يسألوني عن ظروفي (بالصوت)

[الطائر المهاجر]

يسألوني عن ظروفي قلت مشكايه على الله=كلما عالجت جرحٍ جدّ جرحٍ ما هقيته
صارت همومي تسابق مثل شيطانٍ وظله= كل منهم لي خصيم وما بغى مني عطيته
حتى صار الحزن طبعي والفرح دربه ماادله= لو ضحكت بوجه غيري ادري اني ما نسيته
ولا عرف اني لوحدي جاني بدقه وجله= وابتدا ينبش جروحٍ نايمه مهما نهيته
وجت معه دنياي تفزع جاهزه بالفين عله= كلما تغفى جفوني جاني امرٍ ما احتريته
طعنة في الخلف نجلا تربك الفكر وتشله= من يمين ومن يسار وكل دربٍ لي مشيته
القدر ماله موانع والأجل لاصار حله = مايرده لو وليت ولا الحذر مهما خذيته
بين حين وبين آخر ياخذ انسانٍ اجله= فجأة يرحل لو اني قبل لحظات لقيته
او تجيه امراض فجأه دون انذارٍ تتله= تذهب البسمه ويصبح شخص ثاني لا رأيته
ورغم هذا في صمودي واثق الإيمان بالله= قابل مهما يكون وما ارتضى ربي رضيته
كل ما ارجوه يلطف في ضميرٍ بان ذلّه = ماله إلا من اذا ما استحكمت يومٍ نصيته

[عبدالله راشد الثويني]

الشاعر والدكتور ابو عبدالله
شرف لي ان اكون اول من يصافح هذه الرائعه
صـــــــــح لسانك مليون ولا يكفوون
والله يبعد عنك الضيقه ويفرجهاااا يالغلا
طامعين بجديدك
تقبـّـل وُدي

[ابو أنس]

الفاضل ابو عبدالله..............
كما تعودنا منك ومعك
بوح رائع ومثري
ان كان نطقه حرفك واختصته كلماتك
الا انه ليس لك لوحدك بل يشاطرك فيه الكثيرين
أجدت نثر الحزن وتسجيل الخواطر والخلجات بحرف مميز
دام وهج حرفك ونبض قلبك
تحيتي وودي

[صعبة المنال]

الله الله عليك يا عود
عدل الله الحال اوجعت الجراح ببوحك

صح لسانك

صعووووووووووب

[عدنان كريزم]

صح لسانك ولا هنت يا دكتور


ابداع متواصل


ولا هنت

[سناعيس]

ورغم هذا في صمودي واثق الإيمـان بالله
قابل مهما يكون وما بغـى ربـي رضيتـه

قلي بس منهو اللي عليها مرتاح يابو عبدالله
لكن مثل ماقلت الايمان بالله والرضا بماقدر
هو السبيل الوحيد لامتصاص هذه الابتلاءات والمحن
وما أقول الا صح لسانك يابو عبدالله وبيض الله وجهك
وأبعد عنك الضيقه والهم والكدر

لاهنت يالغالي


تحياتي

[الطامي]

الطائر
صح الاسنك ملايين وملايين
جزلة وهادفه
الله يعينك
شكرا لك ولاهنت

[عمر ال شيبي]

القلب وعله

والحرف وحزنه

الله عليك ابدعت طال عمرك

صح لسانك

[داعي الشوق]

صح لسانك يالطائر

قصيدة مؤثرة في معانيها

أبدعت في الوصف يا بو عبدالله

صح لسانك مدد

تحيتي لك

،،،،،،،،،،،،،،،،

[عبدالله مذكر العقيلي]

الله يستر احوال المسلمين

صح لسانك

وعلاشانك

جزله من شاعر كبير


تحيتي