لو كان نعجه كان ماتت من الجوع

[فارس القوافي]

ياقلب مالك بين الاوغاد حجه = خل الخديم ان شافني قام مفجوع
كب اللذي يمشي وصايبه رجه = بين العرب من صحبة الغيد موجوع
اللي الوفا من ماضي العهد لجه = فتّح على الدنيا وسلم على الطوع
يبيع خلانه مع كل دجه = والغدر شيمه فيه والحقد منقوع
خذ له حصان وتاه في كل عجه = حصان من زينه ترى الذيل مقطوع
ياشين طبعه شين في كل سجه = يحسب عيال الناس تجفل لمفزوع
خسران يومه راح ذاك التوجه = باع الرفاقه واصبح اليوم مقروع
مقروع عنا لا يجينا نفجه = والله ماله بيننا خط مشروع
حنا رفعنا قامته وقت حجه = نحسبه وافي والوفا منه منزوع
لو كانها طولت ذراع ٍ موجه = مافاد خير اللي معه خشم مجدوع
ماهمنا اللي كل ماجا نرجه = لو كان نعجه كان ماتت من الجوع

[كظيم]

ياكافي ياكافي
ههههههههه

فارس القوافي ...
كفو والله يالنشمـي
وصح لسانك وكلك
قصيده في قمتهــا سبك وحبك
اجدت في تصويرهـا وما تحاكيــــه
لله درك
تقبلني وتقبل مروري المتواضع لاهنت
ودي وتقديري

[روح الشعر]

خالد بن منشار

صح لسانك يابعدي

يــبـــيـــع خــــلانــــه مــــــــع كـــــــــل دجـــــــــه
والــغــدر شـيـمــه فــيــه والـحـقــد مـنــقــوع

لا هنت يابعدي ولا هان فكرك

وافي دوما

[الطائر المهاجر]

لو كانهـا (طولـت) ذراع ٍ موجـه(طولة)
صح لسانك يالحطيئه نمبر 2
بس ودي اعرف من اللي ضيق صدرك
تحياتي

[داعي الشوق]

صح لسانك يا فارس
حضرت وحضر الابداع معك

و من باع الرفاقه خله يولي

صح لسانك مدد يا مبدع

ولاهنت

[نجم الإبداع]

ول ول ياخالد

صح لسانك وقلبك

قويه هههههه

لاهنت

تقبل مروري

وتقديري

[عطر الياسمين]

جزله من راس جزل صح لسانك واعتلى شأنك
ولاهنت

[الكنعان]

صح لسانك وقلبك
ولاهان راسك
احسنت
تحياتي وتقديري

[سمّار]

صح لسانك وقلبك
حطيئة الفطاحله
قصيدة من العيار الثقيل
لو كان نعجه كان ماتت من الجوع
هههههههههههههه
انت من وين تجيب هذي الصور وتجيب هذي الافكار
صح كلك على هذي البراعه المدهشه ..
رائع في كل احوالك...
لاهنت

[الـزلـزال]

فارس القوافي

نص مميز في حروفه وتوجيهه
من شاعر متميز ورائع في كل مايقدمه لنا
أبدعت وأمتعت فارسنا الرائع المميز
دمت بخير وأمان ودام لنا حرفك الراقي
صح لسانك ملايين ملايين
ولك فائق تحياتي وتقديري