حسبي على من صادني صيدة الضب

[الطائر المهاجر]

حسبي على من صادني صيدة الضب= لا هو اكلني لا ولا اطلق سراحي
مير يتفاخر يحسبه صاد له دب = ونا متخدر بين نعسان صاحي
يقدم لي همبرقر يبي آكله غصب= وانا على اعشاب البراري نصاحي
حطيتني يازين في موقفٍ صعب = اسير عندك نازفاتٍ جراحي
خاف الولي ان كان تعرف من الرب = وبعني على صنداح والاّ فلاحي
يمكن يلاقوا لي علاجٍ به الطب= ويمكن اعالجهم بطعن الرماحي
لاشفتهم بالشات اهلي وارحب = والصدر يستاسع بكثر المزاحي
ويمكن نتلاقط بيننا هجو او سب = لكن من قلوب الطهر والسماحي
ومن شافنا قال الرزح قام واشتب= ولا هوب داري مزحنا والرزاحي
شات الفطاحل من دخل فيه يختب = ان ما مزح جاه المزح باجتياحي
فيه الوناسه ما احد فيه يعتب = ومن لا صلح له ينسحب بارتياحي
وفيه احترام الغير ما احدٍ بيغتب = كلش وضوح بعقل فيه انفتاحي
فصلٍ دراسي يدخله كل من حب = يلقى المشوره وكل علم متاحي
اخوات ويا اخوان من خيرة النخب = وما به خشاش صاب عقله كساحي
حسبي على من صادني صيدة الضب = شات الفطاحل يوم يكسر جناحي

[منيع]

هههههههههه
اقول وش سالفة الضب اللي دايم تتغني فية اثارية مسوي فيك عمايل
ولاهي غريبة عليك ياضب النت
تحياتي لكم

[صعبة المنال]

ههههههههههههه
اجل صادوك
الله يعينك
صح نبضك وفكرك

صعووووب

[عبدالعزيز البليهد]

شات الفطاحل نافذه للنقاء والصفاء

صح لسانك ولاهنت

[عبدالإله]

صح لسانك كثر إبداعك ..

ولاهنت على اتحــــافـنـــا يالشاعر

ولاعدمناك يا دكتور

[داعي الشوق]

صدقت يا بو عبدالله

شات الفطاحلة يجمع المحبة و صفاء القلوب

التي يزخر بها أعضاء هذا الموقع الغالي و المتميز بكل ما فيه

و اصبح حديث المنتديات في نجاحه و تفوقه ،

و صح لسااااااااانك مليوون

وترا فلاح و صنداح ما راح يخلونك ،،

ولاهنت

[الراقي]

صح لسانك وعلا شانك جزله ومن راس جزل اثريتنا باللأبداع

[خـرافـي]

صـــح لــســـــانـــــكـ ابوعبدالله
جزاله من رأس جزل
تقبل مروري

[نجم الإبداع]

ههههههههههه

صح لسانك وقلبك يابو عبدالله

مصافحه طيبه وهادفه

والقلوب عند بعظها

فديتك
صح اللسان الي على الطيب منصب=قلبك كبير وحب مثلك مباحي
معك المزاح يزين وانته مدرب = علمتنا فن الهجاء والسماحي
الضب لامن شاف له ضب يهرب=وان شاف سحليه يجيه الكساحي

جل تقديري

وودي

[عويد المغيليث]

دام هذي علوم الشات احنا داخلينه ههههههههه
صح لسانك اخي الكريم
وسلم بنانك
دت كما تحب