نعز النفوس

[الطامي]

الا ياعذولي وانت تدري عن الأحوال= وخلك سموح وونتي لاتجاريها
تراني الا جريت صوتي على ماقال =اهموم وتفاكير على الكبد صاليها
توارد هواجيس الضماير ورود جمال=وتزاحم بصدري والمعاليق تشويها
نعيش بزمان صلف ونسايره بالحال=ونصبرعلى لوعات بقعا وبلاويها
نصارع زمان فيه وصل الأحبه زال = وقطع الرُحم بين القرايب مشَى فيها
ونطرد لنا رزق يجينا من المحتال= ورى سلعة مابين بايع وشاريها
معنا عز نفس ونطلب الله بستر الحال= ونصبر ونقول الله كريم يعديها
هذا اخرزمن فيه الفتن حولنا تجتال= على اخرنفس دنيا حن نعيش تاليها
صدق مارواه المصطفي بالحديث ان قال= تكاثر عليكم ملة الكفر وأهليها
ولا انتو في قلة ولكنكم جهال = غثى كغثاء السيل والأرض يغثيها
يحير الحليم بوقتنا ذا ولا يحتال = ودنياه تمشي وماله الا يباريها
عسى الله يقوينا عليها بوسعة بال= تدور السنين وماكن حي نشئ فيها
بنرسي لها مثل البواخر لصفق الجال= دام النفس حيه وموتها عند واليها

[بنت النور]

يسعدني ان اكون اول من يرد على هذي المقطوعه
صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

[الطامي]

هلا بنت النور
صح بدنك
والأروع مرورك لاعدمتك
شكرا لك

[الطائر المهاجر]

صدق مارواه المصطفي بالحديث ان قال
تـكــاثــر عـلـيـكــم مــلـــة الـكــفــر وأهـلـيـهــا

وبالفعل هذا الحاصل الآن فالغزو الصليبي الآن اقوى منه من ايام صلاح الدين
وهو يهدف لتغريب المسلمين وانحلالهم والإبتعاد عن تعاليم دينهم بما يخدم مصالحه
الفكرية والإقتصادية التي استعمر بها بلاد المسلمين

صح لسانك مليون ولا تكفي
مع اطيب تحياتي

[الطامي]

صح بدنك دكتور
وشكرا لمرورك
لاهنت

[منيع]

رائع ومبدع ياالطامي
كل الشكر لكم
تحياتي

[الطامي]

هلا منيع
شكرا لمرورك
ولاهنت

[داعي الشوق]

الا ياوسيع العرف ياللي شكيت الحال =رسايل هجوسك ترجمة لي معانيها
مع الوقت والايام لا تامن النشال = يكيد المكايد في طرفها ويرضيها
ترا الزود يارجال ما ينفع الختال= يعيبه زمانه من سوايا يسويها
وترا الامر يا منصور مذكور ما ينقال =عسى الله يسويها ويستر تواليها

--------------------
صح لسانك ابو محمد وطاب حالك

الله يصلح الحال ويهدي الضال

ولاهنت يالشاعر

ودمت بخير

[عطر الروح]

صح لسانك ولا هنت
الله المستعان

[عبدالله الشويمان]

صح لسانك يا أبو محمد

وغسى الله يصلح ويرحم الحال.

تحياتي