والصدر مرباع الهموم

[ابو زياد]

البروق تلوح والصدر مرباع الهموم=بري حالي كل ما خايلت براق سرى
الله اقوى من زمان وحظ ما يقوم=مانفع معي طبيب ولا نفع شيخ قرا
مل قلبي ما قضى له مع العالم لزوم =والليالي درهمت والعمر يرجع ورى
فالصدر تسعين علة وفالخاطر هموم=ياوجودي وجد ابوطيف على ليل سرى

عبدالرحمن اليامي

هذه الابيات وصلتني من زميل عبر الجوال وكان يريد ردآ عليها فعاد انا جازت لي الفكرة
ولا رديت عليه جاريت قصيدته مجاراة بهذه الابيات التي اتمنى ان تحوز على اعجابكم





**********

ياوجودي ياوجودي ياوجودي كل يوم=وجد عود شاف ذل ولابقاله من ذرى
الليالي حابستنا والمصايب كوم كوم=والقلوب وكنها ما بين سيف وخنجرا
ذا يجرعها هموم وذا يكرعها سموم=بري حالي يوم حالك ماعرف طعم الكرى
كل ماعديت رجم شفت عقبانه تحوم=وكل ماسندت درب شفت ذيبه حدرا
المشاكل لين حلت ذا يشوم وذا يلوم=كانها صارت مكاسب كلهم فيها خشرى
مار حال اللي تعنى لو يطول مايدوم=انتعزى وانتسلى وانتناسى اللي جرا

محاكيكم
*************

وارسلت ابيات الرسالة الى الشاعر ابو انس وكانت اجابته كالتاليحلوه كالتالي)

لاتـكــدر لاتـحـسّـر يالله بـطـيـب الـقـسـوم=واعـرف الدنيـا تراهـا مثـل بيـع ومشـتـرا
نوب تغريك البضاعـه تشتـري والا تسـوم=ويوم ما تنوي ولا شي(ن)على بالـك طـرا
والمصايب لو تطاوعهـا تعصـرك كـل يـوم=ميـر لامــرت فطـمّـن وان تـونّـت فـاحـذرا
والمشـاكـل ماعليـهـا قـبـل ماتـبـدا وســوم=كـان كـلـن راغ عنـهـا او تـونّـى واحـتـرا
والعقل صندوق راي ويحمل افكـار وفهـوم=ولايضيرالرجل راي ان صار موثوق العرا
والمصايب لو توالت تجعل الرجـل مهـزوم=والحصيـف اللـي يسايرهـا ويجدعـهـا ورا
والمجالـس مـا تطيـب الا بتفريـج الهـمـوم=فضفض لرجل(ن)تودّه صير وايـاه خشـرا

ابوانس



مع خالص تحياتي

[صنداح الزلامى]

ابو زياد


تشرفت بان اكون اول من اطلع على هذه المحاورة الجميلة


صحت ألسنتكم يالشاعرين ومحاورة رايعة من شعراء مبدعين

دمتم بخير

[الطامي]

ابو زياد
صح السانك والسنتهم
صوت وصدى شامل
لاهنتو
وشكرا لك عيني

[سناعيس]

صح لسان الشاعر
وصح لسانك يابو زياد
وصح لسان ابو أنس
والله زمان ...


تحياتي

[ابراهيم عبدالحميد]

ابو زياد

محاوره جميله و راقية من أساتذه و شعراء فطاحله
دمتم و سلمتم و غنمتم

[نجم الإبداع]

ابو زياد انت وينك؟

مراده رائعه لشعراء مبدعين


صح لسانك واياهم


شكرا لاتحافنا

لاهنت

فائق الاحترام
والود

[عبدالله الشويمان]

الله الله يا محلاه من طاروق ويا محلاها حكم ويا ماعذبها من معاني

لله دركم جميع ان اشهد هذا الشعر الاصيل..

لا هنتوا جميع وصحت السنكم

[ابو زياد]

الشاعر صنداح الزلامي

الشاعر منصور المري

الشاعر سليمان السكيبي

استاذي ابراهيم عبدالحميد

الشاعر فلاح بن منشار

الشاعر عبدالله الشويمان


ــــــــــــــــــــــــــــــ ــــــــــــــ

لا خلا ولا عدم تشرفت بحلولكم هاهنا
واسعدني ما سطرته اكفكم الكريمة

[محمد عبدالله البدراني]

العزيز الغالي ابو زياد سلمه الله


الله الله عليك

ابيات مليئه بالحكمه

صح السانك ملايين وصح السان اليامي

وصح السان اخي الغالي ابو انس


الله لايهينكم وبيض الله وجهك يابو زياد


تحياتي
مع اسمى ايات الشكر والامتنان فائق التقدير واطيب المنى رعاك الاله

[الطائر المهاجر]

غرد القيطون يامن يشتري وإلاّ يسوم= البضاعه بايره محدٍ شرى لله اشكرى
لو يلمعها وينخى ابو انس وقت اللزوم= مالقى له زبون ولا لبيعه احترى