تعبت اجامل

[الطائر المهاجر]

تعبت اجامل واجل الحسم لسنين = وليتي حسمته يومني في شبابي
مقعدك وحدك بين شم العرانين = اريح لبالك من طراد السرابي
من يزرع بأرضٍ صبخ يلحقه دين = وما يجني الا حنظلٍ للشرابي
ومن تاه دام الشمس فوق الحجاجين = وشلون لا جا الليل والبدر غابي
ومن طاوع لقلبه يخدعه الى حين = ولا من صحى عانى الألم والمصابي
دنيا نراكض خلفها كالمجانين = ولا احد تفكّر في عذاب وحسابي
طموحنا مالٍ وعز ونياشين = ومن ضعف ماله من قريب وصحابي
والمصلحه تحكم بكل الميادين = ومن لا ارتجي به مصلحه كالغرابي
ودامك تعيش بوقت كله ثعابين = فاحفظ لقرشك يرفعك للسحابي
الخلق ما تنفعك لو هم قريبين = من دون قرشك ما تساوي ترابي
محدٍ بهذا الوقت محكوم بالدين = تقول يرفعني اذا الظهر عابي
إلا اذا يعرف وراك الملايين = والا تخلى ما طمع بالثوابي
ترمى مثل غيرك بدار المسنين = ومهما تنادي ما تلاقي جوابي
فالحق على عمرك قبل وقتك الشين = لامن ضعفت وشفت شاربك شابي
قرشك يخدمك ما تبي منّة ادنين = فطرّب لعمرك وانتظر للمآبي

[حرف وشعر]

دنيا نراكـض خلفهـا كالمجانيـن
ولا احد تفكّر في عـذاب وحسابـي
طموحنـا مـالٍ وعـز ونياشيـن


يامير انك صدقت يابعدى

نص وافى وجميل

[الطامي]

تعبت اجامل واجل الحسـم لسنيـن
وليتي حسمته يومني فـي شبابـي
مقعدك وحدك بيـن شـم العرانيـن
اريح لبالك مـن مطـارد سرابـي
،،،،،،،،،،،،،،،،،،،،،،،
الطائر
صح السانك ملايين
نعم دكتور المسامح دائما حقه مأكول ويراه الاخرين ضعف فيه
وطيبه لايراه الاخرين وهكذا الدنيا باهلها تسير
رائعة وهادفه لافض فوك
شكرا لك

[بنت النور]

إحسآس مرهف وحسآس رايع



صـح لسآنٍـك ولآ هنتـي

نتريآ رايع بقلم اروع

[طوفـــان]

الله لايحوجنا لغيره سبحانه ،،


صح لسانك أبو عبدالله على طرحك الرائع

لك كل الشكر على طرحك

[داعي الشوق]

صح لسااااااااانك

و اعتلاشانك

و طاب حالك

و الله يصلح الحال

ولاهنت

[سمّار]

من يزرع بأرض الصبخ يلحقه دين
ومـا يجنـي الا حنظـلٍ للشرابـي
ومن تاه دام الشمس فوق الحجاجين
وشلون لا جا الليل والبـدر غابـي

اشهد لله انه قولٌ حكيم وعلمٌ غانم ...صح فكرك وقلبك على هذا الابداع وهذا القصيد الذي يحفظ في شعر الحكمه والعبره ....لك مني اجمل تحية وازكى سلام

[صنداح الزلامى]

الشاعر الدكتور

عثمان العبدالله الطاير المهاجر

صح الله لساااااااااانك واعتلا شاااااانك

دائما ماتجب الا الكلام الجزل لحيث انك

جزل اعجاب لك كن بخير

[الـزلـزال]

الطائر المهاجر

نص مميز ومتقن وهادف
من شاعر عودنا على تقديم روائع الحروف الشعريه
أبدعت وأمتعت شاعرنا عاك الله
حلق بحروف شعرك ولنا الأستمتاع بكل مافيه
صح لسانك ملايين ملايين
ولك فائق تحياتي وتقديري

[نجم الإبداع]

صح لسانك يادكتور

فكر نير

لاهنت

تقديري