـت .. سنّـي
وجمـرٍ تلهلـب دون نافـخ يخـاويـك=كنّز على لولو ../ بلا شـك .. وظنّـي
والليل بـمتونك حضى .. ناعـم يديـك=ينهـج بـملمسهـا يمـيـن .. وفتـنّـي
غابـت نجومـه ماعمـى الله شقاويـك=خرمس اشوفه .. طـوّق البـدر عنّـي
قـدّك تمايـل بالدّلـع .. حيـل حاليـك=حلحـل خفوقـي .. والعظايـم خفنّـي
ماني متحسّـف لا .. ولانـي براجيـك=حبّه قوانـي .. (واصبـح اليـوم فنّـي)

.
.
.



دُمْتـُم بـ خيرْ ,,,

الله الله
وربى روعه وكلمات جزله
من شاعر جزل
لله درك اقول


وصح لسانك
مليون ولايكفون
ولاهنت



تحيتى لك واحترامى

[سناعيس]

هيثم التميمي

مصافحة رائعه وجزله
صح لسانك واعتلى شانك
وبيض الله وجهك يالجزل

تحياتي