على صباح الله نبي شاعر ويفهم بالنظام ... الطارف سديد يا الفطاحلة

سلام تسليمة وفاء تنصى مداهيل الكرام = يطرب لها الشعار والمعنى على سطح القمر
على صباح الله نبي شاعر ويفهم بالنظام= من جملة الحضار والمعنى على سطح القمر

[الطائر المهاجر]

اهلاً هلا بك يامحمد عد ماهل الغمام = يبرد لهيب النار والمعنى على سطح القمر
جالك شويعر عايب نيته في رد السلام= حياك وسط الدار والمعنى على سطح القمر

اررحب يا شايبنا ...

الك البقا يا أبو شنب والدرب قدمك لا تنام=زودت في المعيار والمعنى على سطح القمر
كانك شويعر وش نبيبك لا حلال ولا حرام= يا أبو عيون أكبار والمعنى سطح القمر

[مهدي الحبابي]

أخوي محمد الاسمري صح لسانك وبيض الله وجهك على البدع الرايع

أخوي ابو عبدالله صح لسانك وبيض الله وجهك على الرد


متابع وماسك الصف

لكما فااائق احترامي وتقديري

[الطائر المهاجر]

وشلون يا محمد ينام اللي مرابط بالدوام = عينه على السهار والمعنى على سطح القمر
من شرب كاس من الهوى يظن غيره بالغرام= يشرب نخب امرار والمعنى على سطح القمر

[الطائر المهاجر]

شكرا لأخي مهدي فقد ارشدني إلى خروجي عن الطاروق
نتيجة الإنشغال .

ارحب يالحبابي .. صحيت كلك يا أخوك .. حضورك .. يشرفنا يالقرم

ارحب يالدكتور مامنك قصور يالقرم .. الله لا يضرك .. يالجزل

والسموحة تأخرت .. عليك .. ليلة خميس وتعرف المفاطيح .. تبي ام الخمس

أسمع أسمع

لا هنت ولاهان من حضر

ما دام لك عينٍ نشوف وقلب مضنيه الهيام = يا وافي الأشبار والمعنى على سطح القمر
قلي وش اللي يفرق عيون الحرار أمن الحمام = يالشاعر البيطار والمعنى على سطح القمر

[الطائر المهاجر]

خل المفاطح وابتعد ان كان تبغى للسلام = خلك مع الاشجار والمعنى على سطح القمر
مابه حرارٍ دام كلٍ راكض مثل النعام = فالقرش ابا الاحرار والمعنى على سطح القمر

الظاهر الشايب " نقز بلفه " وصابه لأنفصام= والليل أبو الأسرار والمعنى على سطح القمر
الحر يبقى حر .. لو مر الزمن مليون عام=ما همه الدولار والمعنى على سطح القمر

[الطائر المهاجر]

خبرك عتيق ولا عرفت السر .....
التكملة بعد الصلاة