لقيت ان العرب مثل البساسه

[الطائر المهاجر]

لقيت ان العرب مثل البساسه= قويٍ يفرس ضعيف ابشراسه
خناقه دايمه في كل امرٍ = بليا فكر او عقل وكياسه
يوشّي بينهم اهل المصالح= بشرق وغرب من اهل السياسه
يجون اللي بويته ما يسده= يبون يوسعه لو بالغلاسه
ونفوذ يجعله يشعر براحه= فشعوره بالنقص يشعل حماسه
ينفذ ما يبوا في كل بيت = بدعم اللي بجهله في نعاسه
يشعللها حروب بكل ديره= ويقتل او يشرد في وناسه
فهذا مذهبه بالدين خاطي = يعامل مثل من احدث نجاسه
وذا القانون عنده ما يناسب=يبي القانون من فصّل لباسه
الين الكل اصبح في يديهم=مهفه تشتكي لين الملاسه
جدار قصيّرٍ ياسهل طمره = يدور من حمى راسه وساسه
ولو هو باعهم من كل مصدي= من سلاح وعتاد قل باسه
يشغل ما لديه من المصانع = بليا حروب تبشر بالفلاسه
يتحكم في شعوب وباقتصاد=وينهب خيرهم مكر وخساسه
وهذي حالنا والله يعلم = بما تخفيه ايام التعاسه

[منيع]

اجدت واصبت وهذا حالنا
كما تفضلت
شكرا لك
تحياتي لكم

[داعي الشوق]

البساسه تكرم عن بعضهم

وصح لسانك وفكرك

اجزت واوجزت

[الطائر المهاجر]

شكرا منيع
على كريم المتابعه
لاهنت
تحياتي

[الطامي]

صح السانك
ولاهنت

[الطائر المهاجر]

شكرا داعي
على كريم المتابعه
لاهنت
اطيب تحياتي

[بنت النور]

صح لسانك مليون ولا يكفون
لا هنت
احترامي وودي

[الطائر المهاجر]

شكرا الطامي
على كريم المتابعه
لاهنت
تحياتي

[الطائر المهاجر]

شكرا بنت النور
على كريم المتابعه
لاهنتي
تحياتي

[داعي الشوق]

صح لسانك وحالك
ولا هنت
الله يصلح الحال