في عام ميه بعد الالفين...

[الطائر المهاجر]

في رحلةٍ انوي بها دار مشعان = كريم سبلا ما يعرّف جنابه
في اوسط الصمان من قبل شقران = ومن بعد خطٍ ينتهي ف اللهابه
ومن بعد ما عديت حيزا وسوبان = ضيعت دربي ماحسبت لحسابه
وادخل بوادي مابه انسٍ ولا جان = من يدخله مفقود ضاع الرجا به
واشوف لي شايب محرول وعميان= وظهره مقوس تقل قوس الربابه
ابيض جفون ومنخره تقل شكمان = او مثل غار انسد بالشيب بابه
عليه ثوب شاسفٍ تقل قرصان = يموت لو عضه شديد الذيابه
رافد حصاة ومنثني تقل نعسان = وجالس يهيجن ما على القلب جابه
وابدا اتسمع له ونا حيل تعبان = والعصر مقفي خايفٍ من غيابه
يقول : عمري راح في هم واحزان = ومن شاف شيبي قال واحيسفابه
ونا شبابي ضاع مع جملة الضان = ومن عاند التيار يخسر زهابه
لكني ادري وش يجينا من ازمان= لو ان ما اقوله يثير الغرابه
في عام ميه بعد الالفين ..بركان= يدمر اوربا من حريق التهابه
ولا عاد به نفطٍ ببحر وقلبان = ويعيش فيه الناس حزن وكآبه
والخلق يصبح بين جايع وعطشان= والموت يخطف ف العرب في رتابه
وتنشا بجزيرتهم حبيبات رمان= الواحده تشبع جميع القرابه
ويصير منها الرجل في قوة حصان= يعمّر الاف سنين مابه عيابه
ويعطيه ربه قدرة فوق ماكان= يشعق بلا جنحان فوق السحابه
ما يكشفه رادار من صنع الالمان= ولا ياصله صاروخ يثني ركابه
يستعمرون الارض من شرق يابان= حتى اقاصي الغرب سهل وهضابه
واللي يعاديهم فلا شك خسران= مهما سلاحه كان ماله مهابه
حبه وحيده تدمر اوطان واوطان = وتترك بلاد اللي يعادي خرابه
ويسخرون الجن في كل ميدان = فلا فيه داعي للخدم والحجابه
ويحولون الرمل انهار بالوان = وانواع ما تحصى لذيذٍ شرابه
هذا حليب وذا من الكيف صنفان= وهذاك ماءٍ عذب سهل انسيابه
واقرب من الرجال والقلب وجلان= حكيه كبير وصرت اشك بصوابه
واثر الرجل ميت وثوبه له اكفان= ومسجلٍ جنبه يدور بخرابه
مثل العرب في قولهم كان ماكان= واليوم صاروا للحصاني نهابه

[داعي الشوق]

صح لسااااااااااااانك مليوووووووون يا بو عبدالله

رحلة موفقة يا دكتور

سرد خيال بلا حدود

لاهنت يا مبدع

وصح لسانك مدد

[سناعيس]

ههههههههه
صح لسانك يابو عبدالله
شكلك غطيت على الكهان الاوربيين واللبناني معهم
بس حنا وياك والزمن طويل نشوف بعد تسعين سنه من الان وش بيصير
لاهنت

تحياتي

[صعبة المنال]

دوم مميز


صح لسانك

صعووووب

[حوريه]

صح لسانك طائرنا
رائعه وجزله
دمت ودام نبضك
0
0

[الخنساء]

صح لسانك مليووووون

قصيدة جزلة من شاعر متمكن

سلمت ودام حرفك

[الطامي]

واقرب من الرجال والقلب وجـلان
حكيه كبير وصرت اشك بصوابـه
واثر الرجل ميت وثوبه له اكفـان
ومسجـلٍ جنبـه يـدور بخرابـه
مثل العرب في قولهم كان ماكـان
واليوم صاروا للحصانـي نهابـه
،،،،،،،،،،،،،،،،،،،،،،،،،،،،،،
الطائر
وختامها مسك
صح السانك ملايين
رائعة جدا لافض فوك دكتور
هادفة الى ابعد الحدود
لاهنت اخي

[عمر ال شيبي]

تصوير رائع كنه فلم امامي

صح لسانك يا حكيمنا الطير المهاجر

[منيع]

الظاهر انك مسكون وقد نطق الجن على لسانك
اشوف توجهك مع الجن هذي الايام
عموما ابياتك حلقة بنا في عالم الخيال طويلا وتذكرنا ان الجزيرة سوف تعود انهار واشجار
شكرا لكم
تحياتي

[زهرة اللوتس]

ابغى اعرف بس شو قصة الجان معك ههههههههههههههههه
صح نبضك وفكرك
لاهنت
وتحية طيبه