((( ا لأمـــل و ا لـعـا طـفـة )))

[محمد بن عمار]

السلام عليكم /
عندما تهيمن العاطفة بلواعجها المتأججة وتحجب
نور الأمل عن العقل لتتحكم بالحواس قلبا ًو قالبا ً
هنا يكون الإنقياد الأعمى .!للمشاعر
مشاركة جديدة عسى أن ترتقي لذوائقكم .



[move=up]
مدري الذوق هذا ناتج ٍ من حلاك
........... مدري إنه ثقل وإلا أنتي وش شايفه
أدري إني أموت لبسمة ٍ من شفاك
............ وأدري إني أذوب بنظرة ٍ خاطفه
[/move]


((( ا لأمـــل و ا لـعـا طـفـة )))

مدري الشوق صادق يوم داعب غلاك = مدري انه امل !يكذب مع العاطفة
مدري طول النوى والبعد زوّد قساك = مدري اطباعنا في الحب متخالفة
مدري الحق بقايا مابقى من هواك = مدري ان الظروف بدربنا واقفه
مدري النور نور الكون وإلاضياك = مدري الشمس من نورك بدت كاسفه
مدري الذو ق هذا ناتج ٍ من حلاك = مدري انه ثقل وإلا انتي وش شايفه
مدري اسبح مع التيار وامشي معاك = مدري اقاوم امواج الغلا الجارفه
مدري استسلم لحبك واساير رضاك = مدري احارب اوهام الجفا العاصفة
ادري تحلّق افكاري بواسع فضاك = وادري اسابق احلام الهوى الزايفه
ادري انك شقا قلب ٍ تعذ ّب وجاك = وادري انك سبايب حالي الناحفه
ادري انك ملكتي القلب والله عطاك = وادري انك عزيزة شيمتك . نايفه
ادري انك على خبري عساني فداك = وادري انك تعيشين الهوى وعارفه
ادري انك شتاي ومستجير بدفاك = وادري انك ربيع اشجاري الوارفه
ادري اني اموت لبسمة ٍ من شفاك = وادري اني اذوب بنظرة ٍ خاطفه
ادري اني اعسف القاف لك ياملاك = وادري الشعر بحر ٍ له يدي غارفه
ادري اني حكاية حب عشت بخفاك = وادري اني اماني عمرك الهادفه
ادري اني عليل ٍ مرتمي في حماك = وادري اني رهين الد معة الذارفه
ادري اني صويب ٍ ماحصلي دواك = وادري اني اسير جروحك النازفه
ادري اني قتيل ٍ في مجاهل فناك = وادري السهم ما اخطى وانتي الحاذفه
ادري اني خسرت العمر كله وراك = وادري العذر طبعا ً قولتك . آسفه

هنا صوتية بصوت اثنين من الزملاء الأفاضل


محمد بن عما ر

[سناعيس]

مادري وش اقول
لكن ادري ان الكل بيقول صح لسانك
ولاهنت
يابن عمار
لانك دائما مبدع

تحياتي

[محمد الأحمري]

ادري انـي عليـل ٍ مرتمـي فـي حـمـاك
وادري انـي رهيـن الـد مـعـة الـذارفـه
ادري انــي صـويـب ٍ ماحصـلـي دواك
وادري انـي اسـيـر جـروحـك النـازفـه
ادري انـي قتـيـل ٍ فــي مجـاهـل فـنـاك
وادري السهم ما اخطى وانتي الحاذفه

صح لسااانك
مليون
وبيض الله وجهك
محزنه ياغالي
لكن مايستغرب
عليك الجزالة والحس الشعري
وماقوووووول غير
بيض الله وجهك
تحياتي لكـ

مدري وش أقول



يطول غيابي


وتكون عودتي على نصوص بحجم نصوص بن عمار

بن عمار صح لسانك

كايفة بالحيل يالغالي


ألف صح لك

ودمت بهذا الألق

تحيتي

[ابو أنس]

الفاضل محمد بن عمار.............
سؤال وجواب في سيمفونية رائعه
تستجيب الذائقة لها وتستدر المشاعر للرقص مع نغماتها الجميله
لك كل الشكر

[النهج المختلف]

محمد بن عمار صح السانك ,,,,
قصيدة رائعة من شاعر مبدع وجزل ,,,,
لاهنت يابن عمار ولاهان راسك الجزل ,,,,
تحياتي وتقديري ,,,,

[صوت الإحساس]

روعه كروعتك


صح صح صح صح لسانك


صادق الود يا بن عمار


وفائق الاحترام لهكذا حضورك

[الخنساء]

صح لسانك اخي الشاعر محمد

لاهان راسك قصيدة راائعة

سلمت وسلم شعرك

دمت بخير

[ابراهيم عبدالحميد]

محمد بن عمار

دائماً أتجول بين صفحاتك لأنهل من تألقك و إبداعك الراقى
سلمت يداك أخى الحبيب و دام نبضك المتميز

دمت و سلمت و غنمت

[نجم الإبداع]

الله الله يابن عمار


صح لسانك على المصافحه الجزله


ابدعت ياشاعر


لاهنت


تقبل مروري

وودي