الكاميراالخفية رقم( 2 ) ام زياد

[ابومياس]

مع اعتذاري الشديد لأم زياد

الا ان المقلب معها لها نكهة ثانية نظراً لانفعالها

وتأثرها من هذا الحوار الذي اراه انا شيقاً وتراه ام زياد

مؤلماً 0

اترككم مع دهاليز الحوار

ابومياس:

والله ماتوقعتها منك يا ام زياد

معقول انتي تسوين كذا معي !!!!!

بس عموما الله يسامحك 0

000000000000000000

رد ام زياد

أفا شصاير
إن كان صاير مني شي قل لي وشو والله
تراك ضيقت صدري

0000000000000000000000

رد ابو مياس:

ام زياد انتي كانت لك مكانه عندي

اخت لها كل التقدير

بس من الآن ارجو ان تتركيني بحالي

وانا اوعدك اني من الان راح احقق لك اللي تبين

واترك المنتدى لك وانا اعرف ان الشي هذا يسرك

بس انا ابتعد عن المشاكل افضل لي 0

00000000000000000000000

رد ام زياد

يا إبن الحلال قل أيش اللي حاصل انا موفاهمة شي إلى الآن
؟؟؟؟؟؟؟؟!!!!!!!!!!!!!

000000000000000000

رد ابومياس:

انا ارسل للاعضاء رسائل خاصة ادعوهم لمنتدى ثاني

ياليت اللي قايلها غيرك يا ام زياد

وعلى فكره انا توني اتصلت على ابو عبدالله

واعتذرت منه وانا راح اترك المنتدى لك اشبعي فيه0

00000000000000000000000

رد ام زياد:

انا قلت هالكلام
متى وكيف انا صار لي مدة حتى ما أرسلت لأبو عبدالله
أي رسالة يمكن لو اللي قايل الكلام أحد غيرك ماشرهت عليه لكن أشره عليك صراحة وانا شدخلني تدعيهم لمنتدى ثاني ولا ثالث لو كان صحيح
وإذا ابو عبدالله قايل هالكلام لك على انه صادر مني
فصراحة يؤسفني جداً الجلوس في هذالمكان
كل شي توقعته إلا انه يكون بيننا كلام على بعض بالسر
فلان قال وعلان فعل وصدقني لاهو من طبعي القيل والقال
والمنتدى هذا اللي يحبه ماراح يتركه لو يجيه 100دعوة
انا عندكم خير مثال مشتركة يمكن في
عشرين منتدى أو أكثر لكن
تواجدي هنا أغلب الوقت يعني المكان المريح للشخص هو اللي يخليه يجلس
وإذا تبي تفتح موضوع عن الكلام هذا انا ماعندي مانع
لأنه أنا ما أحب النقاش بالرسائل
خاصة أن الموضوع فيه إتهام لي ولازم نعرف الحقيقة

000000000000000000

رد ابومياس:

ام زياد بصراحة انتي اخت غالية

وهذا مقلب فيك يعني صادوه او الكاميرا الخفية

اسمحيلي اذا ضايقتك 0

بس اذيع والا ما اذيع وعلى فكره ترى قبل ناس وبعدك ناس

بس لاتقولين لاحد لاني ناوي نيه على كل الحبايب اللي بالموقع0

00000000000000000000000

رد ام زياد:

لاصراحة ضيقت صدري بجد لأني والله اتعامل هنا معكم بكل
أخوة ومودة

انا قلت يمكن هذي خطة عشان يخلون الأعضاء كل واحد يفتن على الثاني إذا عندهم علوم موزينها لكن والله انا مو من طبعي أقول أي شي اعرفه عن أي عضو

صراحة لاعاد تعودها تبي تسوي كمرة خفية سوها بأمور ثانية
إلا الكذب ما احبه

000000000000000000000

رد ابومياس:

لا ام الزوز زعلت علينا

قولي ماني زعلانة الله يصلحك ويسعدك

وماقلتي لي اذيع والا ما اذيع

000000000000000000

رد ام زياد:

إيو الله تأثرت بصراحة لأني واثقة من نفسي مليون بالمية
كيف يطلع أحد يقول أني قلت شي ماقلته
ذيع يا اخو يا ذيع بس رجاء لاتسوي فيهم نفس المقلب كله إلا الوشاية هذا إنك قلت فيني وقالوا فيك0

[بارقةأمل]

حسبي الله على بليسك يا أبومياس

[إستبرق]

يــآ بعد عمري يا ام الزوووز


الله يهداك يابو ميااس شسوييت


لوول

بس ما عليه عدت على خير

[ابومياس]

يــآ بعد عمري يا ام الزوووز


الله يهداك يابو ميااس شسوييت


لوول

بس ما عليه عدت على خير

هذه الامور لها فوائد في التدرب على تحمل

المواقف المفاجأة والا يا ام زياد صح استفدتي من هذا المقلب

وزاد مؤشر الاحتمال عندك 0

[الطائر المهاجر]

طيب اعمل مقالب على كيفك بس لاتدخلني في مقالبك
شوفوا خذوه قاعده
اي واحد يقول لكم ابوعبدالله قال فيكم كذا لاتصدقونه
فأنا ما اعرف الطرق هذي اواجه مواجهه

[ابومياس]

طيب اعمل مقالب على كيفك بس لاتدخلني في مقالبك
شوفوا خذوه قاعده
اي واحد يقول لكم ابوعبدالله قال فيكم كذا لاتصدقونه
فأنا ما اعرف الطرق هذي اواجه مواجهه

شوي شوي
يابوعبدالله

انا ماقلت ان ابوعبدالله قال او اي شخص ثاني

ماجبت طاري احد 0 انا قلت باعتذر من ابوعبدالله واترك المكان 0

الا انت الان فيك نوم والا لا0 خبري فيك يالشايب تسكر عيونك هالوقت0

[الطائر المهاجر]

"وإذا ابو عبدالله قايل هالكلام لك على انه صادر مني"
هذا كلام ام زياد
هي فهمت مثل فهمي انا فهمت مثل فهمها
إلا لازم تعقد الشوش يابليس

[الأموره]

يا حبي لك يا ام زياد ،،

و شكله ابومياس عرف يطبخها معك

ربي يسعدك و يسعده

الف شكر لكما

[بارقةأمل]

المشاركة الأصلية كتبت بواسطة الطائر المهاجر

طيب اعمل مقالب على كيفك بس لاتدخلني في مقالبك
شوفوا خذوه قاعده
اي واحد يقول لكم ابوعبدالله قال فيكم كذا لاتصدقونه
فأنا ما اعرف الطرق هذي اواجه مواجهه

تدري ليش أنا قلت له إذا الكلام جاي من أبوعبدالله ؟؟
لأنه كلام غيرك ماله أي وزن عندي ولثقتي فيك إنه مو منك بس حبيت أعرف إذا هو منك ولا لا أما إذا من غيرك مايهمني اعرف منه
لأن والله طق في بالي قلت يمكن أبو عبدالله مسوي خطة يبي كل واحد يفتن على الثاني
إذا عنده علوم عنه ولا شي<<<<<<شكاكة لدرجة الخيال

[بارقةأمل]

المشاركة الأصلية كتبت بواسطة الطائر المهاجر

"وإذا ابو عبدالله قايل هالكلام لك على انه صادر مني"
هذا كلام ام زياد
هي فهمت مثل فهمي انا فهمت مثل فهمها
إلا لازم تعقد الشوش يابليس

لا إللي انا فهمته في البداية منه أن الكلام واصله منك بس هل أنت اللي قايله أو
أحد من الأعضاء موصله لك هذي الي حبيت أفهمه منه
لكن المصيبة جلست أفكر فيه أحد شايل علي بقلبه
معقولة ما أتذكر أحد رافعه ضغطه غير غريب
وغريب طيوب ولا يمكن يقول هااشي لو أغلط عليه عياناً بياناً
فما بالك والعدوة بينا سعة صدر وإستعراض قدرات
الباقي متأكدة مابيبي وبينهم شي عشان يكذبون علي مثل هالكذبة