13-12-2012, 02:21 AM
|
رقم المشاركة : 1 | |||
|
سلام يامن زارنا طربان في راسه قصيد=عداد ماهلت وكون الصيف في وديانها ياشاعر القيفان وردنا على العلم الوكيد=هات العلوم اللي على بالك وعد الحانها شاكر محمـد يا مرحبا بك والعلوم الطيبه منها نفيد=عندي القصائد وزنها واحكم على قيفانها ما مرّك البارح مع خط الهدى موتر جديد=ان كان سجّلت الرقم فارسل لنا عنوانها سـاهر الليل دامك حكمت القاف مايلحقك شك ولا نقيد=وانا معك باسير والنخله تشيل اغصانها ياصاحبي ماعادني مهتم وافل الحديد=يالله ندل الدرب في زحمة كرى واركانها شاكر محمـد النخل ما فرّع غصون النخل فرّع بالجريد=بعض المعاني طيبه لا حكموا بنيانها اللي بغى بيع الحطب صار الحطب سعره زهيد=هوّن واخاف انه يشبّ الديرة ابسكانها سـاهر الليل يا صاحبي ماهي كبيره لو بداك اسمٌ جديد=خذ مطلبك واترك علومٌ ماتهم اسمانها واللي يبي بيع الحطب في السوق ما شاف الجريد=خله يشب الديره وش حدك على بدوانها شاكر محمـد تعال شف قلبي وشف حتى شغافه والوريد= ما عاد بي طاقه على نجوى كرم وجنانها لكني احزن للذي يتحمل الحمل الشديد=باقي يدوّر خيل ما يقدر يشدّ عنانها سـاهر الليل يا شاكر انكان الهوى شبك فلا تنطح صميد=خل الهوى لاهل الهوى لا قفلو بيبانها وانظر بعينك وابتعد مادام ما عينت فيد=نجوى كرم تغري ولكن ما تدل مكانها شاكر محمـد لا والله الا يا ولد قلبي على الفرقا جليد=ماني بمن يهجر سنه ويعوّد لميدانها وشهي علوم رسائل المقرود مع ساعي البريد=عسى وصل نص الجواب وشاهدتها اعيانها سـاهر الليل لا عاد تشرح لي العلوم ولاتزيد ولاتعيد=وتقول لي في الضاحيه لبوه تحد اسنانها يا صاحبي كان الرسايل جتك والمعنى وكيد=الله يعينك تاتحمل وزرها واثمانها شاكر محمـد ما انك بسهل ومقصدك تقلب موازين النشيد=مير انتبه يا صاحبي لا تعبث بميزانها قريت في شعرك كلام ايليّن الرأس العنيد=لولا ان في قلبك شجن ما جدت في تبيانها سـاهر الليل قلبي عليك يروف يوم اسمع منه صفق ورعيد=يالله عسا الغيمه على شاكر تهل اوكانها ياليتني بادري وش اللي في ضميرك ياوليد=واسقيك دله شاذليه ما نعد اثمانها شاكر محمـد لا عاد تنشد وش نبي ولاني بناشد وش تريد=مزوح وسوالف رجال ارتحت في عدّانها
سعدت في صحبتك وان شاء الله نكررها ونزيد=انا اشهد انك خذت من طيب البيوت اسمانها |
|||
|
|
13-12-2012, 02:25 AM
|
رقم المشاركة : 2 | |||
|
صح لسانك ساهر الليل |
|||
|
|
|
13-12-2012, 12:00 PM
|
رقم المشاركة : 3 | ||
|
|
صح بدنك ياسعود |
||
|
|
|
13-12-2012, 03:36 PM
|
رقم المشاركة : 4 | |||
|
صحت الالسن |
|||
|
|
|
15-12-2012, 12:30 AM
|
رقم المشاركة : 5 | |||
|
ساهر الليل وووووووو شاكر محمد |
|||
|
|
|
15-12-2012, 11:37 AM
|
رقم المشاركة : 6 | |||
|
ساهر |
|||
|
|
|
19-12-2012, 10:06 PM
|
رقم المشاركة : 7 | |||
|
صحت الالسن |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
ساهر الليل / شاكر محمد
