لازم ارحـــــــل

[احمد رده الحارثي]

.

.

اجمل تحيه لكل من يمر من هنا

.

.

لازم ارحل . . دام ليل العيد ضاع سراجه= والأمل غادي . . ونور الصبح ما صالحني
والفرج . . من دون صرحه . . قافلٍ مزلاجه = والصبر مفقود . . ورياح العتب تلفحني
والفرح نادى بتكشيره . . وصك حجاجه= كم بغيت آمازحه . . لكنّ ما مازحني
يقترب . . لكنَّ لا قرَّب . . يعود ادراجه = ولا غلط في العمر لو مرة . . وجا وافرحني
عشت انا وياه . . لا نبعد . . ولا نتواجه = حلم عمري يسكن ارجائي . . ولا يبرحني
لين صار يخيفني مثل البحر . . وامواجه = ولين صرت اخطي . . ليا مني بغيت اشرحني
ولين صرت بوضع . . صعب اقفز محيط سياجه = مفرداته من وريدي . . والنغم من لحني
قلبي اللي ما عرف مدخاله . . ومخراجه= حالفٍ لعذِّبه . . ما دام ما ريحني
طيبته متناثره من موجته . . لابراجه = كلما اخفي شيّ . . بعيون العرب يفضحني
وإنت يا اللي قلبك مخالفني . . بْمنهاجه= إجمع اوجاعي . . ومن ليلة هَناك إطرحني
وإضحك لوجه الزمن . . لو لمّعه . . مكياجه = واترك امواج القهر تضويني . . وتسْـرحني
هاك قلبي وإزعجه . . لا من بغيت ازعاجه = بس اذا لك قلب . . عاتبني . . ولا تجرحني
خَل قلبي يندم بْمسراه . . وبمعراجه = والله إن رْماح جلد الذات . . تبتذبحني
ذنبي إني اْحكي . . ولا اعرف للحكي . . ديباجه = لين هرجي . . عن مشاوير الرضا . . طوحني
صعب أعالج قلبي اللي . . فات وقت عْلاجه = دامني صادق . . بكيفه . . خله يْوضحني
إِعرف إن القلب في غيبتك . . زاد خلاجه = وإن طيفك . . من طلوع النجمه يْصبِّحني
لو يحطون القمر فـي راحتي . . ما احتاجه = وإنْ خسرتك . . فاُعْـتَـبَـر خسران . . لو اربحني
هذا أناْ راحل . . وقلبي ما خفاك إنتاجه = تعرفه . . من غير لا اصارحك . . وتصارحني
بس قبل ارحل . . تراني طالبك في حاجه =طالبك من طيب نفس . . اعذرني . . وْسامحني

احمد رده الحارثي

.

.

[الـزلـزال]

هاك قلبي وإزعجه . . لا من بغيـت ازعاجـه=بس اذا لك قلب . . عاتبنـي . . ولا تجرحنـي
خَـل قلبـي ينـدم بْمسـراه . . وبمعـراجـه=والله إن رْمـاح جلـد الـذات . . تبتذبحـنـي

أحمد رده الحارثي
بوح مميز ورائع وجميل
من شاعر متميز ورائع في كل بوحه
مبدع وممتع شاعرنا في بوحك رعاك الله
سرني تواجدي أمام حروفك الراقيه
دمت بخير ودام نبض بوحك
صح لسانك ملايين ملايين
ولك فائق تحياتي وتقديري

[محمد عبدالله البدراني]

العزيز الموقر احمد رده الحارثي سلمه الله


قصيدة رائعه مذهله وبحر جميل لايتقنه الا امثالك
مليون مليون مليون وصح السانك
وعلا شانك

كم يسعدنا تواجدك وتفاعلك فانت شاعر رااائع


تقبل عاطر التحايا وفائق التقدير

[داعي الشوق]

صح لسانك يالشاعر احمد

و الحمد لله على السلامه

و عوداً حميداً

و صح لسانك مليوووون

شاعر مبدع و جزل

مع تحياتي لك

**********

[حمود السكراني]

صح لسانك يالحارثي على هالجمال

وهذه الروعة سلم بوحك يالغلااااااااا

[الخنساء]

صح لسانك مليوون ولايكفووون

قصيدة جزلة من شاعرجزل

سلمت ودام حرفك

[منيع]

كل الروعه والجمال
شكرا لكم
تحياتي

[الراقي]

صح لسانك يالشاعر

أبدعت يالرائع وتألقت

لك كل الشكر

^^^^^^^^^^^^^^^

[نفحات حساسة]

صح السانك..

ولالالالاهنت يالقرم..

أبيات رائعه..سلمت وسلم راسك

تحيتي..

[صعبة المنال]

صح لسااااااانك

صعوووووب