الرجال طيور بالصوت

[الطائر المهاجر]

بصوتي

الرجال طيور لو كلٍ يطير= ينعرف بالصوت لو وسط الظلام
ولو يقلد صوت غيره بالأخير= ينكشف لافل جنحانه وحام
كان في حومه تبين لك ضرير= تاجده ياقع على عفن الطعام
كب له ياكل ولا له من خفير= ضامره ميّت محلل للحرام
ما حسب لامن تلقته السعير= وحاسبه علاّم نفسه والأنام
وماحسب للحرف لو انه خطير= لاعبٍ بالنار مثل اصغر غلام
الحروف رماح في يوم النفير=ومن تساهل في اختياره كالنعام
ينهزم جيشه ولا له من مجير= لو يلفق من يؤرخ في الكلام
اشتري الشيهان في رأيه اسير= وارمي الأحمق ورايه في الدرام
ولو بدا لي دايم لفعلي نصير= خوة الأحمق تورث للملام

[الطامي]

هههههههههههههههههههههه
الطائر
صح السانك ملايين
المبدع يضل مبدع دائما لافض فوك استاذي
جزلة وعادفة وعلى معنى جامد
شكرا لك

[حي الضمير]

لله درك من شاعر متفرد بالحكمة والجزاله
وابدعت حيل وعوااااايدك ياعلم

[عبدالله مذكر العقيلي]

الله الله

بيض الله وجهك

هذى الشعر والا بلاش

صح لسانك

جزله من راس جزل


سجل اعجابي

[بنت العز]

صح لسانك الطاير لاهنت دره من الدرر تضاف للديوان تقبل مروري شكرا

[محمد عبدالله البدراني]

الطائر المهاجر
سلمه الله


الله عليك يابو عبدالله


مليون مليون صح السانك


وعلا شانك


قلت واجزلت



وعزالله انك صادق


خوة الأحمق توررد للملام


لافض فووووك


ولاعدمناك



تحيتي وتقديري

[زهرة اللوتس]

المتألق دائما

الطائر المهاجر

حضور ابداع

وجمال شعر

وشموخ يغرد كبرياء وعزه

ابدعت وامتعت

صح لسانك ودام وهج قلمك

سنتطلع لمتابعة جديدك

فكن بالجوار

تحياتي

زهرة

[الأموره]

الله الله

عجيب انت يا مهآجرنا

صح لسانك ملايين

سلمت و سلم لنا فكرك

و قلبك

الف شكر لك

دمت برعاية الخالق

[ام العمده]

الطائر صح لسانك واعتلا شانك لاهنت على هذا الابدااااع دمت بخير

[نجم الإبداع]

الله الله
صح لسانك يادكتور
قصيده وافية المرامي والعبر
اتحفتنا برائعتك

لاهنت

تقبل مروري

واحترامي