تكملة حار بحار ،، ومنصور الوذين المري

[الطامي]

جبتها لكم وتستاهلون يالفطاحله
والمعذره بعض البيوت الشعريه ولاكن هذا اجتهاد مني ارجو ان اكون قد اصبت فيها

الله على اللي الى منه درج ويلـه = زاروق وسط البحر ناشوه قناصه (1)
نرخي له الكيس في شريه وتمويله = نقدي شريناه ماهو دين ومقاصه (2)
الا شري مايظلل فوقه اطبيله = اطبيلته روحته من بعد رخاصه
ومركب(ن)بالظهر قسام تحويله = ياخذ دبل تانكي المصنع بلا انقاصه
وتوايره خمسة من خير تشكيله = وايضا جهاز الندا ومري على الماصه (3)
الى جهز باقي العزبه نسوي له = تشيك في عامة السامان والخاصه
والى خلص ماحلى مسراه في ليله = ومن عزبته شل عوق الخرب واقفاصه (4)
سواقه اتشوش به طلعه وتحويله = ومشانق العرق خوف يذب وانكاصه (5)
يازين صوته بثالث عقب تدبيله = ويجاوبه سايقه بالصوت ماعاصه (6)
يسمع نشامى يلاحيها وتلاحي له = مافيهم اللي ردي وفيه عواصه (7)
لاهود الليل نادى هيه ياعويله = نبي نصفر مادام الليل مملاصه (8)
ثم حولو والردي امه تعزي له = كلن يبي الطيب في دربه ومخلاصه
جابو الحطب واشعمو ضوء تزاغي له = هذا بهيله وذاك يصب في الطاصه (9)
وتجمعو خبرة(ن) بهرجه وتعليله = ماهي بلعبة ورق ديمن مع هاصه
وتوزعو لاصبحو كلن على حيله = وقت التحدي حضر والكل قناصه
في قافرمادهله شاوي ولا زيله = ثداه مع عندبه مازين تخلباصه (10)
هاذي طراة العمرمن قبل لاتشيله = موكلين العمر تبدا من اخماصه (11)

معاني الكلمات :-
1- زاروق البحر معروف لدى اهل البحر في سرعته خاصة اذا نيش من طرف الصيادين ثم افلت منهم
2- امقاصه بمعنى اوراق التقسيط
3- مري ؟؟ بمعنى ماجلان ،، اول ماوصل لدول الخليج قالو عنه لامري بعد اليوم استناد الى دلالة ال مره بالليالي الظلماء من حيث الأرض ونبتها ونوعها
4- اقفاصه اي قفص الحمام للقوانيص
5- انكاصه بمعنى الرجوع ؟؟ قالو فلان نكص على عاقبيه
6- ماعاصه بمعنى مايكوده ان يتجاوب بالصوت مع حنة ماكينة السياره
7- عواصه بمعنى مافيه رداء
8- مملاصه بمعنى ذهاب الليل سريعا
9- الطاصه هي الطاسه ولاكن الشعراء يجوز لهم مالا يجوز لغيرهم
10- تخلباصه بمعنى متراكب على بعض ،، الثداء هو صغير العندب من الشجر
11- يقولون ان انتزاع الروح يبداء من اخمص القدم (( يالله بحسن الخاتمه ))




منصور الوذين المري

[ابومياس]

منصور المري

يسعد مساك يالغالي

ماقصرت

قصيدة جزلة من جزل

تحمل في مضمونها الاصالة النبطية

صح لسانك ودام حرفك

دمت بخير

[مبروك بن ماضي]

الاخ الكريم الشاعرالقدير / منصور المري
صح لسانك وجاد بيانك
رائعه من روائعك وجزله من راس جزل
سعدت بقراءتها وتشرفت بحضوري هنا
سجل اعجابي وتقبل تحياتي
أخوك / بن ماضي

[منيع]

ياسلام عليك
يالمري
وصفت واجدت
الله يسهل دربك
تسلم وتعيش
تحياتي

[عبدالرحمن الصباح]

منصور المري ياسلام عليك صح السانك جزله من شاعر فحل

حينما يكتب المبدعون

علي متصفحاتهم

لا اجد كلام يليق بشموخهم

سوا آن اقول شكرآ لا امتاعنا

[داعي الشوق]

وتوزعـو لاصبحـو كلـن علـى حيـلـه ** وقـت التحـدي حضـر والكـل قنـاصـه

.............................. .....................

الله الله يا منصورالمري والله والنعم جبتها على ما تمنى

وصح لسانك .. وتراي خويك بالمقناص يالبواردي

[الخنساء]

صح لسانك اخي الشاعر منصور
لاهان راسك قصيدة رااائعة
سلمت وسلم شعرك
دمت بخير

[الجابر]

صح الله لسانج


مبدع في غيباتج


ومبدع في طلاتج


ومبدع في كتاباتج


يعني باختصار ابداع في ابداع

صح السانك

الحقيقه قصيده

قمة فى الإبداع صح لسانك مره ثانيه

تحياتي لك