جيت للدنيا وحيدٍ

[الطائر المهاجر]

جيت للدنيا وحيدٍ وارتحل منها وحيد= ما يضر اني اقضّي باقي العمر بوحاده
من يجيني مرحبا به من قريب ومن بعيد=ومن سلى عنّي سليته ما افكر بابتعاده
ما لقيت من الخلايق غير هرجٍ ما يفيد=ومن نصحته يحسب انك كل همك انتقاده
من ترك للخلق يسعد ما يفكر في الضديد=فوقه اقمار عديده تبعد هموم و نكاده
من جميع الكون تاصل طالع اللي له تريد=واترك الاخبار عنك ما بها شي بحياده
وكان ما كفّاك دشك ادخل "النت" العديد=اضبط حروفك وباعد عن سياسه او قياده
وان جمعك الوقت مع صحب وزماله اوبديد= فاحفظ اسرارك وعقلك دايم الدوم برشاده
زلة لسانك تلاقي من يدورها يصيد=ويمكن البعض يتكسب من وراها في مزاده
ولا طلع سرك يلاقي حاقد به يستفيد= ياخذه ضدك ولا لك اي حيله او اراده
انت في دنياك عابر تنتظر يوم الحصيد= فخل ذكرك دوم طيّب عند ربك او عباده

[منيع]

ياسلام عليك يادكتور
ابدعت واجدت
شكرا لك
تحياتي

[داعي الشوق]

المشاركة الأصلية كتبت بواسطة الطائر المهاجر

زلة لسانك تلاقي من يدورها يصيد=ويمكن البعض يتكسب من وراها في مزاده
ولا طلع سرك يلاقي حاقد به يستفيد= ياخذه ضدك ولا لك اي حيله او اراده

جزاله وابداع وحكمه شاعر

صح لسانك واعتلا شانك يا ابوعبدالله..

[ملكة الشرق]

صح لسانك دكتور
رااااائعه واكثر
دائما ذوق وراقي بكل ما تتحفنا به
احترامي

[ضاامية الود]

السلام عليكم ورحمة الله
اخوي وستاذ الشعر
صح لسانك وبوحك
تحياتي وتقديري لك

[الطامي]

صح السانك
قلت فأصبت الحقيقه
لاهنت

[الطائر المهاجر]

شكرا منيع
على كريم المتابعه
لاهنت
تحياتي

[ساهر الليل]

الله الله ياعووود درر وحكم
صح الله لسانك ودام نبضك
تحيااتي لك

[بنت النور]

صح لسانك عددبلامدد
ولاهنت
تحية وتقدير

[الطائر المهاجر]

شكرا داعي
على كريم المتابعه
لاهنت
تحياتي