أكبر من الكذب التمادي.......

[ابو أنس]

قصيده موجهه................

اكبر من الكذب التمادي والاصرار=واجهل جهل انك تحدى الحقيقه
ولكل رجل(ن)له مع الناس معيار=وهو اللذي يرسم هدفه وطريقه
قالوا وش اللي يختفي بين الاطمار=يموت مايِكْشَف سناه اوبريقه
قيل اللذي ماقد حدث شي ما صار=والا اللذي بين البشر وش يعيقه
يجي الخبر صوت(ن)وصوره وتذكار=يسعى بها الساعي لوانك صديقه
يجيب بها الصاحب ولوكان عيار=ويفرح بها الحاسد بها يبل ريقه
واتصير نشره كنها نشرة اخبار=ومن سمعها زادالخبر بالوثيقه
واحذر تظن انك وحيد(ن)بالامصار=وانك موثّق بالامور الدقيقه
ولوكا ن لك ربع(ن)عزيزين وكثار=لوجيتهم في وقت حاجه وضيقه
صاروا كما وصف العدد صفر ويسار=وكلن تبرا مايعدك رفيقه
وان كان لك في البنك درهم ودينار=تلقى تعابير الولا.لك عميقه
قولك ابد.. مايلحقه رد واعذار=ورايك حُكُم نافذ بأية طريقه
فلاتغرك ضحكة(ن)صبغ واحبار=صفرا ولوهي في الظواهررقيقه
وماحك جلدك مثل ظفرك ولو جار=وما احد(ن)على نفسه يقدم شقيقه
ومبدا البنا صلب(ن)وصبات واحجار=قاسي خشن والترف ابد مايطيقه
وما فيه درب(ن)قد فرش ورد وازهار=كل المكارم دربها فيه ضيقه
واكبت شهاوي النفس بقيود ووسار=بعض الشهاوي عاقبتها سحيقه
لوّك طعمت المر مرات ومرار=تلقى الحلا في الشهد تلقى رحيقه

[حي الضمير]

صح لسانك شاعرنا ابو انس ابدعت بارك الله فيك

قصيده مليئة بالشموخ العذب

وسجل اعجابي يامميز

شاعرنا القدير / ابو انس
صح لسانك وجاد بيانك
كالعادة نجد هنا الجزاله والأصاله
سجل اعجابي القديم
وتفضل بقبول تحياتي ،،

[مبروك بن ماضي]

الاخ الفاضل الشاعر القدير / ابو أنس
صح لسانك مدد بلا عدد
بقدر روعتك يكون الشعر
لك ولإبداعك كل التقدير والاحترام
والله يديمك بهذا التألق والروعه
تقبل تحياتي واحترامي ،،

[الأموره]

صح لسانك ملايين ،،

سلمت و سلم بوحك ،،

الف شكر لك ،،

دمت برعاية الخالق ،

[عبدالله بن عسكر]

واكبت شهاوي النفس بقيود ووسار

بعض الشهـاوي عاقبتهـا سحيقـه

يعطيك العافيه ابو انس

وصح السانك

[ابوعبدالرحمن القريشي]

اكبر من الكذب التمـادي والاصـرار
واجهل جهل انـك تحـدى الحقيقـه

اخوي الشاعر ابو انس

بيض الله وجهك على هذه الابيات
كل بيت عن قصيدة

اسجل اعجابي التام بهذه الرائعة

دمت بود

[الصريح العتيبي]

الاخ/ابو انس
صح لسانك واعتلى شانك ولاهان راسك
ابيات في منتهى الروعه
تقبل مروري ودمت بخير

الشاعر

أبوأنس

صح لسانك حتى ترضى على هذه الرائعه ..


إحترامي وتقديري

[يوسف الشقران]

ابو انس

شاعر كبير مايحتاج لاشادتي او اشادة غيري

متميز دايما وجزل بالفطره

ارجز قبول مروري يالامير

كن بالف خير

تحيتي