المغطّى مر جنبي

[ابو أنس]

[المغطـى مـر جنبي فـي يـده شـي مغطـى=ليت من يكشف غطاته يا حلو كشـف المغطـى
مرني يمشـي الهوينـا فـي تمشيـه يتخطـى=يا حلو مشي الحمامه ل اقبلت تمشـي تخطـى
ارسل السهم المسمم يم قلبي كيف مـا اخطـى=ليت يوم ارسل و صوب عن قليبي صد و اخطـى
شب في قلبي جحيم(ن) موقده مـن جمـر الارطـى=كيف لي قلب يتحمل واهج(ن) مـن جمـر الارطـى
قلبي اخضر ما تحمل سطوتـه يومـه تسطـّى=ليت يوم انه نوى سمّـا علـي و مـا تسطـّى
مرني عابر سبيـل(ن) مرنـي لحظـه و لا ابطـى=بس لوانّه تكـرم مـع مـروره مـال و ابطـى
كان هذي هي مناتي و ان عطى يا زين ما اعطى=افرح بزين العطايا مـن حبيبـي يومـه اعطـى
والهوى ياخوي يالفاهم سهومه مـا تخطـى=لانطلق يم الهدف أنحـى عليـه وماتخطـى
وما يجي لك باختيارك لو تبي تشرطه شَرطى=يخلف شروطك ويلعب بالقلوب بدون شَرطى
وما يفيدك لوتشكّا حاكـمٍ(ن) اوقسـم شِرطـى=لة سلاح مايشيله قايـدٍ او فـوج شُِرطـى
يَخْلط الدم بسمومه وانت تضحك له تمطّّـى=وان تمكن سم حالك ثـم تعجـز لوتمطـّى
ولوقريت الدين كله في الصحاح وفي الموطّا=مايعصمك من هوى الخفرات علمٍ(ن) في الموطا
مار قول الله يستر وان وقعنـا جعـل نعطـا=من نعيم الحب شيٍ(ن) نهتني بـه يـوم نعطـى

[نسناس الهوى]

الله الله عليك يا ابو انس

يسعدني بصراحه اكون اول المعقبين على قصيدتك الجزله

صح لسانك ولا هنت .. ابدعت فرُسِمت البسمه على شفاتي وحُقّ لك ان اثني عليك واشكرك : )

[يزيد النمي]

كالعادة يابو انس
شاعر جزل ما يقول الا القصيد الجزل


ياخي انت دائما تستفز القرائح

ياعميل الخير عن بدع المثايل ما تشطى=شاعر(ن) مثلك عن الجزلات ما اخطى وشطى
حالتك ياصاحبي عقب الهوى شيلٍ وحطى=الهواوي دايم(ن) فالحب في شيل وحطى
دام مثلي قلبك اخضر فالهوى لازم ينطى=ساطي(ن) باقصى ضمايرنا تفرعن يوم نطى

[منيع]

وما يفيدك لوتشكّـا حاكـمٍ(ن) اوقسـم شِرطـى
لـة سـلاح مايشيلـه قايـدٍ او فـوج شُِرطـى
---------------------------------------------------------
ابوانس
الانس والانشراح والجمال في ابياتك

[نجم الإبداع]

أبو انس


صح لسانك على هذا النظم الفريد


تحياتي لك

المشاركة الأصلية كتبت بواسطة أبوأنس

المغطـى مـر جنبي فـي يـده شـي مغطـى=ليت من يكشف غطاته يا حلو كشـف المغطـى
مرني يمشـي الهوينـا فـي تمشيـه يتخطـى=يا حلو مشي الحمامه ل اقبلت تمشـي تخطـى
ارسل السهم المسمم يم قلبي كيف مـا اخطـى=ليت يوم ارسل و صوب عن قليبي صد و اخطـى

رائعة من روائع أبو أنس أطربتني كلماتك واستمتعت بسماعها وتلذذت بتذوقها لا حرمنا منك ولا من إبداعاتك ودمت بألف ألف خير

ابو انس


نظمت وامتعت يا السنافي

صح لسانك




أخوك

[الــذاهبه]

أبو انس
مبدع كعادتك
صح لسانك وفكرك

[ثار التميميه]

والهوى ياخوي يالفاهـم سهومـه مـا تخطـى
لانطلق يـم الهـدف أنحـى عليـه وماتخطـى
وما يجي لك باختيارك لو تبي تشرطـه شَرطـى
يخلف شروطك ويلعب بالقلوب بـدون شَرطـى
وما يفيدك لوتشكّا حاكـمٍ(ن) اوقسـم شِرطـى
لـة سـلاح مايشيلـه قايـدٍ او فـوج شُِرطـى


الله الله الله

لله درك على هذا الابداع

وصف في قمة الروعه للهوى

بصراحه بصراحه

من اروع ماقرأت

[ابو زياد]

عزيزي ابوانس
السلام عليكم ورحمة الله وبركاته
اسمح لي بالرد على هذه القصيدة الجميلة
بابيات لا ترقى الى مستواك ولا استطيع ان
اسميها مجارات لانها تختلف في الاسلوب
الفني عن قصيدتك الجميله واليك وللاخوه
محاولتي البسيطه

اسهوم الي بعيده يـا سعـد قامـت تخطـى=و الهوى الي شال قلبك عن كانه ما يحطـى
مير عينك عن عذابك يا المشقـى لا توطـى=و ان حصل يم الحبيب نطة يـا شيـخ نطـى
و العسل و ان ما شربته من شفاته تستشطى=مير خذه من الثنايا و الشفـاه الـي تمطـى
و الله اني ما قريته في البخاري و الموطـى=ان من صابه بقلبه سهم غيره هو من اخطى
و انت علمك قد قريته غانم بالنـور خطـى=ما طلبت الا حقوقك و الحقوق لزوم تعطـى
جعل من لام المصوب تنقلـب خلقتـه قطـى=ثـم لا جتـه المنايـا بالقفـار يقـط قطـى
جاك ردي عقب قولك وان وصل تراه ما ابطى=و انت تعرفني و زولي تعرفه من بين رهطى