الغاز للأحمري

[محمد الأحمري]

السلام عليكم ورحمة الله وبركاته .........

أحببت من خلال هذا المنتدى المتخصص في الالغاز ان اطرح
عليكم للغز من فكرتي وابياتي البسيطه
هو سهل
واتمنى تشريفنا با التفاعل
تحياتي لكم

أقول فيه:

بنشدك عن رجل(ن)على بطن رجال=فزاع يفزع وللكرم به شهدها
في حالة الموقف ظهر قرن ميال=طيب الفعايل لنتهت به رقدها
راكد بنومه منسدح ماله اظلال=راسة بنومه منكس لي مددها

تحياتي لكم

[الطائر المهاجر]

هذا الظاهر انه "الزناد"

[العيناء العامريه]

أبنشدك عن بنت(ن) دخل فيها رجال=لاتصلي ولاتصوم وممشاها على السنة

الرجال اعتقد هو المسمار المسنن ( يمكن اسمه برغي والله ماعرف بالعربي اش هو) والبنت هي الدائره المسننه اللي يدخل فيها لاجل تثبيته و هي غلى التسننات تمشي


اسفه على طول الكلام لكن ماعرف اسمها عزقه /صاموله / او ماني صاحبه مهنه ماعرف اش يقولونلها

[العيناء العامريه]

بنشدك عن رجل(ن)على بطن رجال=فزاع يفزع وللكرم به شهدها
في حالة الموقف ظهر قرن ميال=طيب الفعايل لنتهت به رقدها
راكد بنومه منسدح ماله اظلال=راسة بنومه منكس لي مددا

ماشاء الله ابيات جميله و تظهر تمكنك من قول الالغاز

اقول انه الزناد في المسدس العادي
اما مسدس البكر فلابد ان يكون المطرقه (لان الزناد فيه لا يعمل الا اذا وقفت المطرقه كالقرن في الخلف)

[محمد الأحمري]

ياهلا وغلا فيكم جيمعا
نورتوا وحياكم الله
بصراحه لا
كلا الاجابتين خاطئه
وعيدوا المحاوله
________________
هو شي يلبس ويوضع لمن اراد
خارج عن جسم الانسان
((توضيح))
اكثر
هو سلاح

تحياتي

شكلنا بينا الحل

[علي محمد العتيبي]

محمد الأحمري

الله يهديك وضحت الحل

اكيد السيف

يعطيك العافيه ياغالي

احترامي

[العيناء العامريه]

الخنجر

لا تقول غلط وربي ازعل هههههههههههههههههههههههههههههه

[محمد الأحمري]

ههههههههههههههههههه
بكل صراحه الغزي اليوم تأكدت انه موب دقيق
وهذا الخلل مني
لان لغزي صار له كم حل
حلة((هو الخنجر)) وصح يركب على السيف والزناد مثل ماقال الدكتور الطائر المهاجر
ولاهانت الاخت العيناء

الخنجر ليش
فزاع يفزع في اي موقف دفاعي او شي
وللكرم به شهدها يكرم في ذبح الواجب للمعازيم او غيره
يعني له صفتين

وفي حالة الموقف الحاجه له او شي يظهر كا القلن القرن ابيض وميال زي شكل الخنجر
يظهر للدفاع او الإكرام

وقولي....طيب الفعايل لنتهت به رقدها

يعني طيب مافعلة وسواه من اكرام او غيره وخلصت الامور به ولا عاد فيه حاجه له
..........رقدها ........رجع في بيته وغمدة ونام ورقد

ودائم راكد بنومه منسدح ماله اظلال

مايظهر الا في الحاجه له اذا بغيناه ولا طول الوقت في غمده لا له ظل لانه في بيته واظلم

طبعا راسه بنومه منكس لي مددها

راسه الخنجر اذا خلناه في غمده تحت وعرفتوا

وصراحه انا لو وضحت كثير في الابيات عرفتوها
فا النقص مو منكم بيض الله وجيهكم

ونترك الرد والتوضيح لكم

تحياتي ياغالين
وبيض الله وجيهكم
وعذروني لو بدر مني قصور

[العيناء العامريه]

محمد

انا جاوبتك الخنجر فوق

[محمد الأحمري]

صح بيض الله وجهك معليش اختي والله مانتبهت
صح عليك اجل لغزي واضح بيض الله وجهك
وصح لسانك مليووووووووون ولا يكفون
وعذريني صح ومليون صح
ماعليش العذر والسموحه
قريت رد اخوي العتيبي ولا انتبهت لردك
الآ الآآآآآآآن
بيض الله وجهك
ههههههههههههه
سامحينا