" عـــبـــــر الأثيـــــر " !!

[دايود صالح الخلف]

جتني رساله باحد الايام من ( حرمه ) ان فلان مسوي حادث بدباب وهو مسرع
وادع ان الله يشفيـه وحالته صعبه وحنا بالمستشفـى
المهم انا انفجر راسي من التفكير يعني قلت بس الرجال فيه بلا
وشـيّ كايد ( ونسيـت ان للي عطاني هالكلام حرمه )
وزي مانتم عارفين الحريم يكبـرون السالفه ههههه
وكتبت هالابيات قبل ما اعرف انه بخيـر ..
والحين الحمدلله الرجال باحسن حال وهي مجرد رضوض وكدمات خفيفه

عبر الاثير اليـوم جتـني رساله=مضمونها ياولد الاجـواد دعـوات
( دعـوات ) لأجل اللي مرقــّـد بحاله=يرثى لها والله ماشاف لذات
( لــذات ) في هاليوم ماجـت ابـّاله=ماعاشها ياكـود هـم ٍ وحسـرات
( حسـرات ) زادت يوم ساق ابجهاله= ثم ٍ غـدر به وانقـلـب عـدّ مـرات
( مــرات ) لين انـّه توجـّع وجا له=عـدة رضـوض ٍ سـببت مر الاوقـات
( اوقـات ) مـرّت في غبـون ونكـاله=يوم إن ّ فكـري خاف من قولهم مـات
( مـات ) الكلام وجاء لصـبري مجاله=اللـه يخـسّ الفكـر جـاني بشينـات
( شينات) يوم ازهـم وتسمـع مقاله=مرات مغلــق والعديـده ابرنـّـات
( رنـات ) ما ردو عليّ ابوصاله=مـن شان ابسمع صوته العـذب لحظـات
( لحظـات ) عشـته بالرجا والدعا له=حيـثه عزيز ونـور في كل ظلمـات

الاثنين
9 / 5 / 1430 هـ

[صعبة المنال]

الله الله

يعنى ايش قصدك كلام حريم ؟؟؟؟

ههههههههههههههه

صح لسااانك


صعووب

[عذب القوافي]

الجزل / دايود الخلف

صح لسانك

نص وافي من وافي

سعدت بحضوري الأول

هناء

تقديري ,,,,,,

[همس الورد]

الله الله الله

صح لسااانك و صح بدنك

و اعتلا شانك

قصيدة رائعة

لاهنت

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[عدنان كريزم]

( رنات ) ما ردو علـيّ ابوصالـه

من شان ابسمع صوته العذب لحظات

======================

جزله يالغالي

موضوعها فاخر جدا

[دايود صالح الخلف]

المشاركة الأصلية كتبت بواسطة صعبة المنال

الله الله

يعنى ايش قصدك كلام حريم ؟؟؟؟

ههههههههههههههه

صح لسااانك


صعووب

صعبة المنال /

ههههه اللبيـب بالاشارة يفهمـووو

وحياك ربي اختي وصح بدنك

شكرا ً لك

[دايود صالح الخلف]

المشاركة الأصلية كتبت بواسطة عذب القوافي

الجزل / دايود الخلف

صح لسانك

نص وافي من وافي

سعدت بحضوري الأول

هناء

تقديري ,,,,,,

الغالي / عذب القوافي

حياك الله ياعزوتي وصح بدنك
والوافيه للاوفياء امثالكم
وانا سعدت اكثر

تحيتي واحترامي

[دايود صالح الخلف]

المشاركة الأصلية كتبت بواسطة همس الورد

الله الله الله

صح لسااانك و صح بدنك

و اعتلا شانك

قصيدة رائعة

لاهنت

همس الورد /

حياك ربي اختي
وصح الله بدنك
وشانك يعتلي ان شاء الله
والروعه بحظورك

لاشنتي

تحيتي

[دايود صالح الخلف]

المشاركة الأصلية كتبت بواسطة الطائر المهاجر

جزل ومبدع
صح لسانك
ولاهان راسك
تحيتي واحترامي

الطائر المهاجر /

حياك ربي مرورك شرف لي
والابداع بحظورك يكتمل ..
وصح بدنك
ولاهنت ولاهان قدرك
تحيتي لك