وسم وربيع ومقناص

مصافحة

أولى

$

$

$



بواسطة الجوال أرسل لي صديق

هب البراد وزان وقت المطاريش= واللي يبي المقناص يطوي فراشه

بيت جميل ومثير لا أعرف قائله


وصديقي ايضا ليس شاعر ولكنه بهذا البيت حرك المواجع


فكانت ردة الفعل النص المتواضع التالي اتمنى ان ينال إستحسانكم.

يا بو علي بين إعتراف وتهاميش=من مر به وقت التجاريب عاشه
إلا الردي خطو الخدوش الدراويش=إللي طموحه ينحصر في معاشه
و الا أنت لا صاروا السواطي مرابيش=حر ما يطري له على البال حاشه
يا شوق عين أم الرموش العكاريش=غيداء لزينات الغنادير باشة
هيضتني وأنا هجوسي نشانيش=وإنتابني شوق وولع وإرتباشة
برسالتك جن الطواري شوابيش=مجنون وبخبطة عصاك إبتلاشه
شرواك منوتنا قروم مداغيش=أهل سعة صدر وحلم وبشاشة
إللي بخوتهم تطال المناويش=ولا فيهم إللي يسكن الغل جاشه
حرار في خدمة بعضهم مجاهيش=وإن زل أحدهم ما أسرفوا في نقاشه
يا ما حلى لا ما تلاقوا مغابيش=والصبح توه ما تجلى غباشه
ثم أمّروا فيهم مثل قايد الجيش=حكمة وحلم وقرم مابه لياشة
ودعوا دعاهم ثم مدوا مداويش=لجيوبهم مع الفجوج إهتواشة
وجهتهم ديار سقتها المراهيش=وسمية منها الروابي هشاشة
وعلة ربيع وصاب ريضانها طيش=وصارت تموج نشوة وإنتعاشة
يا محلا فيها هداد أشقر الريش=لملايعة خرب صعيب مهاشه
والنيشنة للي ما فيهم مراميش=تفاقة كل تثير إندهاشه
لابتلوهن للجفيل المخاريش=كل لنيشانه وكيد مناشه
وبها تعين للزبيدي منابيش=غاية لواقيط هواها إنتباشه
شهر بها تمضيه من لذة العيش=مكسبك من وقت يا ما أكثر بلاشه
أخير من رفقة هل إصبر وبشويش=وهل قولة لا عاند الوقت ماشه
على مواردهم حيام معاطيش=وجو المدينة مهتويهم فلاشه
عزومهم عن المراجل هشاهيش=دائم حيارا بين صوت وشاشة
للموضة اغرتهم عقود ودناديش=يكبر سناء النيرة ويكثر فراشة

{{{ سعد بن جري }}}

[الـزلـزال]

النزيه
مصافحة رائعه ومميزه
من شاعر تميز بما قدمة لنا
أبدعت حيل راعك الله ووقاك
صح لسانك ملايين ملايين
ومرحبآ بك في ربوع
منتديات الفطاحلة
أخ غالي وعزيز
تقبل فائق تحياتي وتقديري

[سناعيس]

النزيه
صح لسانك
ولله درك
مصافحة أولى ولا أروع
تشوقنا الى مابعدها
لاهنت

تحياتي

[الخنساء]

صح لسانك واعتلا شانك

ابيات رااائعة ترجمت روعة المعانى

سلمت ودام حرفك

[داعي الشوق]

صح لسانك يالشاعر سعد بن جري

مصافحة رائعة و جميلة

من شاعر جزل و كبير

و حياك الله بين إخوانك و أخواتك

سعداء بحضورك الجميل

و صح لسانك مع التقدير لك

،،،،،،،،،،،،،،،،،،،،،،،،،،،،

[عبدالله مذكر العقيلي]

حياك الله في محلك وبين اخوانك واخواتك

مصافحه رائعه جدا

سلمت وسلم فكرك

الله لايهينك

[الطائر المهاجر]

هلا ومرحبا بك اخي سعد بن جري
في محلك وبين ربعك واخوانك
مصافحة جزلة من راس جزل
صح لسانك ولاهنت
للنشر في الفطاحلة وحفاظا على حقوق الغير
يتطلب الأمر معرفة أين تنشر قصائدك ، فحبذا لو وضحت.
من ناحية اخرى سيتم تعديل اسمك إلى سعد بن جري(ولكن لابد من اكماله ليصبح ثلاثيا)
وسيوضع تحته اللقب : النزيه
شكرا لحسن تفهمك
مع أطيب تحياتي

[منيع]

ياسلام عليك
ابيات رائعه ومميزه
بارك الله فيكم
تحياتي وتقديري

[نجم الإبداع]

ارحب ياسعد

وصح لسانك على المصافحه الجزله

لاهنت

تقبل مروري

وتقديري

[الطامي]

بن جري
صح السانك مليار
والله يرويك امهات الدناديش اميننننننننننننننننننننننننننن
فائقة الجمال والجزاله
لاهنت اخي