محاورة 2 من الشات الكتابي7 رمضان

[الطائر المهاجر]

سناعيس=
الصوت روح وخذلنه حباله = الظاهر ان العود قطعهن بموس
البدراني=
لا مايصير اقول هذا جراله = الصاحب الممدوح والشيخ سنعوس
سناعيس=
تراه يالغالي يبين خماله=لامن اكل حاشي وشاريه بفلوس
البدراني=
العود الاقشر عزتي له وحاله = حاله تعيس وسكريه ومضررروووس
سناعيس=
انا اشهد انك جبتها بالكماله=حاله تعيس وضرسه اللي به السوس
الطائر=
سنعوس هذا لو عرف بالحياله=اشوى من البدران بالجن ممسوس
سناعيس=
وينه يجي ويشوف خط بداله = من الشات نكتب فيه حش ومهروس
الطائر=
اقرا بكفك وانت تقرا البياله=ياقاري الفنجان خلك من الحوس
سناعيس=
انا مع محمد ولا هو لحاله=وبنطيرك ياطير لديار طرطوس
البدراني=
خله يذوق المر والمر فاله = الطائر المذبوح فيه الف فيرووووس
الطائر=
من شاف وجهك او قعد لو قباله= عز الله انه راح بالضرس محيوس
مثلك اذا نشن خطيره نباله= وضرسي الهدف لو سلم من كسر او سوس
سناعيس=
ياوجد حاله يشتري من البقاله=غضارة فيها جحيحه ومكدوس
البدراني=
من وده اينشل على عود ماله = مكسب ولاله مع هل الفعل ناموس
ماجد المهدي=
سلام تسليمٍ عذوبٍ زُلاله = من خافق الله بالعمل صار محبوس
سناعيس=
لكن ضرسه يخذله عزتاله=فيه البلا ياشيخ طاغي ومكبوس
البدراني=
يامرحبا باللي وصل حي فاله = المهدي اللي مختفي راعي الحوس
سناعيس=
ماجد لك الله شف لنا وش جراله=دكتورنا كنه ينغز بدبوس
الطائر=
ليتك قبل هذا تركته بحاله=عينك تطيح طير في الجو مهووس
من حر مابه زايدٍ في خباله= يضربه مع ضرسه ملايين هاجوس
سناعيس=
ماجد معاه الحل يالا يالاله = الى ارتكا مدفع وللحرب ناقوس
الطائر=
ماجد مع الحجاج ضيع نعاله= وعود لبيته كنه اليوم ملبوس
يحرج عليهم لو دفع للدلاله= باع الفيز للي دفع له منتظر دق ناقوس

[سناعيس]

هههههههههه
لاهنت وصح لسانك يابو عبدالله على نقلك لها الفرفوشية السريعه
وصح لسان شاعرنا محمد البدراني وماجد المهدي
تحياتي

[الطامي]

صح السانتكم جميع
ابداع رمضاني
تقبل الله منا ومنكم
شكرا لكم

[داعي الشوق]

صح لسانكم جميع

ما قصرتوا

شعراء كبار وتقابلوا ،

أكيد إمتاع وحماس

لا هنتوا ..،

[حوريه]

لاهنت وصح لسانك يابو عبدالله وعسى الله يعافي ضرسك
وصح لسان شاعرنا محمد البدراني
وشاعرنا سنا عيس
وشاعرنا وماجد المهدي
أبدعتوا.... لاهنتوا.......

[اللهيب]

شكراً لما امتعتنا به
تحياتي

[اصيل]

شكراً لما امتعتنا به
تحياتي

[المورد]

مشكور
على ما افدتنا به
تحياتي

[طويق]

لك الشكر
على ما فاض به قلمك
تحياتي

[الحويطي]

وفقك الله
وسلمت اناملك
تحياتي وتقديري