جزى الله من يجزى على الطيب ضده(بالصوت)

[الطائر المهاجر]

جزى الله من يجزى على الطيب ضده = ويشيل الحقد للي كفاه الكوايد
يعيش بحياة الذل وقته يحدّه = من ادني إلى ادنى بالعنا والنكايد
فلا هو برجلٍ لو على اصله تعدّه = ولكن خمامٍ ما بقى به فوايد
واذا الكلب يعرف بالوفا وقت شدّه = وش اللي يسمى من ضرى بالجحايد
ترى الرجل يعرف من زمانٍ يضدّه= فبعض يتغيّر مثل خبث الحدايد
وبعضٍ على المبدا بجزره ومدّه= وفيٍّ عزيز النفس لو شال كايد
ما كل من يعرف على الطيب جدّه = يجي طيّبٍ مثله بوقت الشدايد
صحيح الذهب يبقى ذهب لو تكدّه=ولكن صحيح النار ترّث رمايد
ما كل من تفعل به الخير ردّه= مدام الخشاش اليوم صار يتزايد
واذا قل دين الرجل ماشٍ يحدّه = فمهما حصل منّه تحرّ الزوايد
فلا اسمه ولا اسم العايله مايردّه = يفكّر بنفسه لو لحقهم نقايد
ولو هو حفظ نفسه ولا باح سدّه = تجيب الليالي ما اختفى من بدايد
والى من نصحت الرجل واحراك ضدّه= فخله يدرعم مثل ثور بقلايد
والى طاح لاتنشد ولو كسر حدّه= مدامه تعوّد للحفر والمصايد
ولو جاك يتعذر ويظهر لودّه = يغيّر كلامه تحسب النصح فايد
والى من قضى حاجته يقلب بمدّه = حمامٍ قطيفي والتقلب عوايد
فلا هو مريض العقل تاخذ بيدّه = ولا هو بطفلٍ ينردع بالوعايد
والى من تفكر في حواله وبدّه = لقيته مهفّه في يدين الضدايد
تقل شبه مسحورٍ ولا من يلدّه= وتقل شبه صاحي لا نظرت المكايد
فمهما تحاول تفعله ما يسدّه = ولو ينغسل عقله بصابون تايد
فخلّه على فاله زمانه يضدّه= يجيبه على راسه ولا له سنايد

[سناعيس]

الطائر المهاجر
صح لسانك على هذه القصيدة التي كل بيت منها حكمه
وبارك الله في سبب رفعها اللي خلانا نستمتع بها

تحياتي

صح لسانك

ابيات قيمه وجزله

سلمت ودام نبض فكرك

لك الشكر والتحيه اتحفتنا بهالقصيده

[عبدالله الشويمان]

صح السانك يا ابوعبدالله

قصيده فيها من الحكمه الشئ الكثير

لا هنت طال عمرك

[الخنساء]

صحيح الذهب يبقى ذهب لـو تكـدّ ه
ولكن صحيـح النـار تـرّث رمايـد
ما كل مـن تفعـل بـه الخيـر ردّه
مدام الخشاش اليـوم صـار يتزايـد
واذا قل دين الرجـل مـاشٍ يحـدّه
فمهما حصـل منّـه تحـرّ الزوايـد
فلا اسمه ولا اسم العايلـه مايـردّه
يفكّـر بنفسـه لـو لحقهـم نقايـد
ولو هو حفظ نفسه ولا بـاح سـدّه
تجيب الليالي ما اختفى مـن بدايـد
والى من نصحت الرجل واحراك ضدّه
فخلـه يدرعـم مثـل ثـور بقلايـد
والى طاح لاتنشد ولو كسـر حـدّه

صح لسانك مشرفنا

لاهان راسك قصيدة رااائعة

ترجمت الواقع

سلمت وسلم شعرك

دمت بخير

[عبدالرحمن الصباح]

صح السانك يابوعبدالله على هالقصيده اللي كلها حكم ونصائح جزاك الله خير وبارك الله فيك وبيض الله وجهك تقبل تقديري و امتناني استاذي

[حوريه]

يعطيك العافيه يااااطائرنا على هاااااااالتغريد ااالجميل

قصيده مليئه با الحكم والنصاااائح الكثير بحاجه إاااااااليها

يسلم نبض قلبك وصوتك

دمت وداااام الشعر

[الأموره]

درر يالمهاجر

صح لسانك ملايين

سلمت و سلم فكرك ،،

الف شكر لك ،،

دمت برعاية الخالق ،

[الطامي]

صحيح الذهب يبقى ذهب لـو تكـدّه = ولكن صحيـح النـار تـرّث رمايـد
ابو عبد الله
لاهان راسك وصح السانك وسلم فكرك وبنانك
قصيدة بها من المعاني الكثيره
صغتها وحبكتها واجدتها
الله عليك دائما تتجدد
بيض الله وجهك

[النهر الخالد]

مشرفنا القدير الطائر المهاجر

صح لسانك مدد بلا عدد

كفيت ووفيت بيض الله وجهك

ما يجي منك الا النصح والارشاد بارك الله فيك

الله يجعلها في ميزان حسناتك

تقبل مني فائق الشكر والتقدير