النفاق اليا سرى في أي ديره

[الطائر المهاجر]

النفاق اليا سرى في أي ديره = ينتشر فيها الفساد بْلا حدود
فالمنافق عايش بنفسٍ حقيره= لو وصل مهما وصل له ف الصعود
عارف انه ذل نفسه ف المسيره= فصار همه كيف يعوض بالنقود
لو سرق ولاّ ارتشى عارف مصيره= يوم يستبدل ويمشي في برود
من بعد ما كان باحوالٍ فقيره = صار شيخٍ عند بنقال وهنود
العماير والعقارات الكثيره = والأراضي ف الجبال وف النفود
والمزارع والمشاريع الكبيره = خلفها الوافد تحكم ف البنود
بايعٍ دينه واهله والعشيره = ولا يمانع بيع داره لليهود
خاين الأوطان ما يصحى ضميره = لو بنى مسجد وباامواله يجود
من جهل به قال ماهو مثل غيره= اجوديٍ يرتجي رب معبود
خادعٍ للغير اعمى الله نظيره = ما خدع ربٍ عليمٍ بالسدود
من شكل هذا وصلنا للحديره = ولو نقول انا رقينا للسنود
الوطن يرقى من عقولٍ خبيره = تشتغل باخلاص في بذل الجهود
بالجداره تاصل لمنصب تديره = ما تصل بالواو وكبار العضود
من ضميرٍ حي تسهم ف المسيره= ماهي اللي عن مصالحها تذود
كيف نرقى وكل واحد مع مديره = لا بغى حاجه تقرّب بالسجود
انزرع فينا نفاقٍ بتخديره = وصار ذل النفس في الأمه يسود
شان دنيا تنتهي لحظه قصيره = تاركين اللي جمعنا والرغود
الرجل ما يشبه لدمجة بعيره = فضله بالعقل خلاق الوجود
لا تصرف مثل كبشٍ ف الحظيره = ما هو انسانٍ ولو ماله يزود
ولا يساوي بنةٍ ولاّ شعيره = يستحق انه يعلق في عمود
عبرةٍ للي عمت منه البصيره = ومن يحامي عنه من بعض القرود

[منيع]

قول سديد وفكر رشيد
تسلم يادكتور
تحياتي لكم

[ماجد الراشد الهيري]

صح لسانك وجاد فكر ك ماشاء الله عليك كلمه وحكمه
لاهنت يالجزل

[عمر ال شيبي]

المشاركة الأصلية كتبت بواسطة الطائر المهاجر

النفاق اليا سرى في أي ديره = ينتشر فيها الفساد بْلا حدود
فالمنافق عايش بنفسٍ حقيره= لو وصل مهما وصل له ف الصعود
عارف انه ذل نفسه ف المسيره= فصار همه كيف يعوض بالنقود
لو سرق ولاّ ارتشى عارف مصيره= يوم يستبدل ويمشي في برود
من بعد ما كان باحوالٍ فقيره = صار شيخٍ عند بنقال وهنود
العماير والعقارات الكثيره = والأراضي ف الجبال وف النفود
والمزارع والمشاريع الكبيره = خلفها الوافد تحكم ف البنود
بايعٍ دينه واهله والعشيره = ولا يمانع بيع داره لليهود
خاين الأوطان ما يصحى ضميره = لو بنى مسجد وباامواله يجود
من جهل به قال ماهو مثل غيره= اجوديٍ يرتجي رب معبود
خادعٍ للغير اعمى الله نظيره = ما خدع ربٍ عليمٍ بالسدود
من شكل هذا وصلنا للحديره = ولو نقول انا رقينا للسنود
الوطن يرقى من عقولٍ خبيره = تشتغل باخلاص في بذل الجهود
بالجداره تاصل لمنصب تديره = ما تصل بالواو وكبار العضود
من ضميرٍ حي تسهم ف المسيره= ماهي اللي عن مصالحها تذود
كيف نرقى وكل واحد مع مديره = لا بغى حاجه تقرّب بالسجود
انزرع فينا نفاقٍ بتخديره = وصار ذل النفس في الأمه يسود
شان دنيا تنتهي لحظه قصيره = تاركين اللي جمعنا والرغود
الرجل ما يشبه لدمجة بعيره = فضله بالعقل خلاق الوجود
لا تصرف مثل كبشٍ ف الحظيره = ما هو انسانٍ ولو ماله يزود
ولا يساوي بنةٍ ولاّ شعيره = يستحق انه يعلق في عمود
عبرةٍ للي عمت منه البصيره = ومن يحامي عنه من بعض القرود

صح لسانك لا هنت ابد

قويه طال عمرك يا حكيم الشعر

[احمد الجريفاني]

بعض القصايد تقول ودي لوهي لي وبعض القصايد توقف شعر راسك وقصيدتك هذي جمعت الاثنتين سلم كلك يا رائع يشرفني ان اقرأك دكتورنا الغاللي

[حرف وشعر]

بلوي وقد عمت الا من رحم ربك

الطاير صح كلك

[عبدالعزيز العمار]

صح لسانك يالطائر

شاعر رائع في كل الاتجاهات

لاهنت ولاهان منطوقك

تحياتي وتقديري

[الهذلول]

كل الشكرا لهذا الإيداع
لاهان راسك
مع أطيب تحياتي

[نجم الإبداع]

صح لسانك يابو عبدالله


مصافحه طيبه

لاهنت يالجزل

لاهنت

تقبل مروري

وتقديري

[السابق]

يسلم لسانك وفكرك
لاهنت على ها الابداع
دمت مبدعاً كما أنت
مع أطيب التحيه