مصافحه اولى ( مورد التوت )

[مشعل السلمان]

بسم الله الرحمن الرحيم



احبتي اسعد الله اوقاتكم بكل .. يسعدني ان اتواجد هنا بينكم .. بعد دعوه كريمه
تلقيتها لهذا الصرح الشامخ .

اتمنى ان ترتقي لذا ئقتكم الجميله



( مورد التوت )

ارحميني من عذاب الابتسامـه = وصدي بعينك عن القلب الحزين
عينك اللي حاصرتني في سهامه = تجرح القلب المعذب من سنيـن
وش لك بشاعر تعذب في غرامه = تذبحينه بنظرةٍ تحيـي الدفيـن
ليه تجديد المواجـع والملامـه = ليه جيتي في طريقـي ياحنيـن
ليه صارت في خدودك هالعلامه = ليه عقلي صايـرٍ فيهـا فطيـن
اه ويلي مـن غرابيـل وندامـه = وويل قلبي من عذابه كل حيـن
مانساها ولانسى غايـة مرامـه = عسجديـه كلهـا رقـه وليـن
لاقبلت قامت تثنـى كـل هامـه = وكل غصنٍ من غصون الياسمين
به جمالٍ يفقد الحـر احترامـه = وله عيونٍ فاق وصفه كل زيـن
الجبين سهيل وبالخدين شامـه = والشفايف مورد التوت الثميـن
الردايف موج يلطم في عتامـه = والنهود التين والعرض الحصين
والشعر ليل تحدر مـن جهامـه = يستر اللي ذوبت جـل القطيـن
والجسم سبحان من صور قوامه = لانحيف ولااظـن انـه سميـن
من جبال الألب لين أقصى تهامه = ومن شمال الصين لين الرافدين
اشهد انه اعتلت عرش الزعامه = بين نسوان البشـر ياسامعيـن
املكتني والجمتني فـي لجامـه = وطوعتني يـوم قلبـي مايليـن
واستحلت كل شي ومن زمامـه = صارت السجان وقليبي سجيـن
كل همي بـس انفذلـه كلامـه = وارضيه حتى ولا كانـت تهيـن
وفي ثواني دون ماياصل سلامه = ودعتنـي لا ولا قالـت لويـن
ارحلت والقلب عايش في حطامه = ماارحمتني يوم صوتي به ونين
اجرحتني دون ماتبـدي ندامـه = ياعسى ربي على الفرقى يعيـن

[الطائر المهاجر]

ارحب يامشعل
مصافحة جزلة من راس جزل
حياك ربك
ولاهنت
تحياتي

[فارس القوافي]

ارررررررررررررررحب يامشعل

مصافحة رائعة

وشاعر مبدع

وفكرة مميزة

صح لسانك

لاهنت

يعطيك العافية

دمت بخير

[شجون القصيد]

ارررررحب مشعل صاحب البوح العذب حياااك بيننا

سعداء بانضمااامك ومصافحة حروفك الراااقيه

قمة في الروعــة ..

وأكـثـر من ذلك

صح لسااانك وجاد بيااانك

كزخاات المطر جاءت كلماتك

تلمست الجماااال المنطرح بين حناياها

ابدعت فيما سطرته اناملك

وجاد به نبضك

لاأجد بين حروف الأبجدية

مايوفي هذا النص حقه

لذا سأكتفي بالإرتشاف صمتا


دمت بــ ود

[مبروك بن ماضي]

الاخ النبيل:
الشاعر القدير /مشعل السلمان
صح لسانك مدد بلا عدد
الأبداع دايماً وأبداً بصحبتك
سجل اعجابي القديم
وتقبل تحياتي وفايق الاحترام

[سعيد الصاعدي]

الاخ الفاضل / مشعل السلمان
حياك الله
صح لسانك لاهنت
نص شعري راقي جدااااا
من شاعر متمكن
روعه ورب البيت
تسلم ويسلم فكرك يالغالي
تحياتي
أخــــــوك
س / ص

[عالي مستواها]

شاعرنآآآآآ/ مشعل السلمآآآن،،،،

صح لسانك على تواجدك و أحرفك الفخمه التي تركتها بيننا

قصيده جدا جميله و راقيه في معانيها و تنبئ عن احساس مرهف جدا خلف معرفك


شكرا لك على تواجدك بيننا

و هنيئا لنا وجودك بيننا

تقديري واحترامي

[نفحات حساسة]

واستحلت كل شي ومن زمامـه

صارت السجان وقليبي سجيـن

صح السانك مليون..ولا يكفون

مصافحه رائعه..

يعطيك العافيه,.وسلم فكرك..

تحياتى لك..

[الـزلـزال]

مشعل السلمان
مصافحه رائعه ومتميزه
من شاعر متميز ورائع فيما قدمه
أبدعت غالينا وأمتعت
وسرني تواجدي بين حروفك الرائعه
صح لسانك ملايين ملايين
مرحبآ بك في بيتك الثاني
منتديات الفطاحله
نتشرف بتواجدك بيننا أخ غالي وعزيز
تقبل فائق تحياتي وتقديري

[عذب القوافي]

صح لسانك أخي سلمان نص وافي من وافي لله درك يالغالي

تقديري ,,,,,