ياروحي يالسعوديه

الكورة وما أدراك مالكورة ...

حيث السعودة متوفرة والأموال متوفرة والخبرة متوفرة ولم نتوقف عند هذا لا .. أيضاً حتى الخسارة متوفرة ..

ليش ؟؟

علشان ثلاثة مطاقين من اللعيبه ضاعت دراهمنا.. وكلينا تبن ..قدام الأمم.. علشان جاملوا ذا الشيبان الي ماعاد فيهم حيل يلعبون وخلوهم يلعبون... والله مشكله ياخي الزيود المفروض ما يدخلون المونديال لابأسمائهم ولا بأسماء دول خليجيه أخرى خخخخخخخخخخخخ علشان ننجح وبعدين في أنديه صغار فيها لعيبه مبدعين جداً ما اختيروا ....كله على حساب جامل فلان بن فلان ودخل اللاعب الي اختاره والله مشكله وجامل وجامل وجامل والوطن ضايع مالت عليكم .... ماعندكم وطنيه.. ولا صح نسيت أحنا قليلين الحيا ماعندنا وطنيه ..المفروض ننطم ونشجع وانا ساكتين ..لا... والمفروض كل المباريات تحجب ولا تخلون شيء نتفرج عليه ألا مباريات منتخبنا علشانها جت مكرمة من الباكستاني ياخي بلدنا حلوه حتى الباكستانيه لهم مكرمات ونسى أبو الشباب الباكستاني الذكي أن الفيفا يلزمه غصب عن نن عيونه أنه مايحجب المباريات بتاعت المنتخبات عن شعوبها بس حنا طيبين ولازم يستغل كل حقير من أقاصي الدنيا طيبتنا ويتلاعب بنا... لا..ويتعاون الباكستاني مع مصري كلهم صوفيه لا هذا ولاذاك في سرقة أموال الوهابيه لأنهم يكفرون الناس خخخخخخخخخ ويطلع الصوفي المصري ينصح الناس لا تسرقون القنوات دي السرقه حرام ...علم نفسك ياخي.. سرقت الدين وسرقتوا الدراهم....

وياخوفي بكرا يجي لبناني ويحط على المجاري قفول ويقول : أي سعودي وهابي يبي يقضي حاجته لازم يدفع لأن هذا من الوطنيه خخخخخخخخ ويصير اللبناني والبنغالي والصومالي وجميع شذاذ الأرض يعطونا دروس في الوطنيه يارووووووووووحي ياسعودي

ولا الفن ...

كل يوم يطلع فنان ويقول أنا سعودي وهو والله حتى بوهته بوهة شامي ولا بوهة واحد من جنوب شرق آسيا والله ياخي ماعاد ندري هو سعودي ولا سواليف ..

لا وأن قلنا بس في هالأمور الي حنا مدهورين فيها الحمد الله فكنا الله .. لا.. وندعي .. الله يزيدنا فيها جهل .. وأنا بعد بدعي مثل هالدعاء بس ودي أسأل زود الجهل أو جرعة الجهل الي بتجيني في هالمجال بتريحني وبتزين الامور ولا بتريحني وبتزيد الطين بله لأنه بكرة بيجي واحد كنه سواد الليل وبيقول أنا ولد فلان من روس عرب وهو من افريقيا ماتميزه ألا لي ضحك ..ويبدأ يعطينا دروس في المرجله ..

ولا خلونا نحول على الدوائر لحكوميه .. ياربييييه عاد أنا أموت في غيبة الدوائر الحكوميه بس هاه .. لا يروح بالكم بعيد وترقون فوق لا خلوكم في الدوائر الي تحت يعني آل ابو نعيله بس ... لأنهم هم الوحيدين الي نقدر نجلدهم بالحكي ولا راح أحد يسألنا .. والغيبه هذي غيبه حميده لأنها لكشف الاخطاء وحلقة في المسلسل الشعبي الذائع الصيت (فضح المستور)

يعني في الاسبوع الفايت دخلت على ذاك الموظف في حدى الدواير المهم هذا الموظف قد جانا وقال وظفوني وحنا قلنا والله ياخوي مانقدر لأنه توظيفك بيخرب علينا شغلنا مع دائرتك وبيصير مثار شك المهم قبل مانرد عليه كان لين جينا نراجع طار بنا وسوى الهوايل علشان يفزع واحنا بطيبة قلب نحسب أن الرجال هذي عادته مع المواطنين وأرجع عند اهلي واجلس مع اميمتي ونسوي صف طويل يم القبله وأجمع فيه البزارين وبزارين الجيران ونقعد ندعي له على وقفته وتفانيه في عمله .. وندعي لولي الأمر الي وظفه ... المهم يوم تباحثنا في شأن الرجال قلنا ياولد ماله داعي نشبه انفسنا ونشبهه قمنا وقلنا له رأينا وانا مانقدر نوظفه علشان الاسباب الي ذكرتها اعلاه ... الرجال بعد ذيك المقولة قلب 190 درجه نجي في معاملاتنا عنده يأخرها ويهبل بنا قمت انا عاد سويت معه طريقه حلوه نشبت في حلقه كل صبح يجي للمكتب يلقاني قبله جالس ارحب به واهلي وأنا الفرحان خخخخخخ واقول ياهلا والله ببو نايف ياهلا وغلا لين مل مني وصار يخاف يشوفني وكل ماجت معامله خلصها قال لا يجيني ذا العله ناشب خخخخخخخخخخ وصار يخلصها قبل لا أجيه خخخخخخخخ 

لا ودحدروا للمستشفيات يارووووووحي يامستشفياتنا أحلى مستشفيات في الدنيا فيها كل شيء بالكوم

كريمين ماشاء الله عليهم خخخخخخخ تلقى الصراصير بالكوم .. والوسخ بالكوم .. وأكثر مافيها مستشفياتنا الأخطاء الطبيه والمراجعين الي طاقه كبودهم من الانتظار .. وبصراحه مع مستشفياتنا حق ..<-- لا تستغربون لأن المثل يقول (جل من لا يسهو) وأيضاً المثل الآخر يقول ( من لا يخطي لا يعمل ) والمثل الثالث يقول ( ومن لا عرف درب الخطأ ماعرف درب الصواب ) يعني مانلوم الضعوف خلوهم يتدربون ويخطأون ويشقون ويذبحون علشان يتعلمون يموت اليوم ميه بس بكره ينجو سبعين يعني مافيه أي مشكله أصلاً حنا أصبحنا دوله متقدمه طبياً بسبب أننا نعلم جميع الجزارين الأطباء أصول شغلهم ونسمح لهم بالخطأ والذبح والسهو علشان نخرج للعالم من المدرسة السعوديه الطبيه أفضل الأطباء الي يدينون للسعوديه بعلمهم حتى أطباء الهند منبسطين منا ...

لا ... وحنا عندنا مستشفيات ياسلام الحمامات قالبينها غرف للمرضى ليه ؟؟ علشان مايتعب المريض يقوم للحمام هو فاضي يقوم .. بل هل نحن مستعدين أننا نتعب مرضانا وأبناء بلدنا هالخطوتين يمشونها للحمام لا وألف لا .. لازم نحطهم وسط الحمام علشان مايتعبون وياخذون راحتهم ...

ياحليلنا أنا طيبين يالسعوديين مرة مرة تعرفون ليه ؟؟

لأن حتى الحمير والقرود تتمنى تشتغل بمستشفياتنا أطباء وحنا ترى ماعندنا مانع طيبين قلب حرام نقول للحمار أنت حمار علشان ماينجرح وحرام نقول للقرد أنت قرد علشان مايزعل لازم نجاملهم ونجيبهم ونشغلهم علشان نثبت عروبتنا وعلشان يعالجون أبنائنا ويخطأون لين يتعلمون .. لأن المثل يقول ( الشعب السعودي علم حتى الحمير الطب )

ياروووووووووحي ياسعودي ...

ولا ياروحي يالسعودي لين جيت في ديرة الغربه واتصلت بالسفارة ياعمري ياسفاراتنا ياشيخ تخوف كل البلاد الي فيها وتخدم السعوديين وتقوم بواجبها ولا أدل من أن الشعوب كلها تحترمنا ولا تسرقنا لأننا سعوديين ورانا سفارة قويه من قوة السفارة أنها تخلي السعودي لين اخطأ بديار الغربه بالسجن لين يخيس علشان يتأدب وأبد أبد ما تخليهم يستغلونه يارووووووحي يالسفارات حتى في بلدنا السفارات لها قيمه ماتشوفون حاطين لها حي كامل ليه ؟؟ علشان كلمة سفارة لازم تكون مصونه ومحفوظه وبعدين لو تروح لزنجبار تلقى السفارة هناك وراك تمشي وهي تحميك وتظلك ياروووووحي يالسفارات خخخخخ ياخي شيء يبسط ...

ولا الوظايف ياعمررررررررري يابلادي ياديرة الرخاء راهيه بالحيل وتبسطك حتى العدالة موجوده يعني زي ماسمعت فيه عداله قويه حتى أن الوظيفه الوحده يقدم عليها خمس الاف سته الاف يختبرون وهذا من العدل علشان نضمن مايدخل الوظيفه ألا واحد يستحقها عن جد ... يارووووووووحي يا بلادي .. بس يقولون أن في الاخير يدخلها واحد مادخل الاختبار لأنهم لقوا من الصعب أنهم يحكمون بين كل هؤلاء لأنهم كلهم جايبين درجة الاختبار كامله لهذا مالقوا حل عادل ألا أنهم يجيبون واحد يعرفونه مادخل الاختبار علشان يشغل الوظيفة ويكون هذا حل عادل وطيب جداً .. وهذا مما يزيد وطنيتنا ويخلينا مبسوطين جداً أن العداله هذي موجوده ياحياتي يا بلادي ...

واختم كلامي واقول صباح الخير
============================== ============================== ====

تحياتي ..

ذيب السنافي

[الغريب]

ياروووووووووحي ياسعودي



تسلم ياذيب ولو انه على بعض التحفظات خصوصاً في المقطع الاول

تحياتي لشخصك الكريم

خخخخخخخخخ هلا بغريب الآه وهلا بروحي هلابك

يالغلا تحفظات على العين والراس وكلامي ماهوب نهائي أقصد يعني ماهو قرآن ممكن ينتقد وممكن بعد أنا أغير رأيي إذا لقيت الصح مخالفني ومع غيري

يعني الي بقلبك انثره ياعنوني وثق أني بتقبله بروح رياضيه

بس أنا قلت الكلام الي أسمعه من الناس يعني ماجبت شيء من عندي ماعدا المرضى الي في الحمامات هذي شفتها بعيني يعني منقوله من مصدر موثوق

تحياتي يالغلا ..

[متعب]

دحدروا للمستشفيات يارووووووحي يامستشفياتنا أحلى مستشفيات في الدنيا فيها كل شيء بالكوم
والله المستشفيات حكايات وكل مال الوضع الصحي يتهدهور ياليتهم حطوا القصيبي
لوزارة الصحه ماكان احسن
ذيب والله انك وانا اخوك ياولد العم انك راااائع لكن وين اللي يسمعك
تحياتي وتقديري

[أم ريما]

اخوي ذيب

والله كلام واقعي .. للأسف
بس ما ننسى ان في بلادنا بعد مميزات احسن من غيرها

وتحيياتي لك

هلا بامتعب باشا هلا والله بباشا الباشوات

يسعدني مرورك الزاهي يامتألق

وأشكرك على ردك وتفاعلك

============================== =========

أم فوفو هلا بك والله ومرور جميل

وتعليق أروع وكلامك صحيح في بلادنا أشياء جميلة جداً أقلها الحرمين الشريفين الله يحفظها ويحفظنا من كل مكروه وعز الله أنك صدقتي بس يجب أن لا يمنعنا من انتقاد الخطأ شيء بل يجب أن ننتقد ونتكلم .. ومادام الصحافه ليست مفتوحه إلا أمام الليبراليين حبايبنا فمالنا غير النت نعبر عن أرائنا ومشاعرنا لا ننفجر ونتكلم فيما يبين الخطأ وموقعه لعل .. وأقول لعل أنه يجي يوم يطلع مسؤول أو ينقل كلامنا لمسؤول وأنتي ماتدرين فتصلح أوضاع ماكان لها ان تصلح إلا بهذه الطريقه

تحياتي ..

صدقت اخوي ذيب احنا طيبين قلب ..........وما نحب المشاكل ........
وما نقول لاحد انت خطاء ابدا ...............ما ادري ليش ,............
للاسف الشعب كله انهزامي .............قد نكون مدقومين وللاسف راضين ومستسلمين ...........
وليس فرد او جماعه ولاكن ككل !!!!!!!!!!!!
لما اشوف الدول الثانيه ومعارضتها بالاحتجاج والاضراب والمظاهرات حتى على اقل الامور ,,,,,,اقول الله يخلف علينا .............
ان ضاق صدر الواحد من الحاله الي هو فيها وما تيسرت انوره في ديرته قام يبرطم على روحه يخاف احد يسمعه ............
مشكور اخوي ذيب على الموضوع الملامس للواقع ................والله يعزنا بعزه .........

الكورة وما أدراك مالكورة ...

حيث السعودة متوفرة والأموال متوفرة والخبرة متوفرة ولم نتوقف عند هذا لا .. أيضاً حتى الخسارة متوفرة ..

ليش ؟؟

علشان ثلاثة مطاقين من اللعيبه ضاعت دراهمنا.. وكلينا تبن ..قدام الأمم.. علشان جاملوا ذا الشيبان الي ماعاد فيهم حيل يلعبون وخلوهم يلعبون... والله مشكله ياخي الزيود المفروض ما يدخلون المونديال لابأسمائهم ولا بأسماء دول خليجيه أخرى

ليتهم أحترموا نصف الشعب السعودي الذي خسر منهم نصف أمواله ومنهم كله ومنهم بعضة في سوق
الأسهم . حتى يطالعوننا بالمبالغ الخيالية التي صُرفت على المنتخب.
ملايين أهدرت مابين معسكرات إلى مهرجانات وابواق

ومهرجين للأسف الشديد أنهم يمثلون هذا البلد



هل هذه الصورة تبين اسلمة الاسلام لدينا ؟؟؟؟
على الرغم من ذالك تنكشف عورة هذا المنتخب والتخطيط الذي يُتخذ له من قبل المعنيين بالامر
تُرى كم من المؤسسات الوطنية ستنكشف عورتها إذا تعرضت للمِحك الذي تعرض له المنتخب

اين مكمن الخلل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هلا بك أختي الخيالة ..

تعرفين ليه أنا كذا ؟؟

لأننا نتعامل مع الجميع بأخلاقنا ورجولتنا وطيبتنا وكرمنا والآخرين من غير بلادنا حتى العربية منها يعتقدون أن هذا غباء منا...

لكنهم لم يعرفوا مجتمعنا ولم يفهموه ... لم يفهموا أن فيه من أبناء بلدنا من يدين صاحبه ثلاثة أربعه مليون وتلقين صاحبه يرده له والدين هذا غير موثق لابأوراق ولا بمحامين ...

لماذا لأننا نعلي من شأن المرجلة والطيب ..

لم يعرفوا أننا لانضرب النساء ولا نؤذيهن أن أحببنا أكرمنا وإن كرهنا سرحنا بإحسان ..

لم يعرفوا أن نسائنا يلبسن الحجاب ليس بضغط منا ولكن بتمسك منهن بأهداب الدين والتعاليم الشرعيه

لم يعرفوا أننا في الجزيرة العربية قبل الحكم وقبل استتباب الأمن كنا لانقتل النساء ولا نقتل الأعزل ونكرم الضيف وكنا نقدر الشجاعه ولو من عدونا

كنا وكنا وكنا ... لكن هؤلاء المجرمين لم يعرفوا هذا الأمر ولم يفهموه .. لم يعرفوا رصيدنا الثقافي والتاريخي الذي كان دائماً مايجعلنا طيبين لا نعصى على الخداع ..

ولكن في ذلك الوقت كنا نموت جوع في الصحراء ونموت من الأمراض والأوبئة ولم تتكرم دولة من تلك الدول بمساعدتنات بل كل ما استتب الأمر لحاكم غزتنا وكسرت شوكته وقتلت اتباعه ...فلما أعزنا الله بالنفط والمال بدأو بسبنا وكرهنا وأدعوا كذباً وزورا بأن لهم الحق في مالنا وما أعطانا الله ومع هذا بلد الصحراء أمدتهم بالمال ودرستهم أبنائهم وكرمت دولهم ومع ذلك أنظري لما يقولون عنا بل أنظري أقلها للأفلام العربيه وكيف تظهرنا أهل مجون وغباء وحمير ونملك المال ....

لكن .. مع هذا ترى حنا شعب حي ومتعلم ومثقف ولافيه شعب في الدول العربيه كلها الآن يملك حراك ثقافي كما شعبنا يكفي أننا أكبر شعب قارئ في الشرق الأوسط

ولعلمك ترى التظاهرات والغباء هذا كله لايفيد بلا أقلام لأنها كلها سواليف وإتلاف للممتلكات بدون فائدة لكن الفائدة هي في القلم...

ولا تحقرين القلم والي يملكه الشعب السعودي وبكثرة ... لأن القلم أسقط دول ولأن القلم أذكى شرارة المقاومة في شعوب ولأن القلم سيف الروح ولا أقوى من القلم في مواجهة الطغاة ولا يرعب الأعداء مثل القلم الذي يقف وراءه عقل مستنير بنور العلم والدين ...

أشكرك لمرورك يا بنت العم والأخت الفاضلة الخيالة ..

تحياتي ..

أستاذي الوافي

شكر الله لك غيرتك على بنات الوطن ..

ولكن ترى مثل هذه كثير في بلدنا يعني لو تطلع بتلم راسك من القهر على الي تشوف ...

ولا أقولك تلقف يوم ورح يم المطار صالة القدوم وشف البلاوي الزرقا هناك للأسف ...

وأنا بالنسبه للمنتخب حاول تسأل عن تصريح فيصل ابو اثنين وشف وش قال عن الثلاثة لاعبين الي متهاوشين في المنتخب وهم أكبر اللعيبه ..

أشكرك على مرورك

تحياتي ..