يالمشرف العام مطلوووووب

مساكم الله بالخير جميع


ابو عبدالله يشرفني اول ما ابدا معكم ابدا بهالطاروق


والطارف من الشعار الله لا يهينه يقرب

يا سلام الله عليكم وبركاته = وبعدها نادوا لي اللي ما نسيته
صاحبي واعرف سماته مع صفاته = مير دورته ولكن ما لقيته

[الطائر المهاجر]

التحية بمثلها للي لفانا من عناته = امتجول ومتجود ماعرفته لو هقيته
صاحبك موجود لكن وش سماته = كودي اعرف وجهتك واللي بغيته

وعليكم .. الـ .. ســلام ..


الـ .. فـاضـل ..


مـتـجــوّل ..


أضــاءت .. زوايـا .. الـ فـطـاحـلــة ..


بـ .. حـضــوركـ ..


فـ .. مـرحـبــاً .. بـكـ ..


بـ لـقــاءٍ .. عـَــذْب ..


مـع .. مـشـرفي .. الـ عــام ..


أتـشــرف .. بـ الـ مـتـابـعـــة ..


وعـســاكـم .. على .. الـ .. قـــوة ..

صاحبي حرٍ تعلاّ في جهاته = يا عساني ما انحرم منه فديته
في يمينه مصحفه ذاكر صلاته = كامل مكمل وزايد فيه صيته

[الطائر المهاجر]

كان شاعر فالشعر من سيئاته = ما اجتمع مصحف وشعر وسط بيته
وكانه مطوع فانا اجهل خطاته = منهجي بالنص دربه ما مشيته

وش علام الشيخ لقّاني عصاته = ما درا بان الخطاوي مستميته
الشعر كنز ( ن ) عظيمه مفرداته = ليه يالطاير ورا ظهرك رميته

[الطائر المهاجر]

جيت تبحث عن خوي في سباته = وش تبي بالطير خله في مبيته
كانك الرادار ادري مفرداته = عرّف تعرّف على قصر لفيته

طبعي التجوال بارض الله وفلاته = اعطي المعنى ولو يحصل خذيته
ويوم جيتك ما لفيتك من شماته = جيت لك والقاع أزهر من وطيته

[الطائر المهاجر]

جيت لعويدٍ تلفلف في عباته = بالعويّر جالسٍ وانته نصيته
قال وش اسمك تجاهلت حكاته= كيف يحكي لك واسمك ماحكيته

جيت لعويد ( ن ) سبتني مسرجاته = داخل الخفاق جالس لا بكيته
خلني مبهم وودّ العلم وهاته = ولو تبي .. زندي لجل عينك لويته