ܓܨزمان السياكلܔ

حنين لأيام الشقاوة

لن يتوقف

لما فيها من ذكرايات جميلة

الله يردك يا زمان السياكل=واعوّد ادوّج ولا أمل وأكل
وبحيّها ابدا بفتل المشاكل=وأفزع مع اخوها بعد ما تمشكل
وادفع حساب الأكل لا صار ياكل=من بيض مقلي أو فلافل مشكّل
وامثل أدوار البطل بو الشناكل = حتى تحس بميزتي واتنشنكل
واسابق السقاي وأملا جراكل = لبيتهم للشاي والطبخ والأكل
يزينها أيام النقا والمناكل = والعشق فيها كان ماهو منكّل

اتمنى لكم يوماً سعيداً

[الطائر المهاجر]

وفي النهاية تصطدم في سيارة مثل من سبقك
لأنك منشغل تطالعها

صح لسانك
تحياتي

هههههههههههههه


ويتكسّر السيكل وارجع بيتنا مشي وحافي


تسلم لي يا بو عبدالله وصح بدنك وفكرك

ابو مبارك

صح لسانك

بروح ادور في في راسي سالفه من سولف السياكل ومعود

بس تراى بقولك شي ذيك الايام السياكل عند عيال الشيوخ

وحنا سياكلنا التويسات نركبها ونتلها مع اذونها كنها سياكل

الله يرج سموك رجعتني باك كم سنة .....

اذا مروا عيال الشيوخ تخبرهم يكونون زبيدات صمخناهم كم كف

ايه حنا عيال البدو (( بغيت اقول يازين حنّانى )) شجعان وما نهاب

ونفلها بسياكلهم كل يوم ..


هههههههههههههههه

ايام حلوة

[الطامي]

فواز بوعينين
صح السانك
ولاهنت
شوقتنا للماضي
الله ياهي ايام
هذا بسيكا وهذا بسحليله وهذا بتيل وهذا يجمع غطاوي قواطي النيدو الأول ((نستله )) ويسوهيا خنانات وهات اشوف ضرب باللي توقع فيه
لا وازيدك بعد ،، بينا حرب داحس والغبراء ومراسلات بين الكباريه الله يرجهم وحنا الصغر مندوبين عندهم
هههههههههههههههههههههههههههههه ه
ايام حلوة ياسلام عليها

المشاركة الأصلية كتبت بواسطة علي ابو عمار

ابو مبارك

صح لسانك

بروح ادور في في راسي سالفه من سولف السياكل ومعود

بس تراى بقولك شي ذيك الايام السياكل عند عيال الشيوخ

وحنا سياكلنا التويسات نركبها ونتلها مع اذونها كنها سياكل

الله يرج سموك رجعتني باك كم سنة .....

اذا مروا عيال الشيوخ تخبرهم يكونون زبيدات صمخناهم كم كف

ايه حنا عيال البدو (( بغيت اقول يازين حنّانى )) شجعان وما نهاب

ونفلها بسياكلهم كل يوم ..


هههههههههههههههه

ايام حلوة

ههههههههههههههه


وانا اقول ليش التيوس بحلالكم كل جما بلا قرون

شكلكم ماخذين احتياطكم لا يلعبون فيها عمار وعيال عمامه هههههههههههه

كان عندي سيكل يابو عمار عجيب

من السياكل الخضر اللي لها مسند تتسند عليه وان تسوق

وكنت جايب العيب بسيارة الشايب بهالسيكل

خبرك الموتر موقف واخوك ابو مبارك ما يسند سيكله الا على الموتر وخذ يامشوخ في السيارة

وتعودت والشايب تحمل مره مرتين لين آخر شي مسكني وعجني أنا وسيكلي

وبعدها بساعة رحت لبيت عمتي وشمخت سيارة زوجها الله يرحمه

ويمسكنا انا وولد عمتي ويدبغنا دبغ ما شفت مثله بحياتي الى اليوم هههههههههه

المشكله ان اللي مشتري لي هالسيكل هو زوج عمتي نفسه اللي توطى في بطني

المشاركة الأصلية كتبت بواسطة منصور المري

فواز بوعينين
صح السانك
ولاهنت
شوقتنا للماضي
الله ياهي ايام
هذا بسيكا وهذا بسحليله وهذا بتيل وهذا يجمع غطاوي قواطي النيدو الأول ((نستله )) ويسوهيا خنانات وهات اشوف ضرب باللي توقع فيه
لا وازيدك بعد ،، بينا حرب داحس والغبراء ومراسلات بين الكباريه الله يرجهم وحنا الصغر مندوبين عندهم
هههههههههههههههههههههههههههههه ه
ايام حلوة ياسلام عليها

الله يسعد أيام يامنصور

راحت أيام اللعب بالحوط والبرايح

الواحد منا كان يرجع البيت وثوبه مشقق كنه طرار

وأكمامه يابسه هذا بأيام الشتى خبرك ما فيه لا مناديل ولا غيره

وانت بكرامه ومن يقرأ جوزة الرجل متجرحه من دواسة السيكل

وابهام الرجل مجروح من لعب الكورة على الأسفلت حافين


أيام راحت

تصدق عاد اني مره نقدت على عمري

طلعنا البر مع الشباب ومشيت حافي وانزعجت من الشوك وطرت علي ايام قبل وحنا صغار كنا نركض وندوس الشوك واذا قعد الواحد منا صار يشيل الشوك اللي لاصق برجله من قوة الجلافه واخص بالشوك ( السعيدان )

يجيك مثل نص الخرزة وففيها شوك

وتوكل اذا كانت خضرا وطعهما يميل للحلاوه

صح لسانك

حتى أنا حنيت لأيام زمان
>> حشى عجوز

بس من غير سياكل

كل الشكر لك
دمت بخير

[نجم الإبداع]

ههههههههههههه فواز

صح لسانك

لاهنت

فائق الاحترام

[احمد الفارس]

صح لســانك فواز ... يازبن ذيك الايام ... خاصة .. انواع اللياقة بعساقيلك


متى مابغيت تلعب كورة .. او تسابق أحد .. تلقى اللياقة مئة بالمئة