.. ( الحـــب اللاحـــب ) ..

[عدنان كريزم]

بسم الله الرحمن الرحيم


السلام عليكم ورحمة الله وبركاته


الحمدلله والصلاة والسلام على رسول الله وعلى آله وصحبه أجمعين




قصيده من بعد غيبه ؟....

مدخــــــل ::::

إسكت ولا كلمة كافي كلام الناس
من ضيق ما فيني ضاقت بي إثيابي
لا توعد وتخلف وعد الوفي نوماس
إن كان ما توفي فالقلب ادرى بي
بعض العرب يعشق لكن بدون احساس
والبعض من قربه اسكنه بأهدابي

ما عاد يكفيني على قربكم وقت = وآيام عمري آبعدت زيّ ما جت
والنفس عافت حبها يومني عفت = حبٍ تلاشى آكثره دون تفتيت
في ليلتي هاذيك ما حيلتي نوم = وآقف على بابي وشاغلني اللوم
وآعاتب النجمه و(ناعب) لي البوم = وتسمع زفيري من عذابه تناهيت
من يوم ما رحتي صار القلب(مارج) = وآصبح خيار الحب ما هوب دارج
من جا لنا طاريك والسمع خارج = حسبي على من موّت الحي للميت
كان الهوى فيها كما حَبْ بذره = وحِبه كبرني وآصبح اليوم زهره
وجتنا فراشه تقطف الحب ثمره = ويلاه يا عشقٍ نهايته تشتيت
وآصبح وبستان حبها دوم مظلم= ترقد غصون الحب من دون مَعَلم
تَحلم ولكن كيف يا حب تحلم = يرجع لها نورٍ ولو عود كبريت
آيامنا كانت على محض صدفه = لون السماء من شرفتي كان (سدفه)
بعدك غدا بابي وقربك لي غرفه= ليت الغظي ما يفتح الباب يا ليت
ما مات هرج الحب وما كان (مأفون) = لكن خليلي آرشد الهرج (مأبون)
وآزعج بنآت الفكر غآدون يآتون = يا عزتي لو شاعرٍ يكتبه بيت
ما ساق لي بُعد الغظي كود حابل = وما خاف صدري من غَدْر سهمْ نابل
مابيه لو يسكن حدائق ف\بابل = هجري يجيه وبيرق الوصل آدميت
كني صويبٍ من سهم قآئد الفرس = طعنه في كتفي سببت طيحة الضرس
كنّه يلّمح يا غظي إفهم الدرس = إرحل على صيتك ولا تلمس الصيت
من حبها ماتت على حبها الورد = ومجرى النهر من بعدها آعلن الصد
ما مثلها بنتٍ على قدها قد = ترسم حلول البعد ومحبوبها ميت
كان الهوى فينا كما طير (سلوى) = تفرد جناحيها على كيف تبغى
مدري علامه إنعمى كيف يُعمى؟ = يا عاذلي توني على القرب سميت
آذكر هوانا بين تلك الاشاجير = وآعطيك من شعري جزاله وتعبير
وآشم ريحك يوم يطرْف لنا عصير = الله من وقتٍ سقا لي ولميت
تدري وانا في حبك اليوم (ناهل) = منذو الصغر حتى وانا اليوم كاهل
ولا ني من إلي ناوي الحب راهل = بيت الغلا فاضي وانا منه مليت
كانت في عيني اجمل الغيد تحفه = كيف القدر جاني وجاها بصدفه
ذوق .. وحلا .. وإحساسها .. فوق .. عفه = الله يا بنتٍ من الشوق عبيت
من عقبها والحب واقف على الباب = ناظرت حالي من هوى الحب منصاب
جرحي نزيفٍ لو آعالجه ما طاب = اقسمت لو جاني هوى الحب ما جيت
ما عاد يكفيني على قربكم وقت = وآيام عمري آبعدت زيّ ما جت
والنفس عافت حبها يومني عفت = حبٍ تلاشى آكثره دون تفتيت

============================== =

(النعيب) = صوت البوم . ناعب البوم اي اصدر صوته
(مارج) = الشعلة ذات اللهب الشديد المختلط بسواد النار ودخانها
(السدفه) = الظلمه الممتزجه مع النور
مأفون : أي كأنه مستخرج العقل فلا رأي له .
مأبون : أي معيب بخلة سوء
الحابل : هو من يسوق الإبل في الحرب .
النابل : هوضارب النبل والسهام
الناهل : العطشان والريان

مخـــــرج ..::::

مدري زعل وإلا غلا صار الهوى مثل الحجر
قاسي وناسي ينتظر حال المصير إلي ب\يصير
تمشي الليالي والقهر مثل الصبر ماله عُمر
والحب عصفوره بكت ع\غصنها قبل المطير

[مبروك بن ماضي]

الاخ الكريم الشاعر المبدع / عدنان الكريزم
كالعاده .... مشرقه وجزله هي القصائد اللتي تكتبها .
صح لسانك وفكرك يافريد الفرح .
سجل إعجابي وسعادتي بالمرور بين أحرفك المشرقه
دمت أخا أعتز بوجودي في متصفحه
تقبل تحياتي واحترامي
أخوك / بن ماضي

[نجم الإبداع]

صح لسانك ياعدنان

مصافحه راقيه

لاهنت

تقبل مروري

وودي

[حي الضمير]

صح لساااانك مدد بلا عدد شاعرنا الرائع عدنان
قصيده رائعه وابدعت بارك الله فيك

[عدنان كريزم]

المشاركة الأصلية كتبت بواسطة مبروك بن ماضي

الاخ الكريم الشاعر المبدع / عدنان الكريزم
كالعاده .... مشرقه وجزله هي القصائد اللتي تكتبها .
صح لسانك وفكرك يافريد الفرح .
سجل إعجابي وسعادتي بالمرور بين أحرفك المشرقه
دمت أخا أعتز بوجودي في متصفحه
تقبل تحياتي واحترامي
أخوك / بن ماضي

اخوي الغالي مبرووك


حياك الله


ولا هننت على التواجد

[الـزلـزال]

فريد الحرف
بوح جميل غالينا
من شاعر رائع ومميز في كل مايقدمه
أبدعت غالينا رعاك الله
شاهدنا مدخل ومخرج رائعين
صح لسانك ملايين ملايين
ولك فائق تحياتي وتقديري

[الطائر المهاجر]

امتعتنا بهذه الرائعه
صح لسانك
ولاهنت
تحية وتقدير

[عبدالعزيز العمار]

الشاعر عدنان /

ياسلام عليك أبدعت وأجدت ...

صح لسانك وكلك ودام نزف قلمك الجميل ...

تقبل مروري وتحياتي

[ترانيم المطر]

صح لسانك واعتلا شانك

تقبل تحيتي

[الطامي]

الكريزم
صح السانك
وافية بحق
شكرا لك