ان كـــان مـالــك فـــي سـمــا الـعــز

[شجون القصيد]

.

. .

. . .

بانت على صدر الحقايق علامات = لابد تسمعها ولو ضاق بالك
من هو يحطك في حياته خيارات = احذر تحطه بالغلا راس مالك
واللي يصيبك منه ضيقه ولوعات = حذرّا تخطى في غلاه المهالك
واللي ليا جيته من الهم بشتات = يعقد حجاجه ذاك ماله ومالك
واللي تخبره ضدك بكل الاوقات = احذر يحس بطيحتك واختلالك
وان طحت في صاحب : دقايق ولحظات = واعزتا لك ثم واعزتا لك
وان راحوا اللي في حياتك غلا ذات = ضاقت على روحك جميع المسالك
وان كان مالك في سما العز شارات = بتعيش بين الناس يا سو حالك
واعرف ترا درب الردا والملذات = يورد على قبر كما الليل حالك
فعليك في صبرٍ يزيح المطمات = وآيات ربك قبل يدني زوالك
واليا ادلهم الليل ناجه بركعات = تسعدك بالدنيا ويعظم مئالك

[سناعيس]

الله الله
صح لسانك ياشجون القصيد
على هذه الجزلة والرائعة
والتي في كل بيت منها حكمه لله درك
ويسعدني ان يكون لي السبق في مصافحتها والتعليق عليها
لاهنتي

تحياتي

[حي الضمير]

صح لسانك شاعرتنا الرائعه شجون
واعتلا شانك
قصيده رائعه بروعة حضورك
لا خلا ولا عدم

[الـزلـزال]

شجون القصيد
بوح مميز وجميل
أختلط بالنصح والحكم والتوجيه
وتطرز بروعة الأحساس والأتقان
مبدعه وممتعه شاعرتنا دائمآ
نتمنى لك مزيدآ من الرقي والتقدم
دمتي ودام بوحك
صح لسانك ملايين ملايين
ولك فائق تحياتي وتقديري

[محمد العسكر]

كل بيت عن

قصيدة



قلة من يستطيع ذلك

ابيات

بالمختصر

كتبت لتبقى





لي عودة

تليق بهكذا شعر .

[أم ريما]

صح لسانك

ابدعتي يا شجون

يعطيك العافيه على هالقصيده الرائعه


تحياتي لك

[شجون القصيد]

الفاضل سناعيس

صح لسانك ملايين

تشرفت بعذب مرورك

اشادتك شهاده لي

لاعدمت هذا التواجد

تحياتي

[شجون القصيد]

الفاضل حي الضمير

صح بدنك ملايين

تشرفت بمرورك العطر

لاعدمت تواجدك

تحياااتي

[الطائر المهاجر]

كتبتي فأبدعتي فاستمتعت
جزلة من راس جزل وشاعرة مبدعة
صح لسانك ولا هنت
تحياتي الطيبة

[فارس بن عويف]

الشاعرة / شجون القصيد

لله درك من شاعرة مبدعة
حبك وسبك .. تميز راقي وحكمة النبلاء
نص مدهش .. كان للذائقة وآفر الحظ والنصيب منه

سلمتِ على هذا الفكر والعطاء
ولاهنتِ شاعرتنا المبدعة .