داعي الشوق" أقرب جاي"

[احمد حامد الزايدي]

من خوى الراس طب الراس فنجال دله=علم اللي ماهو عن كيف الأجواد داري
والـقـمــر لــن بـداء نـوره فــدربك تـدله=يـعـجـك نوره أنـته وأنت فالدرب ساري

[داعي الشوق]

هلا يا بو حامد

يالله حيــّه ،

و الله يعيني عليك يالزايدي

( استلم يالأمير )

كيفنا يالمعزّب كيف تقدر تمله = وانت تعرف سلوم الناس والوقت جاري
القمر وان تغيّب دربنا ما نزله = أسري الليل وحزامي رصاص وشراري

[احمد حامد الزايدي]

الله يبقيك ويطول مهاليك يالقرم

السلـوم أنـعـرفهـا والرجل في محله=والـمـعـاني تراهـا بين كـاتب وقـاري
الـقـمر لـن تغـيب ماتشـوف أنت ضله=كيف تبصر تشوف بوسط ذيك الغداري

[داعي الشوق]

يا عميلي علامك كيف تقرأ المجله =
و انت رجل متعلم يا بعيد المداري
البداوه دروس و كل عقد نحله =
نجمي اللي اشوفه من يحدد مساري

[احمد حامد الزايدي]

لن قريت المجله مـاحصل أي خله=وأنا رجل متعلم مقتنع في قراري
كان نجمك هوى ماأنته بقادر تصل له=والبداوه دروس الا زارعين البراري

[الطامي]

صح السنتكم
رائة جدا
لاهنتم

[داعي الشوق]

المشاركة الأصلية كتبت بواسطة احمد حامد الزايدي

لن قريت المجله مـاحصل أي خله=وأنا رجل متعلم مقتنع في قراري
كان نجمك هوى ماأنته بقادر تصل له=والبداوه دروس الا زارعين البراري

يا بن حامد مقالي جاك دقه و جله = أنت شكلك لكيع و طاري لك طواري

كان عندك رسايل من خليل و خله = نجمي اللي قصدته ما هو نجم اعتباري

[داعي الشوق]

ارحب يالطامي
حياك الله
و صح بدنك

[احمد حامد الزايدي]

أنته أسهرتني والظاهر انك سمله=وأنا دكـتـور علم الطـب والأستشاري
أنت مشتاق للا أشوق والحب كله=عارف أنك فهـيـم وجزل وأنك حضاري

[داعي الشوق]

العذر منك يا طويل العمر

ترى ردودي السابقة كانت عن طريق الجوال نت

و التنسيق غير متاح عن طريق الجوال ، لذلك ظهرت بهذا الشكل

،،،،،،،،،،،،،،

دامك اللي يعالج كل داءٍ وعله = وش علاج الجريح اللي يهل العباري
كان عندك دواء للحب طالبك لله = يا بن حامد حروق الشوق فيني مواري