القريب يقلــــــــــــــــــــــط،،!! !!!

[خالد بدر]

السلام عليكم ورحمة الله وبركاته***

هذي وسيمة،،ومصافحة أولى بعد عودتي من أبها***

وأتمنى أن أكون عند حسن ظن الجميع///

سلام ردية على الشعار ماهل المطـر=اهل الوفا واهل الكرم من قبل شفنـــا طيبها
امخضبين السيف من امثالهم قل ونـدر=روس الـــعِــدا من فعلهم خيم عليها شيبـــها

[ناصر السهلي]

السلام عليكم


اتمنى ان أكون عند ظنك


واستلم لاهنت

يامرحبا ترحيبةٍ تطلع مطاليع القمر=تطلع مطاليع القمر من هاجسي من طيبها
ويش العلوم اللي معك ياصاحبنا خالد بدر=عطنا علوم أبها وأهلها يومك إتغنّي بها

[خالد بدر]

الله يحيكم وكل حرفن يغني بك شهر=كل العلوم الغالية يومك لفيت انجيبها
اهل الكرم فيها وتسمع بالجبل دق النجر=ذباحة القعدان والإمساك ماهو انصيبيها

[ناصر السهلي]

البندق اللي رميها فأهدافها ماهو قطِر=لاعاد يارجال تنقلها ولاترمي بها
أنا أعرف علوم الرجال اللي لهم صيت وقدر=ماجبت لي حاجه جديده منْك لأجل أمشي بها

[خالد بدر]

إن كان قصدك دين فإنه ناقصن قدر الشبر=((مفتاحة)) الأشرار بـ(أبها) بيًحت في غيبها
الذيب يقـنب واهلها تعجز تكر ولا تفـر=اللــه يسخر ذيب يقـنب لا عـــــوى (أبها )ذيبـــها

[ناصر السهلي]

ماودّنا ندخل فأمور الدين مع زيد وعمر=خل القوافي ياأحمر العينين في ترتيبها
وأن كنت رجالٍ ظفرفأنا ترى مثلك ظفر=واللي يفك السالفه نلْزمه في تركيبها

[خالد بدر]

ذيك النياق انظر لها ياخوي دقق بالنظر=واياك من حكم رياح المهزله تجري بها
الشعر رمز وفتل ثم نقضن وفطنه مع صبر=مابه سوالف حيرت خالد ولا يدري بها

[ناصر السهلي]

ترى النياق اللي بليّا وسم ترمى بالحجر=مالك بها وأنا بعد ياصاحبي مالي بها
قال المثل يظهر لك الملاّس باللي فالقدر=بالله وين الغتره اللي دايم تصلي بها

[خالد بدر]

ياللي تبهرج هرجتك ثم تاضع بإيدك صقر=الناس تعرف مخطي الهرجه من اللي امصيبها
الشاعر اللي في ضميره ينثره داخل شطر=وانته نثرت الطلسم اللي يختكم يرسي بها

[ناصر السهلي]

فالطيب خلّك مستمر وفالخطأ لاتستمر=الثانيه ودّك بها والأوّله ودّي بها
وإن كانها شانت وخربت بيننا وقام القشر=والله لأدوس الحيّه اللي مشْيها بجنيبها