الزحمة ( مساجلة)

[عذب القوافي]

بعثر الصبح المدينة مزّق أطراف السكوت=وأختفى صمت الليالي والمواتر مزعجه

ننتظرالطيبين

[عبدالله راشد الثويني]

كان ماودك بذالك عيش داخل بطن حوت = قبل تاصله الحضاره من بحاره تخرجه

[عذب القوافي]

سمح لاتشهر سلاحك وأنت راكب جيلبوت=البحروسطه مواقف لكن أنه محرجه

تقديري .

[عبدالله راشد الثويني]

كل العذر أخوي ، صارت عندي شغلات وطلعت من النت

دنيتك يا صاح صارت مثل شبك العنكبوت=بحرها والبر واحد مع غثاها منتجه
والسكينه للموحد يرتجيها بعد موت = في قبورً كالرياض والمناظر مبهجه

[عذب القوافي]

إيه نفرح في كلامك دون مانقرأنعوت=والشعوريثوردامك أمتمعن مخرجه
طالبك في بيت واحد كيف ترجع في بيوت=الربايالسمح تكفى لاتجي في منهجه

حياك اخي السمح

سررت بتواجدك يالغالي .

[عبدالله راشد الثويني]

لا وربي ما نويت الزود ما بالشعر قوت = جا كذا من غير ما اشعر يطلب اني ادرجه

محاوله المحاوره مع امثالك يا استاذ عبدالكريم فخر لي وتزيد من مقدرتي الشعريه كل الشكر لك ولا هنت

[عذب القوافي]

مصدّّقك ياصاحبي والليل مع أهل البلوت=والبيت عندي يفتخر لادام صوبك نزعجه

أهلا ُ وسهلا ً أخي الكريم وترى أبيات مزحة ولاتكن حساس

تقديري .

[عبدالله راشد الثويني]

ذاك من طيبك فديتك واترك ابياتي تفوت = لا تعاتبني طلبتك كان جتلك مدمجه

[عبدالله راشد الثويني]

على الرحب والسعه أخوي لا تشيل هم با العكس قمه المتعه أخوي وهذي لذتها

[عذب القوافي]

المعاني كاللوالي لمع زرين بالبشوت=بيد شاعر لاتكلّم مايحب البهرجة

تصبح على خير يالغالي

حان وقت النوم

غدا ُ أكمل

بإذن الله

تقديري .