؛؛ عــــدى شـــــهــــــر ؛؛

[صالح سعود]

[font=comic sans ms]
اعزائي واحبابي بمنتديات الفطاحلة , مشاركه ارجوا من الله
ان تنال اعجابكم [/font]

عدى شهر ما هزهز الشوق برداه = ولا دق في قلبه ولا شاق عينه
ولا حرقه نار الغرام وتبلواه = ولا صفقت يسراه راحت يمينه
ولا شتته شوقه ولا سارت خطاه = ولا هل من ذكراه عبره ثمينه
ولا سج به هاجوس والهم ينحاه = ومن هاجسه عاف الملا والمدينه
ولا كدره لا حل في البال طرياه = اللي على فرقاه روحه حزينه
ولا طيف خله بس لحظة تمثناه =مره عجل واخلف مشاعر حنينه
وأصبح يقول الآلآه ويكرر الآلآه = في صوت عالي والملا سامعينه
ويقول يا حلوه ويا حلو ذكراه = ويا حلو ميصاله ومسكت يدينه
اللي خفوقي ذايب ن فيه يهواه = وقلبي على بعده عسى الله يعنيه
من زود حبه قلبي أتعب مطاياه = وأشغل مع أفكاره مشاعر حنينه
عدى شهر ما شده الشوق وأسراه = شهر وهو غايب وأنا أقول وينه
عدى شهر وقلبي غرامه توطاه = حبه دفين وذكرياته دفينه
شهر ..شهر .. وأنا بشوق اتحراه = يا خوف قلبي لا تعدي سنينه

[عايض ابوشيبه]

صح لسااااااااااانك ياصالح

قصيده جميله

تحياتي

[الطائر المهاجر]

صح لسانك واعتلا شأنك ياصالح
جزلة من راس جزل وشاعر متجدد الإبداع
لاهنت
تحياتي الطيبة

[الطامي]

صالح سعود
صح السانك وبنانك
جزلة من جزل
شكرا لك

[وليدالبسطي]

صالح بن سعود


صح لسانك



وعتلا شانك

نص شامخ


اخوك

وليدالبسطي

[عبدالرحمن هلال الهلالي]

وأصبح يقول الآلآه ويكرر الآلآه
...............في صوت عالي والملا سامعينـه

صالح مساء الخير
اعجبتني الطريقه التي اخترتها لنقلنا لهدوء القصيده
اختيار الكلمات الموسيقى بالابيات كلها رائعة
انت رائع بحق ياشاعر
فصح الله لسانك والف شكر

[سعد الشقحاء]

صح لسانك
واعتلا شانك

[عبدالله راشد الثويني]

صح لسانك أخي المُبدع /، صالح سعود
شاعر مُبدع ومتمكن نص جززززل
تسلم يمناك ولا عدمناك
وُدي لشخصك الكريم

[زهرة اللوتس]

صالح سعد
سلمت وسلم منطوقك
جزلة من شاعر جزل
لاهنت وبيض الله وجهك
تحياتي
وتقديري

[داعي الشوق]

صح لسانك مدد بلا عدد

يالشاعر صالح

جزالة و معنى رائع

سلمت وصح لسانك

مع التحية لك

،،،،،،،،،،،،،،،،،،،،