أحْلام جوريّه

[سهيل الشمري]

بعْد البطا

تقبّلوها


يوم وافقْ لي

إتّصالي الصّومالي


لاأسْتغني عن إنتقاداتكم اساتذتِي



0

متى على الله تضْحكْ الجُورِيّه =بِحْلُول وسْم ٍ يِسْقِي الظّمْيانِي
والألْف تبْقى قِيمِته مقْرِيّه=والذّيب مايقْسِي على الخِرْفاني
واظْمى الكُبُود اِتْنُول شرْبة ميّه =والبهْرجهْ مايسْمعهْ إنْسانِي
والكلْب الأسْودْ مايِفارِقْ خيّه=يالغْ مِنْ المِيلغْ ويتْبعْ دانِي
والحِصْني يلمْلِمْ على الحِصْنِيّه=واللّي خصِيٍّ يبْكِي ال000
والحيّ مايبْكِي غبايِنْ حيّه=والمرْجِله مايكْسِبه سِيدانِي
واللّي يِنومِسْ فِي مِداد اِيْديّه = وِبْضِحْكة أنْيابه مع الحِجّانِي
يسْكِنْ فِياض ٍ مايِضاها زيّه= مِتْغطْرِفه ماداجته رِعْيانِي
واطْلقْ شنبْ ماتِجْزِعهْ شاوِيّه = والشّاوي يْروّحْ معْ الشّوْياني
يضْرِبْ على الكايدْ بلا ماوِيّه =وِيْروّضْ اِفْلان ٍ معاه اِفْلانِي
ياناس بِالله مِنْ فِهِمْ مافِيّه؟=واللّي عرِفْ مايقْصده شقْرانِي؟
قِصّوا لاثرْ نبّضِي مِن المرّيّه =واهْل الودعْ لاضيّعتْ تنْصانِي
دام المسائل غايِرهْ مخْفِيّه =خلّوني اشْلعْ سامِرِيّ ودانِي
هيّضْنِي اللي يجْنِي المفْرِيّه=وِيعِيش جوّ الرّيّ والسّلْوانِي
ماحافته هبّاتها النسريّه= ولا اِنْطرمْ معْ شِلّة الطّرْمانِي
لاجْل العطايا عايِشٍ في غيّه =مايفْرقْ الرّوسِي عن الطّلْيانِي
ياويل قلبي واتبِعهْ بالأيّه= كان اِنّها دامتْ مع الجرْبانِي
مِتى على الله تِنْكِعِمْ كُورِيّه = والطّرْش ماتشْره على الصّمّانِي
وبْقلْب دِيرتْنا يشعّلْ ضيّه= واطْلقْ شنبْ مايكْسحه عِلْمانِي
والعاجزه تضْحكْ معاااه رويّه = وبْكِحْله ينقّشْ غلا رُمّانِي
واللي هناك اِيْشِفّ كِيف هْنيّه= واِغْلامنا يسْعدْ مع الغلْمانِي
واعيدها ياورْدة الجُورِيّه = مِتى على الله يرْوِي الظّمْيانِي؟

[داعي الشوق]

مرحبا يا سهيل

و صح لسانك مليووون يالشاعر

قصيدة ذات مغزى

ولاهنت يا مبدع

[الطائر المهاجر]

ارحب يابو ضاري
مايفهمك ياكود زايل فيه = ولوهو فطينٍ قال انا غلباني
ان كان تدري قنبله ذريه= يالله تسلم كاتب القيفاني

صح لسانك
ولا هنت
تحياتي

[المطرودي]

الجزل مايجي منه إلا الجزل
صح لسانك مدد
ولاهنت
مع أطيب تحياتي

[كاتم الأحزان]

صح لسانك وفكرك
ولاهان راسك
جزله من جزل
تحياتي وودي

[الـزلـزال]

سهيل الشمري

نص مميز ومتقن وجميل
من شاعر متميز ورائع في كل مايقدمه لنا
أبدعت وأمتعت شاعرنا الراقي المميز
دمت بخير وسلام ودام لنا حرفك
صح لسانك ملايين ملايين
ولك فائق تحياتي وتقديري

[عبدالعزيز العمار]

صح لسانك ياسهيل

نص فاخر وجزل أبدعت في صياغته

تحياتي لك

[عبدالله الشويمان]

صح السانك يا اخ سهيل

قصيده جزله من جزل

دمت بخير ولا هنت

[منيع]

جزل ومبدع
ولك من اسمك نصيب
ودي وتقديري

[عطر الياسمين]

لله درك
كتبت فأبدعت واجزلت
صح لسانك مدد
احترامي