في ليلة القدر

[نجم الإبداع]

السلام عليكم
ومبروك عليكم الشهر

جاز القلم من حب نظم القوافي=والفكر من وصل القلم يوم ماجاز
سألت وشبك ياقلم قال كافي = جف المداد وغاب بالنظم الاعجاز
قلت العفو باجيك ماني بجافي=انت الصديق الي له القلب منجاز
لك ياقلم بالروح مركاز دافي =وان غبت عني صار من حولي حجاز
يتعكر الجو الذي كان صافي = ويتوقِّف المشروع من قبل الانجاز
في ليلة القدر انت ناوي اختطافي=ياقاف وش راي القلم وانت هجاز
قال القلم دام ان بيده كتافي= فاكتب على الكي بورد وصله من الجاز
ناجاني الحرف الذي كان غافي =جاوبت وناته وهذا له إيجاز

[الطامي]

ابن منشار
يسعدني ان اكون اول من قام بالرد
ابيات في غاية الروعه
صح السانك
و لاهان راسك يالغالي

[ماجد الزيد]

صح الله لسانك يابن منشار وجاد بنانك قاف عسر عز الله

[عبدالله الشويمان]

الاخ فلاح بن منشار حفظه الله.

صح السانك يا الغالي.

كيبورديه جميله الله يطول عمرك.

دمت بخير وعيدك مبار قبل الزحمه..

[ابومياس]

فلاح بن منشار

ياهلا بالشعر واهل الشعر

وياهلا بالقاف الرائع

قصيدة من جزل تنعم بالجزالة

صح لسانك ودام حرفك

دمت بخير

وكل عام وانت بخير

[حي الضمير]

صح لسانك يافلاح قصيده رائعة وتكمن روعتها بمضمونها

لاهنت ياشاعرنا الكبير...

[عبدالله راشد الثويني]

صح لسانك يا الغالي

إبداع لا محدود كما عودتنا على إبداعك المعتاد

كل الشكر ، بإنتظار ما يفيض به قلمك الرائع

تحيتي لشخصك الكريم

[حمد العيد]

القدير/ ابن منشار

لاهنت وصح لســـــــــــــــــــــــانك

ودي وتقديري

حمد العيد

الله الله

صح لسانك ولاهنت

[الصريح العتيبي]

الاخ/فلاح
صح لسانك على هذه الرائعه
متاااابع لنزفك
تقبل مروري وكل اعام وانت بخير