ياطير وقف واستمع ..!!

[بنت القصيد]

ياطير ياللي ترتفع واتطير واتشق السما=واتخلي الارض الوسيعه كل ما ملّيتها
ياطير وقف واستمع واحفظ حقوق الانتما=انته بحاجه للسما ونا السما خلّيتها
عندي على الارض الوسيعه مرتعن لجلي زما=تروا من اعدودي حلوقن بالرضا بلّيتها
باقف على رمضا تواريخ الحقيقه طالما=نفوس بعض الناس علّتني ولا علّيتها
الوقت عيا .. ليه ؟ مدري ! لكن الدعوا كما=سم المزون اللي تَحَدّر كل ما علّيتها
وش حيلة اللي كل ما تشرب تورّد للضما=ياطير علمني مدام الذاكره فلّيتها
بعض العيون اللي تقدّيني ولو فيها عما=ابرك من ايدين البصير اللي علي ولّيتها
هاك اليدين اللي على الماقف تبا فك الحما =ماكون بنتن للحَرَار ان كان ما شلّيتها
بحر الزمن ياطير أزرا بي ولو قدمي طما=غبّ البحور النادره في ذمّتي دلّيتها
عاين بصدري يوم جرحي كل ما يبرا دما=والمشكله كبرت ونا ببطي ولا حلّيتها
غصن الجروح اللي على صدري من الضيقه نما=تسقيه دمعات المحاجر كل ما هلّيتها
لاكنّ انا عندي يقين ان كان هالوضع احتما=سيوف صبري للزمن لا ضامني سلّيتها
ياطير عوّد للسما جونا مهاوين الرما=حرّيّتك لو ارخصوها جيتهم غلّيتها
ناديت لك ودي أفضفض للسما واهل السما=لا واهنيّك تشلع مْن آلارض لا ملّيتها

[حي الضمير]

صح لسانك وعلا شانك
قصيده رائعه
ولا عدمنااااك
أجزل التحايا والاحترام يامميزه

[همس الورد]

صح السااانك مليون

و صح بدنك

قصيدة رائعة

تحيتي و تقديري

[منيع]

ابيات رائعه
تستحق الاعجاب
شكرا لكم
تحياتي وتقديري

[الـزلـزال]

غصن الجروح اللي على صدري من الضيقه نما=تسقيـه دمعـات المحاجـر كـل مـا هلّيتهـا
لاكنّ انا عندي يقين ان كان هالوضـع احتمـا=سيوف صبـري للزمـن لا ضامنـي سلّيتهـا

بنت القصيد
بوح في قمة الروعه والجمال والجزاله
من شاعره عودتنا على تقديم مايليق
نصفق لك أختنا الغاليه بحراره
على هذة المعزوفه الشعريه
صح لسانك ملايين ملايين
ولك فائق تحياتي وتقديري

[نجم الإبداع]

الله الله

صح لسانك يابنت القصيد

شاعره متمكنه ومصافحه رائعه

استمتعت بجزالتها

لاهنتي


تقبلي مروري

وتقديري

[الطامي]

بنت القصيد
ماقول الا الله يصح السانك وفكرك
جزلة من جزلة لافض فوكي
شكرا لكي
ولاهنتي اختي

[صعبة المنال]

جزلة
سلمت وصح لسااااااااانك

صعوووب

[سلطان العطاوي]

الله عليك
صح لسانك مدد مهو عدد
حضور راقي وقصيده ارقى
يسعدني المرور
سلطان ..

[حوريه]

غصن الجروح اللي على صدري من الضيقه نما
تسقيـه دمعـات المحاجـر كـل مـا هلّيتهـا

لاكنّ انا عندي يقين ان كان هالوضـع احتمـا
سيوف صبـري للزمـن لا ضامنـي سلّيتهـا


نص ارتقى بنا لقمة الروووعه

يسلم قلبك بنت القصيد

ودي و عطري