الفوتوشوب وابو عبد الله المصمم

[فارس القوافي]

سلام الله سلامٍ غير لاهل الـــــــدار والديره = سلامٍ به تعـــــــــاليمٍ لناسٍ ما بهم عذروب
انا جيت انشد الشايب عن الأخبار والسيره = لقيته لاهيٍ سالي مع التصميم والفتوشوب

[الطائر المهاجر]

ابعرف سره الخافي من كبيره إلى صغيره = فمن له راس مثل الناس تعلم ما لحقه عتوب
بغيت البعض يفزع لي بتصميم ولو عيره = ولكن مالقيت اللي يريحني ولو برتوب

[فارس القوافي]

الى شيّب يودّونه على الكـــــــــــتاب تمريره = ويتعلّم فنون الرسم ..يبني طوب فوق الطوب
وانا آشوف الشباب اقفى وراسك فيه تدويره = عليم الله وش علمك أشوفك صـــايرٍ مقلوب

[الطائر المهاجر]

لأنك جاهل بالفن ولا تدري بتدبيره = ولا تدري بأن العلم علينا واجبٍ مكتوب
من المهدي إلى اللحدي ولايحتاج تأشيره= ولكن من عجز مثلك يكابر لو غدا مغلوب

[نجم الإبداع]

الله الله


ياسلام عليكم
واصلووووو
لاهنتم

وانا بصف العود

تحياتي

[فارس القوافي]

ههههههههههههههههه

صباح الورد يبو عبد الله


برجع لك بس اروق


عندي شوية ظغط في العمل


صح لسانك ياخطير

هههههههههههههههههههههه

وناسه

والله لو أعرف أكتب شعر كان دخلت معاكم>>>>>>داخله عرض

تسلمون

وصح لسانكم

[فارس القوافي]

اسلم يبو عبد الله

اسلم

صدق من قال فنّ اعوج خذا الشايب وتفكيره = وكبّينا قضايا القدس مالجندي إلى المرتوب
واذا كان الكــــــــــبير يقول هذا الفن ونديره = على الله العوض فيكم خذ البنـــطال وارم الثوب

[الطائر المهاجر]

رميته يوم انا بالدرس ولا لي في البلد غيره = فكم من لابس للثوب ولاهو في الملا محسوب
فعقل الرجل لا ثوبه الى من طلبت الشيره = وفراغ الرجل ياخذ به على وادي الخنا بدروب

[فارس القوافي]

تعال انغيّر الموجه ترى كلٍّ وتــــــقديره = اخاف ان الزعل يحصل وانا مارضاه نوب بنوب
تعال انشدك عن مهره ابشريها بتسعيره = ببطّل هالعزوبيه وابفـــــــــــتح بيت دوب الدوب