كنسلت حبك

[نشمي المويعزي]

أسعد الله أوقاتكم بالخير والمسرات أضع بين أيديكم هذه القصيده لعلها تنال على شيءٍ من استحسانكم ولسماع القصيده ( شيلة )
الرجاء الضغط على الرابط بالأسفل

كنسلت حبك وانتهى الحب وارتحت=الحب مابه معك بالذات راحه
من عيني اللي شابت رموشها طحت=ولا عاد لك في وسط قلبي مساحه
اربع سنين أمشي معك وين مارحت=زرعت فيك الحب وارجي نجاحه
ويا للأسف زرعي بدى ينهصر تحت=وماتت عروق الزرع وسط الفلاحه
قضيت هالمده معك بس مأفلحت=والقلب خليته للأحزان ساحه
بلاني الله في محبتك واصبحت=مثل السجين اللي مقيد سراحه
شكلك سمعت الحب يقتل وجرّحت=صدقت يوم اقول عينك سلاحه
الحب لو يطغى على القلب سبحت=لا تحسب إنه سم يقتل ذحاحه
بالعكس طعمه يشبه السكر البحت=بس انتهت مدة نهاية صلاحه
وأمواج بحر الحب لاتنحتك نحت=وأنا ادري إنك منت قد السباحه
بدى التغلي فيك حتى إنك إنزحت=عن شخص معطيك الغرام ووشاحه
ياما وياما عن خطاياك سامحت=بس التغلي ماشرع له إباحه
وانصحت لك بالحب بس انت مأنصحت=واليوم أنا مليت منك بصراحه
مليت من حبك وعن هجرك افصحت=من قلبي اللي مالقيت انشراحه
تعال واسمع كلمتي يوم صرّحت=حبك لعلك ماتروّح مراحه
بالمختصر من يوم فارقتك امرحت=وقلبي لقى غيرك يضمّد جراحه

شعر/ نشمي حامد المويعزي








(عفوا تعليمات النشر لاتجيز وضع روابط منتديات اخرى)
الإداره

[منيع]

ياسلام عليك
ابيات ولااروع
تسلم اخي الكريم
تحياتي لكم

[الطائر المهاجر]

صح لسانك
ولا هنت
وارجو الرجوع لهذا الرابط
http://www.fatahilah.com/showthread.php?t=26437
تحياتي

[داعي الشوق]

صح لسانك مليوووووووون يا نشمي

ولاهنت يالشاعر

قصيدة جزلة و ابداعيه و جميلة

و صح لسانك

[الراقي]

صح لسانك وفكرك

ودام تواصلك على ما تجود من ابداع وتالق ،،

[نجم الإبداع]

صح لسانك يانشمي

مصافحه طيبه

لاهنت

تقبل مروري

وتقديري

[الطامي]

الموعزي
صح السانك ملايين
رائعة كشاعرها
لاهنت اخي

[عمر ال شيبي]

صح لسانك ونبي تواصلك يا شاعر الطيب
مع الجميع
ويا هلابك دوم

[الـزلـزال]

نشمي المويعزي

نص مميز ورائع وجميل
من شاعر متميز ورائع في كل مايقدمه لنا
أبدعت وأمتعت شاعرنا رعاك الله
دمت بكل الحب ودام لنا حرفك الراقي
صح لسانك ملايين ملايين
ولك فائق تحياتي وتقديري

[عبير الورد]

ماشاء الله تبارك الله

صح لسااااااانك ملايين

سلمت وسلم منطوقك الجزل

ربي يعطيك العافية