فوق سطح الملحق

[الطائر المهاجر]

فوق سطح الملحق العلوي قراده = رحت اشوف اوضاع خزان المياه
والمح اللي يوم صوب لي زناده = لابس لبس الرياضه من حياه
واشعر السلّم بدى يرقل فؤاده = واتجود زود حبٍ في الحياه
ماهقيت القلب في خف الجراده= كنت اظنّه ناضجٍ ما به نياه
واثره المسكين محبوس جواده = وانطلق لمن رأى البدر وضياه
الدلع والغنج حلاها زياده = والحور بالعين في رمشه تياه
في قوامٍ غضّ يمشي في هواده = ما درى بي فوق يرتع في فياه
مرتبط في قرد مدري كيف صاده= وكيف ذاك الظبي مع ذيك الشياه
والوسيم اللي مثل حر هداده = قسمته وحش يزود من عياه

ــــــــــــــــــــــ

ورد الشاعر سليمان السكيبي ( سناعيس ) بالاتي :

يالمهاجر اثقل ازبن للركاده=واترك الخزان يبتل في بلاه
وخلها لك يالمهاجر دوم عاده=واطلب الله كل يوم يشح ماه
خوش عذر جاك والله لك أراده=لجل كل شوي تطلع للمهاه
حط نفسك مثل هندي به بلاده=وهز راسك لين تعرف مبتغاه
وان ضحك لك اكشف المستور ناده=وانتبه له لين تعرف وش وراه
لاتصير الخادمه تلبس سواده=وان عينك زينت لك هالعباه
وينكسر بك سلم ماهنا جواده= ثم تقبل على راسك من سماه

[بارقةأمل]

ههههههههههههههههههههههه

تسلم يا طائرنا

أخبر الصقور على الجبال مو سطوح الخزان

هههههههههههههههههههه

أجل كنت منغش بعميرك هههههههههه

كل هذا شفته وأنت على سطح الخزان

أجل أنت صقر بسم الله ما شاء الله تبارك الله

أبيات رائعة تسلم يا أبو عبدالله بس والله لو إني أم عبدالله لأجي وأدزك مع سطحك هههههههههههههههه

[عبدالرحمن الصباح]

مرتبط في قرد مدري كيف صاده === وكيف ذاك ا لظبي مع ذيك الشياه
ااه يادكتور واجد زي النوع هذا رائعه من مبدع واستاذ كرسي بالشعر والادب والاخلاق والتواضع تقبل ودي وتقديري لك استاذي

[الطائر المهاجر]

المشاركة الأصلية كتبت بواسطة أم زياد

ههههههههههههههههههههههه

تسلم يا طائرنا

أخبر الصقور على الجبال مو سطوح الخزان

هههههههههههههههههههه

أجل كنت منغش بعميرك هههههههههه

كل هذا شفته وأنت على سطح الخزان

أجل أنت صقر بسم الله ما شاء الله تبارك الله

أبيات رائعة تسلم يا أبو عبدالله بس والله لو إني أم عبدالله لأجي وأدزك مع سطحك هههههههههههههههه

ما تقدر هذا سطح فوق الدور الثالث وما احد يصل له إلا بسلم

شكرا لك
تحياتي

[الطائر المهاجر]

المشاركة الأصلية كتبت بواسطة عبد الرحمن بشير الصباح

مرتبط في قرد مدري كيف صاده === وكيف ذاك ا لظبي مع ذيك الشياه
ااه يادكتور واجد زي النوع هذا رائعه من مبدع واستاذ كرسي بالشعر والادب والاخلاق والتواضع تقبل ودي وتقديري لك استاذي

ارزاق تقسم ، اللهم لا اعتراض ...
عساني وياك ممن يتمتع بحور العين... لكن الخوف بسبب هالقصيدة وامثالها مفلسين في الدنيا والآخره

شكرا لكريم مرورك
تحياتي الطيبة

[يوسف الشقران]

ذكرتني بطاش ماطاش

ـــــــــ

مرتبط في قرد مدري كيف صاده
وكيف ذاك الظبي مع ذيك الشياه




ــــــــ

تسلم يامبدع بس مره ثانيه لاتطلطل يالشايب

تحيتي

[الطائر المهاجر]

والله ما طليت ، ولاني من يطل ، لكن تصور انك طالع تصلح عوامة الخزان اللي على سطح الملحق
والدنيا كلها تحتك ، وشد انتباهك المنظر ، يعني الغلط من اللي يصلح خزانه او اللي لابس ملابس الرياضة
شورت قصير وفنيله علاقي ، وقاعد يستعرض ، ولا همه اللي فوق يصلح خزانه؟؟

[يوسف الشقران]

هاهاهاهاهاها

طبعا الغلط على اللي ( لابس ملابس الرياضة
شورت قصير وفنيله علاقي ، وقاعد يستعرض )


وانت يمديك تشوف كل هذا وبهالدقه <<<< وتقول ماتطلطل

الا ليت الشباب يعود يوما = لسيل وادين ماسال سيله

[الطائر المهاجر]

وشلون اطلطل والعالم كله تحتي ، انا اعتبر في الدور فوق الثالث والحارة كلها على دورين
وبعدين أي دقه ، اللي عليه ملابس رياضه ما يلفت الإنتباه ، وبعدين انا واقف على السلم
يمكن حوالي نصف ساعه اصلح في العوامة ، وشلون بالله ما تبيني الاحظ الإغراء ..

[ماجد المهدي]

هههههههههههههههههههههههههههههه ه

خطير هالشايب ههههههههههههههههه

لا هنت ها وكيف كان خزان المياة ولا ما رحت صوبه بس حجة تحتج بها