عبيد العلي الرشيد

[الطائر المهاجر]

هو عبيد بن علي الرشيد الفارس والبطل المعروف شقيق عبداللة الرشيد
ويقال انة كان افرس من اخية عبداللة وكان زاهدا بالامارةولد عام 1206هـ
اشتهر بطاعتة لاخية عبداللة وكان القائد الابرز لجيوش الامارة الرشيدية في وقتة
من اشهر معاركة بقعاء
وهو من طارد ساجر الرفدي من فرسان عنزة حتى اوصلة العراق
وقد قال ساجر في ذلك:

شامت لاخو نورة وانا شمت عنها=باللي تصبح بة على فجة النور
وانا احمد اللي فكني من شطنها=ومكيف مابين عرعر وابا القور

اكثر من اشتهر من الرشيد بقوة الشاعرية
كان كثير من الافتخار بنفسة وهو اهل لذلك من اشهر ابياتة

انا ولد علي سلايل كحيلان=ربي خلقني للسبايا وداعة

ومنها

القلب من كثر الهواجيـس قـزّان=ما يستريح من الدهر ربع ساعـه
يا غافر الزلات يا والـي الشـان=تجعل من التقوى لنفسي بضاعـه
أنا علـى لان وربعـي علـى لان=متخالـفٍ رأيـي ورأي الجماعـه
ماني ولد شاوي يسـرّح الضـان=يفرح بتصنيف البهم والرضاعـه
أنا ولـد علـي سلايـل كحيـلان=وربـي خلقنـي للسبايـا وداعـه
عيبٍ على اللي يتقي عقب ما بان=وعيبٍ طمان النفس عقب ارتفاعه
الناس ما تسقيك ليا صرت ظميان=ولا يشرب المظمي كود من ذراعه
اضرب على الكايد ليا صرت بحلان=وعند الولي وصل الرشا وانقطاعه
إما تجيب عقود حـصٍ ومرجـان=والا فلبليـس ٍ يطيـر بشعـاعـه

تقول الليدي بلنت انة توفي عام 1282هـ
اما لوريمر فيؤخر وفاتة اربعة اعوام
وعندما حضرتة الوفاة تصدق بجميع اموالة فلم يبقى الا سيفة وزوجتة الشابة وفرسة كروش
فاوصى الى ابن اخيه محمد ان لايسل سيفة ولاتركب فرسه ولاتتزوج زوجتة
وبالفعل نفذ محمد الوصية ماعدا زوجتة فيذكر انه تزوجها.

[الطائر المهاجر]

طلبـت ربٍ يعلـم السـر والغيـ=بيقبل صلاتي لـه ويقبـل صيامـي
ويجعل لنا عرضٍ نزيهٍ عن العيـب=ويفكنـا مـن شـر سـو الآثامـي
ابن ادم ملفـا الـردى والعذاريـب=لو ما فعل رميـت عليـه التهامـي
جليت عن نفسي شبا الشك والريب=ولا احسب يلقون العرب بي كلامـي
وربعي لقوبي عقب شيبي عذاريـب=بتسطير كـذب مفسريـن الحلامـي
قلت اخبروني ويش معنى هاك العيب=قالوا على ساقـة رفيقـك تحامـي
قلت ان هذا من قديـم ٍ لنـا عيـب=مستارثينه مـن خـوال وعمامـي
العيب ترك المعرضـة بالمواجيـب=ولا الرفيـق بفزعتـه مـا نلامـي
رفيقنـا كنـه بـروس الشخانيـب=في رأس حيدٍ نايـفٍ مـا يضامـي
ورفيقنا مـا نجدعـه للقصاصيـب=يجبر بنا لو هـو كسيـر العظامـي
ورفيقنا لوهو مـن الجـد بصليـب=متعلـقٍ معنـا بـرأس السنـامـي
هاذي قدايمنـا ليـا عـدوّا الطيـب=ونـذرا ليـا هبّـت لنـا بالولامـي
ويوم الوغى ما نستشيـر الزاريـب=ليا طار عن سود العيـون اللثامـي
ومركاضنا يشبع به الطير والذيـب=ونروي معاطيش السيوف الظوامـي
نلحق على سـردٍ يجنـك جناديـبب=مطارقٍ مع مثـل صـف النعامـي

[عبدالرحمن الصباح]

مشكور مشرفنا الغالي على النقل الرائع لك ودي وتقديري استاذي

[علي محمد العتيبي]

ابو عبدالله

يعطيك العافيه على المجهود الطيب والرائع

بس عندي مداخله على قصيدة ساجر الرفدي

اللي يقول فيها

يوم انها نجد وانا من سكنهــــــــا
،،،،،،،،،،،،،،،،،،،،،،،،واليوم مايسكن بها كل ممـــــرور
شامت لعبدالله وانا شمت عنهـا
،،،،،،،،،،،،،،،،،،،،،،،،باللي تصبحبه على فجة النـــــور
وانا احمد الله سالم من اشطنها
،،،،،،،،،،،،،،،،،،،،،،،،ومربعٍ ما بين عرعر وابا القــــور

وحسب معلوماتي المتواضعه واللي سمعته من الناس
ان المقصود في القصيده الامام عبدالله الفيصل


ولا هنت ياغالي

اعجابي واحترامي

[الطائر المهاجر]

كل رواية جائزة ، وقد يكون اخو نوره هو عبدالله
ولكن انا اميل لكلمة اخو نوره فهي منسجمة مع البيتين أكثر
من الناحية الشعرية

[ابراهيم عبدالحميد]

الطائر المهاجر

تحية تقدير و إعجاب لتعريفك الرائع و إختيارك الراقى المتميز
دمت و سلمت و غنمت

[نجم الإبداع]

شكرا للمجهود الطيب ابو عبدالله

نقل رائع لشاعر مبدع

لاهنت

تقبل مروري وودي

[زهرة اللوتس]

جهد رائع تشكر عليه
الطائر المهاجر
تسلم ايدك وتحية طيبة

[همس الورد]

مجهودات رائعة ابو عبد الله

لاهنت

[الطامي]

الطائر
شكرا على النقل