يـــــــــاريم

[فارس القوافي]

كل عام وانتم بخير

اعذرونا على الانقطاع

ولا زلنا في طور التسخين

بروفة أولى

ياريم حبك باقي ٍ في مــــحلّه = والشوق في صدري كما النار صاليه
لي عام ادوّر لك ودمعي اهلّه = والقــــلب من بعـــــــدك تزايد بلاويه
اذكر حنانك يالغلا والــــــــتولّه = واذكر زمـــــانٍ ذقت من جدّ حالـــيه
وش بك هجرتيني بلا أي علّه = رحتي بليّا اسباب والحب بعتــــــــيه
رحتي وحبّك يالــــغلا ما أملّه = غبتي بصمتٍ والهوى ما ذكــــــــرتيه
واليوم شفتك عابره فيك خلّه = تخفين عنّي شوقك اللي دفنتـــــيه
لا تحسبيني غافلٍ عـــنك لله = اعرفك من بين الملا دون تشبــــــيه
ياريم لغزك ماعرفت ايش حلّه = تكفـــــــين هات الحل وابدي معانيه
لي عام ادوّر لك وحبّك مـحلّه = والشوق في قلبي كما النار صــاليه

[داعي الشوق]

مرحبا يا خالد

و الحمدلله على السلامه

حضورك دائما رائع و جميل

و صح لساااااانك على القصيدة الجميلة

شاعر جزل و ما فيك حيلة ،

و لاهنت ،،

و يا هلا بك من جديد

******************

[الطائر المهاجر]

الحل كاس الحب لازم تعله= يمكن بتكراره علاجٍ تلاقيه

ابدعت
صح لسانك
ولله درك
تحياتي

[حرف وشعر]

خالد بن منشار شاعر له اسلوبه الممتع

وطرحه المميز



دمت ودام ابداعك

رائعه يابعدي

وتقبل تقديري

[مبروك بن ماضي]

الأخ الفاضل الشاعر / خالد بن منشار
بقدر روعتك يكون الشعر ..
لك ولقلمك كل التحية والتقدير
صح لسانك وجاد بيانك
ولا تحرمنا من ابداعاتك المتميزه
دمت بخير حال
أخوك / بن ماضي

[منيع]

اكثر من رائعة
تسلم اخي الكريم خالد
سعداء بعودتك
رعاك الله
تحياتي

[صعبة المنال]

لي عام ادوّر لـك وحبّـك محلّـه
والشوق في قلبي كما النار صاليـه

الله الله

صح لسانك
وكثر من التسخين .. الحمد لله ع السلامة

صعوووب

[الطامي]

ياريم لغزك ماعرفـت ايـش حلّـه
تكفين هات الحـل وابـدي معانيـه
لي عام ادوّر لـك وحبّـك محلّـه
والشوق في قلبي كما النار صاليـه
،،،،،،،،،،،،،،،،،،،،،،
اهلا خالد
مرحبا مليون
عودة طيبه
صح السانك ملايين
رائعة جدا
لاهنت اخي

[نجم الإبداع]

الله عليك ياخالد

مصافحه رايقه بعد الغياب

صح قلبك

واهلا بك

لاهنت

تقبل مروري

وحبي

[عبير الورد]

المشاركة الأصلية كتبت بواسطة فارس القوافي

كل عام وانتم بخير

اعذرونا على الانقطاع

ولا زلنا في طور التسخين

بروفة أولى

ياريم حبك باقي ٍ في مــــحلّه = والشوق في صدري كما النار صاليه
لي عام ادوّر لك ودمعي اهلّه = والقــــلب من بعـــــــدك تزايد بلاويه
اذكر حنانك يالغلا والــــــــتولّه = واذكر زمـــــانٍ ذقت من جدّ حالـــيه
وش بك هجرتيني بلا أي علّه = رحتي بليّا اسباب والحب بعتــــــــيه
رحتي وحبّك يالــــغلا ما أملّه = غبتي بصمتٍ والهوى ما ذكــــــــرتيه
واليوم شفتك عابره فيك خلّه = تخفين عنّي شوقك اللي دفنتـــــيه
لا تحسبيني غافلٍ عـــنك لله = اعرفك من بين الملا دون تشبــــــيه
ياريم لغزك ماعرفت ايش حلّه = تكفـــــــين هات الحل وابدي معانيه
لي عام ادوّر لك وحبّك مـحلّه = والشوق في قلبي كما النار صــاليه

الله عليك
صح لساااااااانك ملايين
سلمت وسلم منطوقك الجزل
ربي يعطيك العافية