من فوق جيب ٍ قاصد ٍ دار الكويت

[عبدالمحسن الرحمه]

من فوق جيب ٍ قاصد ٍ دار الكويت=دار الكرم والجود دار الصباحي
من ديرتي مليت يا ناس مليت=مالي مراويح ٍ على النت صاحي
قلت الخلف في دار فيها تعزويت=أهل ٍ كرمهم صدق يبري الجراحي
فيهم كرم حاتم وفيهم تغنيت=وفيهم سمو المجد صافي القراحي
تدرون لي مده وأنا أقول ياليت=أجلس على شط البحر برتياحي
يازين شوفتها بعد حجة البيت=هذا مونا عمري من الصدر باحي
ياهي لذيذه طعمها طعم برميت=الله أكبر يا هبوب الرياحي
هي موطن أفكاري لها عالي الصيت=هي منوتي هي غايتي ورتياحي
تاريخها عالي لها القاف سريت=مسك العطر في داخلي دوم فاحي
يا دار شوفي داخلي وش تبنيت=أسمك به الماضي وطيب السماحي
عز الله أني في خيالك تسليت=وعز الله أني في هواها انشراحي
بنشد لها ( أنتي الغلا دار الكويت)=من فوق ضلع طويق وقت الصباحي
كسرت أنا كلّ المحاني وشبيت=نار المحبة عفت حلو المراحي
ياليتني فيها صغير ٍ تربيت=أبذر بها بذر السعد والفلاحي
فكري معاها كلما أضحيت ومسيت=مزنة غلاها برقها اليوم لاحي
فيهم كرم موحيت مثله ولا وحيت=فيهم شجاعة عند رفع السلاحي

[داعي الشوق]

صح لساااااااانك يالشاعر عبدالمحسن

مصافحة طيبة و جزلة

و يا هلا بك و بحضورك الجميل أخي الكريم

و صح لسانك مدد

ولاهنت

****************

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^

[حرف وشعر]

هلا وغلا بالشاعر المبدع عبد المحسن العمر


هلابك بين اخوانك ومرحبا ملياااار


ومصافحه جميله ورائعه


دمت والابداع

[فارس القوافي]

هلا وغلا ياعبدالمحسن بين اخوانك

نورتنا

مرحبا بك مليون

صح لسانك لاهنت

يعطيك العافية

دمت بخير

[احمد القاسم]

صح لسانك واعتلى شانك

نص جميل

تحياتي لك

[منيع]

ابيات اكثر من رائعة
ودول الخليج تراهم بيت واحد
والنعم بالكويت واهلها
تحياتي لكم

[عمر ال شيبي]

موحيت

الله هالله على اصالة الكلمات

قواك الله وصح لسانك

[الطائر المهاجر]

سلمت
وصح لسانك وفكرك
ولا هنت
تحياتي

[عبير الورد]

ابدااااع *ابدااااع

صح لساااااانك ملايين

سلمت وسلم منطوقك الجزل

ربي يعطيك العافية