معــــــــــــذرة ً الى رسول الله ,,,,,

عذرا ً رسول الله , فليس بالامكان أكثر مما كان , ولاحول ولا قوة الا بالله ..

يرسم الرسام طعنه في نَحَرْكْ = وانت مسلم رافع الهامه شريف
لاتصدق يوم قالوا ذا قدرْكْ = لايغرك موقف النذل الضعيف
خافت الاذناب بطش الدانمرك= بين تلفيق المهادن والضعيف
عاذرينك مير ربي ماعذرك = كيف ترضاها على الدين الحنيف
الخسارة كان دين الله خسرك=وصار وزن الدين في عينك خفيف
لاتحارب بالسيوف اللي حَقَرْكْ = فاهمين الوضع والحال الكسيف
قاطع الملعون واهجر من هجرك=خل جبنة ( بوك ) بالمخزن تجيف
قل لعبّاد البقر سرح بقرك=مالنا في زبدة الــ( لورباك ) كيف
والعصير اللي يجينا من ثمرك = لايجي ضيفي ولاني له مضيف
والمياه اللي تعبا من نَهَرْكْ = مانبيها تنفخ الجسم النحيف
والنحل لوهو تغذى من زهرك= لا .. وربي مايداوي لي وليف
أنت مشرك والتعامل معك شرك= والنجاسه فيك لو ثوبك نظيف
ارسم اللي تشتهي وجهة نظرك = ردة الافعال يقراها الكفيف
حقنا ياكلبهم نكسر ظهرك= نقطع ارقاب المنافق والحليف
حقنا نرميك في غبة بحرك= نغرق الانذال بالفعل العنيف
حقنا نمسح من الدنيا أثرك = لين تفهم صوت الاسلام المخيف
ياصلاح الدين من يلقى قمرك= في سماء حطين برقك له رفيف
آه .. لو عادت لنا قوة بصرك= كان ماصرنا على حد الرصيف
يارسول الله من يحمي أثرك = الف مليار العدد والنوع ليف
يارسول الله من فينا نصرك = جرح الامه مات من طول النزيف
يلعب الكفار فينا لعب سرك = كلنا ياحضرة الضابط عريف
فوق درك وتحتنا بالخزي درك= همنا بالصيف واحلام المصيف
كلْ من النعمه وشف شامبو شعرك= وافتخر بالبنز والقصر المنيف
يااله الكون لاتمنع مطرك = من ذنوب الخلق لطفك يالطيف

(قراءة الصدر تكون بتسكين حرفي الراء والكاف )

[عذب القوافي]

الأستاذ الشاعر /ناصرالقزلان

صح لسانك هذا أقل القليل

بالذود عن نبينا وحبيبنا محمدبن عبدالله

عليه افضل الصلاة والسلام

وين الشعّارهناء لابد من حمل سلاح الكلمه

جعل الله ماكتبت في موازينك

يوم لاينفع مالاًولابنين

دمت بخير حال


أبوابراهيم .

[صوت الإحساس]

تعظيم سلااااااااااام



وربي قصف جوي


وابل إن أصاب شجرة مخضره أثمرها



وإن أصاب شجرة يابسة كسرها



قوة وتمكن من تخصص الكبار



فلك ولحرفك لشكر يا مبدع

[مبروك بن ماضي]

الاخ العزيز / ناصرالقزلان
لله درك على هذة الجزاله
نص عطر المتصفح بشذاه
ابيات قمه في الروعه والابداع
في الدفاع عن المصطفى صلى الله عليه وسلم
سلمت يداك شاعرنا القدير
وجعلها الله في موازين حسناتك
ودمت بخــــــــيرحال
تقبل تحيااااتي واحترامي ،

ابيات رائعه

ابدعت واصبت فيها

ناصر القزلان

صح لسانك على هالنص الرائع لاهنت

تقبل مروري وتحياتي

[ابو أنس]

الفاضل ناصر..............
وكلما حضرت جئت بالسمين
كلمات لها وقعها وجمالها ولها رونقها
قلت بلسان الحال مايجب ان يقال
وبقي ان نعي ونرعوي ونسعى لما يجب ان نفعل
لك كل الشكر ومرحبا بك بعد غيبة
لك عاطر التحايا

[الأموره]

القـزلان

نطقت فنطقت بالدرر

تبارك الرحمن

صح لسانك و دام نبضك

الف شكـر لك

دمت برعاية الخالق

[الطامي]

يلعب الكفار فينـا لعـب سـرك
كلنا ياحضرة الضابـط عريـف
فوق درك وتحتنا بالخـزي درك
همنا بالصيف واحـلام المصيـف
كلْ من النعمه وشف شامبو شعرك
وافتخر بالبنز والقصـر المنيـف
"""""""""""""""""""""""""""""" """""""""""
انها النصره
صح السانك
ولاهنت اجرك الله عليها
دمت طيبا دائما

[عيد بن سعدون]

ناصرالقزلان

صح لسانك ولا هنت

وسأل الله ان يفرج هم الامه

وينتصر للرسوله

ويرد كيد الكائدين في نحورهم

اخوك
عيد بن سعدون

ناصر القزلان


صح لسانك على هذه الرائعه
في نصرة حبيبنا عليه الصلاة والسلام...

أسأل الله أن يعجل النصر
لنا على هؤلاء الشرذمه ..



لاهنت ..



إحترامي وتقديري