سيـــد الاسيـــادي

[بدر الحافي]

اعتذر في البدايه عن انقطاعي الفترة الماضية لا سباب خارجة عن اردادتي

اقدم لكم هذه المتواضعة والتي تبلغ من العمر ما يقارب الست سنوات
اتمنى ان تنال رضاكم
وهي تحكي قصة معينة مررت بها

حق ياهجس القصيد الي خطفت فوادي=قبل ما يسجد شعوري لك سجدت عبادة
من غدوّك في رواحك همت بي في وادي=والخطا بك في خطا رجلي وحسب العادة
ثار بركان الكلام بدلتي وقنادي=وانتثر هيلي وطارت دلته وقناده
والتفت ابي القدوع ومشعلن برادي=وخمني مثل الخيال الي ضميري قاده
طرقي امشي ب اجملي ماشلت غير شدادي=والجمل لولا الخطام افتر بي عداده
نوب اقوده بالرسن لكن ماينقادي=اسرع من البارق الي سامرن رعاده
المهم الوضع طبعا ف البداية عادي=لين طاح الرمش والرمش اكرم من السادة
ياخطاي ويا خطاه اتعبتني ف ارقادي =واستحل السهر عينه واستباح ارقاده
ما اختلفنا وش يصير ومن يكون البادي=اختلفنا في عيونن نارها وقادة
ابك يالطرف المجمل فيك كلي غادي=الزعل عند الخليل لمن يود حداده
اصبر اصبر دون حزنك يالخليل افادي=والكفوف لدمع عينك كأنها سجادة
اقبل اقبل والله انك سيّد الاسيادي=لا يهمك زار هرش ن مايطيح قراده
دوك من عمري وانا لمصالحك نشّادي=اشتريك بدم جسم ن ما استراح فواده
كيف وانت ازكى وارق من النسيم الهادي=كيف وانت الطهرساسه وانت راس عماده
يخجل الكنبود والجاوي ومسك الكادي=والذهب والماس والفضة وفيك زياده
من يلوم الروح فيك الا خطاة ربادي=اشهد انك تاج راس ن ما كسوه اسياده
فيك عجلات المشاعر شرفن ورّادي=عرضهن ما يلحقه شامت ولا نقاده
كلها لا اجلك رواية خافقي واسنادي=اعتقد عشرين بيت ومنك تبغا ايشادة
انتقيت ركاب حرفي واسرفن فالمادي=وان لحقهن جاهلن فيهن ثنيت قياده
وصّلني في ربع ساعة وجبت مرادي=والعفو بس الجمل نوّخ واخذت شداده
بس لحظه كود بالله ما احترق برادي =العوض في كيف راسي دلته وقناده

اخوكم بدر الحافي

[الطائر المهاجر]

سلمت والحمدلله على السلامه
وصح لسانك وفكرك
ولا هان راسك
جزلة من جزل وشاعر متجدد الإبداع
تحياتي

[أم ريما]

اصبر اصبر دون حزنك يالخليـل افـادي

والكفوف لدمـع عينـك كأنهـا سجـادة

اقبـل اقبـل والله انـك سيّـد الاسيـادي

لا يهمك زار هـرش ن مايطيـح قـراده

دوك من عمري وانا لمصالحـك نشّـادي

اشتريك بدم جسم ن ما استـراح فـواده

صح لسانك

يعطيك العافيه قصيده جميله

تحياتي لك ...

[داعي الشوق]

فيـك عجـلات المشاعـر شرفـن ورّادي=عرضهن مـا يلحقـه شامـت ولا نقـاده
كلها لا اجلك روايـة خافقـي واسنـادي=اعتقد عشرين بيت ومنـك تبغـا ايشـادة

.......................

مرحبا مليوووون يا بدر

و الحمدلله على السلامه

وحشتنا يا رجل ،

من طول الغيبات جاب الفرايد

صح لسانك مليار

شاعر مبدع يا بدر ما يحتاج و لا تحتاج إشادة ،

أنت عارف رأيي و انا خوك ،

دمت بخير و رعاية الله

و لاهنت

**************

[الراقي]

مًبٌَِدًٍعًٍ

وٍمًتُِِّْمًيَزٍُ

شًِْعًٍرٌٍ وٍشًِْعًٍوٍرٌٍ

وٍفْكَرٌٍ

نص باذخ الجمال

صٍْحٍّ لسٌِِّآنْكَـِِّـِِّ

[عبير الورد]

الله الله

صح لسااااانك ملايين
سلمت وسلم منطوقك الجزل

الف الحمدلله ع السلامة

يامرحبا بعودتك

[الطامي]

بد الحافي
ياسلام عليك

صح السانك ملايين
رائعة جدا
لاهنت اخي

[عبدالإله]

يااهلا با لشعر و الجزالة واهلها

ويا ااهلا بالقصيد

صح الله لسانك يالحافي

ولاعدمناك ،

ابداع يفوق الوصف

ماشاء الله عليك ،،

[منيع]

ياسلام عليك
ابداع وتميز
حضور متألق بجميع المعاني
تحياتي

[عبدالعزيز العمار]

بدر الحافي

صح لسانك وجاد بيانك

جزل ماتجيب الا الجزل

والحمدلله على السلامه واهلا بعودتك من جديد

تحياتي وتقديري