قصيدة النــــــــــــايف ( اول نزول )

[نايف عليان الذويبي]

سلام من عال المقام المستهام وخير خير = ياللي تشوفوني على اعلى البرج لاتستغربون
سموني النايف وربي كان يعرف بالمصير = ان البشر لامن كتبت بكل صدق يشاهدون
ونا غروي مصدره اني بساعه زمهرير= واحيان من ضمن العباد الطيبون الراحمون
العالي من المرجله يرقى على جنحان طير = من نخوتي من فزعتي ياقف على صلب المتون
انا الوحيد اللي رضيت بشر لاقدمت خير = ونا العنيد اللي اللي عناده من غلا قلبن حنون
ونا رفيق الغيم والنسناس في حزة عصير = ساعة كثيرين من الاوادم ياحسافه نايمون
النايف اللي حول النجمه الى بدر ن منير = النازف اللي من جروحه هالصحاري يرتوون
الشامخ اللي من حروفه يجبر لقلب الكسير = الراسخ بوقت الحزن لوكان له عشرين لون
ماقول انا المتنبي ومااقول انا الشاعر جرير = انا ولد رده بن عليان للعليا زبون
من لابتن على العدو سيف وسلاطين وسعير = ومع الصديق اقسم بربي يالعتيبي مايخون
فينا المروه والاخوه كالشهيق وكالزفير = برقن على روس النوايف شافته كل العيون
مانعطش ونظمى ولو كنا على جال الغدير = حربن على الانذال والانجاس مانعرف سكون
نبرك لحمل الكايده ونزمها زم البعير = ونخلي اصغار المهمات ا لوسيعين البطون
ولياعشقنا عشقنا يفرق عن العشاق غير= اخلاصنا لحبابنا يبقى على مر السنون
لان الكبير بهالزمن دايم وهو يبقا كبير = مافيه اسود تموت من طلقات بندق ساكتون
ونا كلامي موكبير الا بعينك ياصغير = لان الرجال الواعيه للصادقين ايميزون
ياصاحبي ياللي على الدنيا ولامثلك عشير = تدري تمون وناس غيرك ياحبيبي ماتمون
ماني مخيربالزمن شيطاني الشعري شوير = ترى الغلا مثل القياده ذوق واخلاق وفنون
يشهد علي منكر على جنبي ويشهدلي نكير= اني بدونك ياغلا نايف اكون او لا اكون
في حكم ابو متعب زبون المرجله عون الضرير = حكامنا اللي نعتزي فيهم على مر السنون
اخوان نوره كلبوهم من وزير الى امير= بعيون شعب المملكه يااصحابنا مايصغرون

[صعبة المنال]

جزلة
والنعم فيك يا النايف

صح لسانك وحرفك

صعووووووووووب

[نايف عليان الذويبي]

شكرا صعبة المنال
صحت روحك وذوقك الراقي

[نفحات حساسة]

ولياعشقنا عشقنا يفـرق عـن العشـاق غيـر

اخلاصنا لحبابنا يبقـى علـى مـر السنـون

لان الكبير بهالزمن دايـم وهـو يبقـا كبيـر

مافيه اسود تموت من طلقات بنـدق ساكتـون

صح السانك..نايف
ولاهنت يالقرم..من طول الغيبات جاب الغنايم
يعطيك العافيه وسلمت يمينك
تحياتى لك..

[الـزلـزال]

نايف الذويبي
قصيده رائعه ومميزه
من شاعر متميز ورائع فيما قدمه
أبدعت غالينا وأمتعت كالعاده
سلمت وسلم لنا شعرك
صح لسانك ملايين ملايين
ولك فائق تحياتي وتقديري

[نايف عليان الذويبي]

اكبر غنيمه شوفة امثالك اختي وشكرا لحضورك ولاهانت اوقاتك نفحات حساسه

[الطائر المهاجر]

طيبة وجزلة من راس جزل
صح لسانك ولا هنت
تحياتي الطيبة

[نايف عليان الذويبي]

الف شكر على فيض الكرم من مرور شاعر بحجمك الزلزال

[نايف عليان الذويبي]

صحت ابدانك دكنور ولاهان عزفك ونزف حرفك

[زهرة اللوتس]

صح لسانك واعتلى شأنك
نص رائع من شاعر رائع
لاهنت
تقديري واحترامي